Page Text
________________
३१६
आवश्यक मूलसूत्रम् - १
पउमे विउव्वेइ, पउमे २ अट्ठ अट्ठ पत्ते विउव्वेइ, पत्ते २ अट्ठ २ बत्तीसबद्धाणि दिव्वाणि नाङगाणि विउव्वइ, एवं सो सव्विड्डीए उवगिजमाणो आगओ, तओ एरावणं विलग्गो चेव तिक्खुतो आदाहिणं पयाहिणं सामि करेइ, ताहे सो हत्थी अग्गपादेहिं भूमीए ठिओ, ताहे तस्स हत्थिस्स दसण्णकूडे पव्वते देवताप्पसाएण अग्गपायाणि उट्ठिताणि, तओ से नामं कतं गग्गपादगोत्ति, ताहे सो दसण्णभद्दो चिंतेइ - एरिसा कओ अम्हाणं इड्डित्ति ? अहो कएल्लओऽनेन धम्मो, अहमवि करेमि, ताहे सो सव्वं छड्डेऊण पव्वइओ । एवं इड्डीए सामाइयं लहइ ।
इदानं असकारेणं, एगो धिजाइओ तहा-रूवाणं घेराणं अंतिए धम्मं सोचा समहिलिओ पव्वइओ, उग्गं २ पव्वज्जं करेंति, नवरमवरोप्परं पीती न ओसरइ, महिला मनागं धिज्जाइणित्ति गव्वमुव्वहति, मरिऊण देवलोयं गयाणि, जहाउगं भुतं । अतो य इलावद्धणे नगरे इलादेवया, तंगा सत्यवाही पुत्तकामा अलग्गति, सो चविऊण पुत्तो से जाओ, नामं च से कयं इलापुत्तो त्ति, इयरीवि गव्वदोसेणं तओ चुया लंखगकुले उप्पन्ना, दोऽवि जोव्वणं पत्ताणि, अन्नया तेन सा लंखगचेडी दिट्ठा, पुव्वभवरागेण अज्झोववण्णो, सा मग्गिनंतीवि न लब्मइ जत्तिएण तुलइ तत्तिएण सुवण्णेण ताणि भणति एसा अम्ह अकखयणिही, जइ सिप्पं सिकसि अम्हेहि य समं हिंडसि तो ते देमो, सो तेहिं समं हिँडिओ सिक्खिओ य, ताहे विवाहणिमित्तं रण्णो पेच्छयणं करेहित्ति भणितो, बेन्नातडं गयाणि, तत्थ राया पेच्छति संतेपुरो, इलापुत्तो य खेड्डाउ करेइ, रायाए दिट्ठी दारियाए, राया न देइ, रायाणए अदेन्ते अन्नेऽवि न देति, साहुकाररावं वट्टति, भणिओ-लंख ! पडणं करेह, तं च किर वंससिहरे अड्डुं कट्टं कतेल्लयं, तत्थ खीलयाओ, सो पाउ आउ आहिंधइ मूले विंधियाओ, तओऽ सिखेडगहत्थगओ आगासं उप्पइत्ता ते खीलगा पाउआणालियाहि पवेसेतव्या सत्त अग्गिमाइद्धे सत्त पच्छिमाइद्धे काऊण, जइ फिडइ तओ पडिओ सहा खंडिज्जइ, तेन कयं, राया दारियं पलोएइ, लोएण कलकलो कओ, न य देइ राया राया न पेच्छइ, राया चिंतेइ जइ मरइ तो अहं एयं दारियं परिणेमि, भणइ-न दिट्ठ, पुणो करेहि, पुणोऽवि कयं तत्थऽवि न दिट्ठ, ततियंपि वारायं, तत्थवि न दिट्टं, चउत्थियाए वाराए भणिओ-पुणो करेहि, रंगो विरतो, ताहे सो इलापुत्तो वंसग्गे ठिओ चिंतेइ-घिरत्थु भोगाणं, एस राया एत्तियाहिं न तित्तो, एताए रंगोवजीबियाए लग्गिउं मग्गइ, एताए कारणा ममं मारेउमिच्छइ, सा य तत्थ ठियओ एगत्थ सेट्ठिघरे साहुणो पडिलाभिज्ज्रमाणे पासति सव्वालंकाराहिं इत्थियाहिं, साहूय विरत्तत्तेण पलोयमाणे पेच्छति, ताहे भणइ- 'अहो धन्या निःस्पृहा विषयषु' अहं सेट्ठिसुओ एत्यंपि एस अवत्थो, तत्थेव विरागं गयस्स केवलणाणं उप्पन्नं । ताऽवि चेडीए विरागो विभासा, अग्गमहिसीएऽवि रन्नोऽवि पुनरावत्ती जाया विरागो विभासा, एवं ते चत्तारिऽवि केवली जाया, सिद्धा य। एवं असक्कारेण सामाइयं लब्भइ, अहवा तित्थगराणं देवासुरे सकारे करेमाणे दवण जहा मरियस्स || अहवा इमेहिं कारणेहिं लंभोनि. (८४८) अब्ट्ठाणे विनए परक्कमे साहुसेवणाए य ।
संमद्दंसणलंभो विरयाविरईइ विरईए ।
वृ- अभ्युत्थाने सति सम्यग्दर्शनलाभो भवतीति क्रिया, विनीतोऽयमिति साधुकथनात्, तथा 'विनये' अञ्जलिप्रग्रहदाविति, 'पराक्रमे' कषायजय सति, साधुसेवनायां च सत्यां कथञ्चित्
Jain Education International
For Private & Personal Use Only
www.jainelibrary.org
| SR No. | 003377 |
| Book Title | Agam Sutra Satik 40 Aavashyak MoolSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 808 |
| Language | Prakrit, Sanskrit |
| Classification | Book_Devnagari, Agam, Canon, Agam 40, & agam_aavashyak |
| File Size | 16 MB |