Page Text
________________
१८०
आवश्यक - मूलसूत्रम् - २- ४ / २६ रोहगसज्जो ठिओ, एवं बारस वरिसा जाया रोहिजंतस्स, एत्थ य रोहए हल्लविहल्ला सेयणएण निग्गया बलं मारेंति दिवे दिवे, कोणिओवि परिखिज्जइ हत्थिणा, चिंतेइ को उवाओ जेण मारिजेज्जा ?, कुमारामच्चा भणंति-जइ नवरं हत्थी मारिज्जइ, अमरिसिओ भाइ मारिज्जउ, ताहे इंगालखड्डा कया, ताहे सेयणओ ओहिणा पेच्छइ न वोलेइ खड्डे, कुमारा भणंति-तुज्झ निमित्तं इमं आवई पत्ता तोवि निच्छसि ?, ताहे सेयणएण खंधाओ ओयारिया, सो य ताए खड्डाए पडिओ मओ रयणप्पहाए नेरइओ उववन्नो, तेवि कुमारा सामिस्स सीसत्ति वोसिरंति देवयाए साहरिया जत्थ भयवं तित्थयरो विहरइ, तहिव नयरी न पडइ, कोणियरस चिंता, ताहे कूलवालगस्स रुड्ढा देवया आगासे भणइ
'समणे जइ कूलवालए मागहियं गणियं लगेहिती । लाया य असोगचंदए, वेसालिं नगरिं गहिस्सइ ।।
सुर्णेतओ चेव चंपं गओ कूलवालयं पुच्छइ, कहियं, मागाहिया सद्दाविया विडसाविया जाया, पहाविया, का तीसे उप्पत्ती जहा नमोक्कारे पारिणासियबुद्धीए थूमेति'सिद्धसिलायलगमणं खुड्डुगसिललोट्टणा य विक्खंभो । सावो मिच्छावाइत्ति निग्गओ कूलवालतवो || तावसपल्ली नइवारणं च कोहे य कोणिए कहणं । माहिगमनं वंदन मोदगअइसार आननया ।। पडिचरणोभासणया कोणियगणियत्ति गमननिग्गमनं । वेसालि जहा घेप्पइ उदिक्ख जओ गवेसामि || वेसालिगमण मग्गण साईकारावणे य आउदा । थूम नरिंदनिवारण इट्टगनिक्कालणविनासो || पडियागमने रोहण गद्दभहलवाहणापइन्नाय | चेडगनिगम वहपरिणओ य माया उवालद्धो ।।
कोणिओ भाइ चेडग ? किं करेमि ?, जाव पुक्खरिणीओ उठ्ठेमि ताब मा नगरी अतीहि, तेन पडिवन्नं, चेडगो सव्वलोहियं पडिमं गलए बंधिऊण उइन्नो, धरणेण सभवणं नीओ कालगओ देवलोगं गओ, बेसालिजनो सव्वो महेसरेण नीलवंतंमि साहरिओ । को महेसरोत्ति ?, तस्सेव चेडगस्स धूया सुजेट्ठा वेगा पव्वइया, सा उवस्सयस्संतो आयावेइ, इओ य पेढालगो नाम परिव्वायओ विज्जासिद्धो विजाउ दाउकामो पुरिसं मग्गाइ, जइ बंभचारिणीए पुत्तो होज्जा तो समत्थो होज्जा, तं आयावेंती दवणं धूमिगावामोहं काऊण विजाविवज्रासो तत्थ सेरितु काले जाए गन्भे अतिसयणाणीहिं कहियं न एयाए कामविकारो जाओ, सङ्घयकुले वङ्काविओ, समोसरणं गओ साहूणीहिं सह, तत्थ य कालसंदीवो वंदित्ता सामिं पुच्छइकओ मे भयं ?, सामिणा भणियं एयाओ सच्चतीओ, ताहे तस्स मूलं गओ, अवन्नाए भाइ- अरे तुमं मरी मारेहिसित्ति पाएसु बला पाडिओ, संवडिओ, परिव्वायगेण तेन संजतीणं हिओ, विज्जाओ सिक्खाविओ, महारो हिणिं च साहेइ, इमं सत्तमं भवं, पंचसु मारिओ, छठ्ठे छम्मासावसेसाउएण नेच्छिया, अह साहेतुमाराद्धो अनाहमडए चितियं काऊण उज्जालेत्ता अल्लचंमं वियडित्ता वामेण अंगुएण ताव चंकमइ जाव कठ्ठाणि जलंति, एत्यंतरे कालसंदीवो आगओ कठ्ठाणि छुम्भइ, सत्तस्ते गए देवया सयं उवट्टिया - मा विग्धं करेहि, अहं एयस्स सिज्झिउकामा, सिद्धा भणइ
Jain Education International
For Private & Personal Use Only
www.jainelibrary.org
| SR No. | 003377 |
| Book Title | Agam Sutra Satik 40 Aavashyak MoolSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 808 |
| Language | Prakrit, Sanskrit |
| Classification | Book_Devnagari, Agam, Canon, Agam 40, & agam_aavashyak |
| File Size | 16 MB |