Page Text
________________
अध्ययनं ४ - [ नि. १२८४]
१७९
भत्तं वारियं, पाणियं न देइ, ताहे चेल्लणा कहवि कुम्मासे वाले हिं बंधित्ता सयाउं च सुरं पवेसेइ, सा किर धोवइ सयवारे सुरा पाणियं सव्वं होइ । अन्नया तस्स पउमावईए देवीए पुत्ती उदायितकुमारो जेमंतस्स उच्छंगे ठिओ, सोथाले मुत्तेति, न चालेइ मा दूमिज्जिहित्ति (जत्तिए) मुत्तियं तत्तियं कूरं अवनेइ, मायं भणति-अम्मो ! अन्नस्सवि कस्सवि पुत्तो एप्पिओ अत्थि ?, मायाएसो भणिओदुरात्मन् तव अंगुली किमिए वमंती पिया मुहे काऊण अच्छियाइओ, इयरहा तुमं रोवंतो अच्छियाइओ, ताहे चित्तं मउयं जायं, भाइ-किह ?, तो खाइ पुण मम गुलमोयए पेसेइ ?, देवी भणइ-मए ते कया, जं तुमं सदा पिइवेरिओ उदरे आरद्धोत्ति सव्वं कहेइ, तहावि तुज्झ पिया न विरज्जइ, सो तुमे पिया एवं वसनं पाविओ, तस्स अरती जाया, सुणेतओ चेव उट्ठाय लोहदंडं गहाय नियलणि भंजामित्ति पहाविओ, रक्खवालगा नेहेणं भांति एस सो पावो लोहदंडं गहाय एइत्ति, सेणिएण चिंतियं-न नज्जइ कुमारेण मारेहितित्ति तालउडं विसं खइयं जाव एइ ताव मओ, सुट्टयां अधिती जाया ताहे डहिऊण घरमागओ रजधुरामुक्कतत्तीओ तं चैव चिंतंतो अच्छइ, कुमारामच्चेहिं चिंतियं-नट्टं रज्जं होइत्ति तंबिए सासणे लिहित्ता अक्खराणि जुनं काऊण राइणो उवनीयं, एवं पिउणो कीरइ पिंडदाणादी, नित्थारिज्जइ, तप्पभिति पिंडनिवेयणा पवत्ता, एवं कालेण विसोगो जाओ, पुणरवि सयणपरिभोए य पियसंतिए दट्ठूण अद्धिती होद्दित्ति तओ निग्गओ चंपारायहाणीं करेइ, ते हल्लविहल्ला सेयणएण गंधहत्थिणा समं सभवणेसु य उज्जानेसु य पुक्खरिणीएसु अभिरमंति, सोवि हत्थी अंतेउरियाए अभिरमावेइ, ते य पउमावई पेच्छइ, नयरमज्झेण य ते हल्लविहल्ला हारेण कुंडलेहि य देवदुसेण विभूसिया हत्थिखंधवरगया दडूण अद्धितिं पगया कोणियं विन्नवेइ, सो नेच्छइ पिउणा दिन्नंति,
एवं बहुसो २ भणंतीए चित्तं उप्पन्नं, अन्नया हल्लविहल्ले भणइ-रजं अद्धं अद्वेण बिर्गिचामो सेयणगं मम देह, ते हिमा सुरक्खं चिंतियं देमोत्ति भणति गया सभवणं, एक्काए स्तीए सअंतेउरपरिवारा वेसालिं अजमूलं गया, कोणियस्स कहियं नट्ठा कुमारा, तेन चिंतियं-तेवि न जाया हत्थीवि नत्थि, चेडयस्स दुयं पेसइ, अमरिसिओ, जइ गया कुमारा गया नाम, हत्थिं पेसेह, चेडगो भणइ - जहा तुमं मम नत्तुओ तहा एएवि, कह इयाणि सरणागयाण हरामि न देमित्ति दूओ पडिगओ, कहियं च, पुणोवि दुयं पठ्ठवेइ-देह, न देह तो जुज्झसज्जा होह एमित्ति, भणड़-जहा ते रुच्चइ, ताहे कोणिएण कालाइया कुमारा दसवि आवाहिया, तत्थेक्ककस्स तिन्नि २ हत्थिसहस्सा तिन्नि २ आससहस्सा तिन्नि २ रहसहस्सा तिन्नि २ मनुस्सकोडिओ कोणियस्सवि एत्तियं सव्वाणिवि तित्तीसं ३३, तं सोऊण चेडएण अट्टारसगणरायाणो मेलिया, एवं ते चेडएण समं एगूणवीसं रायाणो, तेसिंपि तिन्नि २ हत्थिसहस्साणि तह चेव नवरं सव्वं संखेवेण सत्तावन्नं, ताहे जुद्धं संपलग्गं, कोणियस्स कालो दंडणायगो, दो वूहा काया, कोणिस्स गरुडवूहो चेडगस्स सागरवूहो, सो जुज्झतो कालो ताव गओ जाव चेडगो, चेडएण य एगस्स य सरस्स अभिग्गहो कओ, सो य अमोहो, तेन सो कालो मारिओ, भग्गं कोणियवलं, पडिनियत्ता सए २ आवासे गया,
एवं दसहि दिवसेहिं दसवि मारिया चेडएण कालादीया, एक्कारसमे दिवसे कोणिओ अट्टमभत्तं गिues, सक्कचमरा आगया, सक्को भणइ - चेडगो सावगोत्ति अहं न पहरामि नवरं सारक्खामि, एत्थ दो संगामा महासिलाकंड ओ रहमुसलो भाणियव्वो जहा पन्नत्तीए, ते किर चमरेण चिउब्विया, ताहे चेडगस्स सरो वइरपडिरुवगे अप्फिडिओ, गणरायाणो नट्ठा सणयरेसु गया, चेडगोवि वेसालिं गओ,
Jain Education International
For Private & Personal Use Only
www.jainelibrary.org
| SR No. | 003377 |
| Book Title | Agam Sutra Satik 40 Aavashyak MoolSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 808 |
| Language | Prakrit, Sanskrit |
| Classification | Book_Devnagari, Agam, Canon, Agam 40, & agam_aavashyak |
| File Size | 16 MB |