Page Text
________________
दशा-१०, मूलं-१०४, [नि-१४४] जाव किं ? ते आसगस्स सदति, तीसेणं तहप्पगाराए इत्थियाए तहालवे समणे माहणे वा उभय कालं केवलिपन्नत्तं धम्म आइक्खेजा ? साणं भंते पडिसुणेजा? नो इणढे समत्थे, अभविया णं सा तस्स धम्मस्स सवणयाए सा च भवति महिच्छा महारंभा महा-परिग्गहा अहम्पिया जाव दाहिणगामिएनेरइएआगमिस्साएदुल्लभबोहियाविभवति। एवंखलु समणाउसो! तस्स निदानस्स इमेयारवे पाव-कम्म-फलविवागं जं नो संचाएति केवलिपनत्तं धम्म पडिसुणेत्तए।
मू. (१०५) एवं खलु समणाउसो! मए धम्मे पन्नत्ते इणमेव निग्गंथे पावयणेतह चेवं जस्स णं धम्मस्स निग्गंधे सिक्खाए उवहिते विहरमाणे पुरादिगिच्छाए जाव से य परक्कममाणे पासेजा इमा इथिका भवति एगा एगाजाता एगा जाव किं ? ते आसगस्स सदति? जं पासित्ता निग्गंधे निदानं करेति दुक्खं खलु पुमत्तणए जे इमे उग्गपुत्ता महामाउया भोगपुत्ता महामाउया एतेसिंणं अन्नतरेसु उच्चावएसु महासमरसंगमेसु उच्चावयाइं सत्थाई उरसि चेव पडिसंवेदेन्ति, तं दुक्खं खलु पुमणत्तए इत्थित्तणयंसाहू । जइ इमस्स तवनियमबंभचेरवासस्स फलवित्तिविसेसे अत्थि? वयमवि आगमेस्साणं जाव से तं साधू । एवं खलु समणाउसो ! निग्गंथे निदानं किच्चा तस्स ट्ठाणस्स अनालोइयअपडिक्कते कालमासे कालं किच्चा अन्नतरेसु जाव से णं तस्य देवे भवति महिड्डीएजावविहरति । सेणं देवेततो देवलोगाओआउखएणंजावअन्नतरंसिकुलंसिदारियताए पञ्चायातिजावतेणं तं दारियंजाव भारियत्ताए दलयन्ति साणं तस्स भारिया भवतिएगाएगजाता जाव तहेव सव्वं भाणियव्वं तीसे णं अतिजायमाणीए वा जाव किं ? ते आसगस्स सदति। तीसे णं तहप्पगाराए इथिकाए तहारूवे समणे वा माहणे वा जाव णं पडिसुणेना ? नो इणढे समढे, अभविया णं सा तस्स धम्मस्स सवणताए, सा य भवति महिच्छा जाव दाहिणगामिए नेरइए आगमेस्साणं दुल्लभबोहियावि भवति तं एवं खल समणाउसो! तस्स निदानस्स इमेतारूवे पावते फलविवागे भवतिजं नो संचाएति केवलिपन्नतं धम्म पडिसुणेत्तए।
मू (१०६) एवं खलु समणाउसो! मए धम्मे पन्नते इणमेव निग्गंथे पावयणे सेसंतं चेव जाव जस्स धम्मस्स निगंथी सिक्खाए उवद्विता विहरमाणी पुरा दिगिच्छाए पुरा जाव उदिन्नकामजातायाविविहरेज्जा, सायपरक्कमेजा सायपरक्कममाणी पासेजा से जेइमे उग्गपुत्ता महामाउया भोगपुत्ता महामाउया जाव किं ? ते आसगस्स सदति ? जं पासित्ताणि निग्गंधी निदानं करत्ति दुक्खं खलु इत्थित्तणए दुस्संचाराइंगामंतराइंजाव सन्निवेसंतराइं। से जहा ता मए अंबपेसियाति वा अंबाडगपेसियाति वा मंसपेसियाति वा उच्छुखंडयाति वा संबलिफालियाति वा बहुजनस्स आसायणिज्जा पत्थणिजा पीहणिजाअभिलसणिज्जा एवामेव इथिकायिबहुजनस्स आसायणिजा तंदुक्खंखलु इस्थित्तणए पुमत्तणा; साहू, जइइमस्स तवनियमस्सजावसाहू एवं खलु समणाउसो! निग्गंधी निदानं किच्चा तस्स द्वाणस्स अनालोइयअपडिक्ता कालमासे कालं किच्चा अन्नत्तरेसु देवत्ताए उववत्तारा भवति, सेणं तत्थ देवे भवति महिड्दिए जाव चइत्ता जे इमे उग्गपुत्ता तहेव दारए जाव किं? ते आसगस्स सदति ? तस्स णं तवष्यगारस्स पुरिसजा-तस्स जाव अभविएणं से तस्स धम्मस्स सवणताए से य भवति महिच्छाए जाव दाहिणगामिए जाव दुल्लभबोहिए यावि भवति एवं खलु जाव पडिसुणेत्तए।
मू. (१०७) एवं खलु समणाउसो! मए धम्मे पन्नत्ते, इणमेव निग्गंधे पावयणं तहेव जस्सणं
Jain Education International
For Private & Personal Use Only
www.jainelibrary.org
| SR No. | 003373 |
| Book Title | Agam Sutra Satik 37 Dasashrutskandh ChhedSutra 4 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 110 |
| Language | Prakrit, Sanskrit |
| Classification | Book_Devnagari, Agam, Canon, Agam 37, & agam_dashashrutaskandh |
| File Size | 3 MB |