Agam Sutra Satik 37 Dasashrutskandh ChhedSutra 4

SR No.: 003373
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 110
Language: Prakrit, Sanskrit
Classification: Book_Devnagari, Agam, Canon, Agam 37, & agam_dashashrutaskandh
File Size: 3 MB

Page 13

दशाश्रुतस्कन्ध-छेदसूत्रम् - १/२ परिभवति आयरियं । इदानिं परिभवमाणो आणाओववाते य अवट्टंतो पडिनोदितो असंखडेजा, तत्थ य संजम आतविराधना, तंमि वट्टंतो अप्पाणं परं च असमाधीए जोएति । 'थेरावधाती'थेरा-आयरिआ गुरवो ते आयारदोसेण वा सीलदोसेण वा उवहणेति नाणातीहिं वा । भूतोवधातिएभूतानि - एगिंदियानि उवहणति अनट्ठाए सायागारवेण रसगारवेण विभूसावडियाए वा आधाकम्मादीनि वा गिण्हति तारिसं वा करेति भासति य जेन भूतोवधातो भवति । 'संजलणे' -संजलणो नाम पुनो पुनो रुस्सति । पच्छा चरितसस्सं हणति डहइ वा अग्गिवत् । 'कोहणे'- कोहणोत्ति सइ कुद्धो अचंतं कुद्धो भवति अनुवसंतवेर इत्यर्थः । पिट्ठिमंसियाएवि भवति पिट्ठिमंसितो- परमुहस्स अवन्नं बोल्लेइ अगुणे भासति नाणादिसु । एवं कुप्पमाणो अप्पणो परेसिं च इह परत्र च असमाधिमुप्पाएति । अपिशब्दात् समक्खं चेव भणति जं भाणियव्वं ओधारयित्ता अभिक्खणं २ पुनो पुनो ओधारणिं भासं भासति । तुमं दोसो चोरो पारिदारिओ वा जं चासंकितं तं नीसंकितं भणति । 'नवाइ अधिगरणाई अनुपन्नाई उप्पाइत्ता भवति ।' नवाइंति न चिराणाई अनुष्पन्नाई अनुप्पन्नाई न कदाइ तारिसं उप्पन्नपुव्वा अहिकरेति भावं अधिकरणं अद्धितिकरणं वा कलह इत्यर्थः । तं उप्पायंतो अप्पाणं परंच असमाहीए जोएति । जम्हा तावो भेदो अयसो हानी दंसणचरित्तनाणाणं । साधुपदोसो संसारवद्धणा साहिकरणस्स ।। अतिभणित अभणिते वा तावो भेदो चरित्तं जीवाणं । रूवसरिसं न सीलं, जिम्हंति अयसो चरति लोए । चत्तकलहोदि न पढति, अवच्छलतेय दंसणे हानी । जहा कोधादिविवड्डी, तह हानी होति चरणेवि ॥
अजितं समीखल्लएहिं तवनियमबंभमइएहिं माहुतयं छड्डेहि बहुं तयं सागपत्तेहि ॥
१०
अहवा नवानि अधिकरणाणि जं तानि उप्पाएति जोतिसनिमित्तानि वा पोत्तमत्तीउ वा ॥ पोराणाई कहं उदीरेति ? भन्नति मम तइया किं सवसि ? प्रत्याह-इदानिं ते किं मरिसेमि ? माते पित्तं सुहं भवतु । 'अकालसज्झायकारएयावि' त्ति-अकालित्ति-कालियसुत्तं ओग्घोडाए पोरिसीए सज्झायं करेति संझासु वा ततो पडिबोहितो मा करेहिं, भंडणं करेति देवताच्छलिज्जा । 'ससरक्खपाणिपादे' - ससरक्खेण पाणिपादेण थंडिलातो अथंडिलं संकमतो अथंडिलाओ वा थंडिलं, न पडिलेहिति न पमञ्जति भंगा सत्त । एवं कण्हभोम्मादिसु वि विभासा । 'ससरक्खपाणी' ससरक्खेहिं हत्थेहि भिक्खं गिण्हति । स एवं कुव्वंतो संजमो असमाधीए अप्पाणं जोएति नोदितो वा असंक्खड करेति । सद्दकरे संतप्पसंते महता सद्देण उल्लावेति वेरत्तिअं वा करेंतो । 'भेदकरे' त्ति-जेन जेन गणस्स भेदो भवति तं तं आचेट्ठति, झंज्झं करेति, जेन सव्वो गणो झंज्झइंतो अच्छति एरिसं करेति भासति वा । कलहकरेत्ति - अक्कोसमादीहिं जेन कलहो भवति तं करेति स एवंगुणजुत्तो असमाहीए ठाणं भवतित्ति वाक्यशेषः । तस्य च एवं कुर्वतः असमाहिट्ठाणं भवति । सूरप्पमाणभोईसूर एवं प्रमाणं तस्य उदिते सूरे आरद्धा जाव न अत्थमेइ ताव भुंजति सज्झायमादी न करेति, पडिनोदितो रुस्सति अजीरंते वा असमाधी भवति । एसणाए असमिते यावि भवति अनेसनं न परिहरति पडिनोदितो साहूहिं समं भंडति अपरिहरंतो छक्कायावराधे वट्टति स जीवावरा हे वट्टंतो अप्पाणं असमाधीए जोएति । चशब्दातो एसणा च तिविधा- गवेसणा गहणेसणा घासेसणा । अपिसद्दातो सेसमिति । असमितस्सवि त एव दोसा भवंति । एते खलु ते वीसं असमाधिद्वाणा