Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 922

उद्देश : १४, मूलं - ८६७, [भा. ४५९४]
[मा. ४५९४]
२३
संविग्गमसंविग्गे, संकमसंकाए परिनय विवेगो । पडिलेहण निक्खिवणं, अप्पणो अट्ठाए अन्नेसिं ।
चू-संकिओ उन्निक्खमिस्सं न वा, असंकाए त्ति अवस्सं उन्निक्खिस्सामि त्ति । एवं ओहावंतो संदिग्गेहिं वा असंविग्गेहिं वा अनुसट्ठो । जति संविग्गेसु चैव परिणतो वुत्थो वा तो अन्नसंभोतिएसु मासलहुं । अह पडिनियत्तो असंविग्गेसु परिणतो वुत्थो वा तो उवकरणं उवहतं विवेगो कायव्वो । अह उन्निक्खतो आयारभंडगं पक्खे पक्ख पाडलेहेति वेहासे य निक्खिवति त्ति ठवेति एवं करेंतस्स नो उवहम्मति । तं पुण एवं करेति “पुणो मे निक्खमंतस्स होहि त्ति अन्नरस वा साधुस्स दाहामि "त्ति ॥
[भा. ४५९५] घेत्तूणऽगारलिंग, वती व अवती व जो तु ओधावी । तस्स कडिपट्टदानं वत्थं वाऽऽ सज्ज जं जोग्गं ॥
- जो लिंगोधावी आयरियसमीवातो चेव अगारलिंगं घेत्तुं गच्छति, “वइ"त्ति अनुव्वयाणि घेत्तुं गच्छति, “अवइ "त्ति दंसणसावतो वा होउं, तस्स आयरिया कडिपट्टगं सगलसाडगं देंति । "वत्थं वाऽऽ सज्ज' त्ति पवयणुब्भावगोरायादि दिक्खितो वा जं जोग्गं ति जुवलं दो तिन्नि वा जव हिरन्नगादी विदिज्जति ।। आगारलिंगोहावी गतो । इमो संकिज्जइ
[भा. ४५९६] जति जीविहिंति जति वा, वि तं धणं धरति जति व वोच्छंति । लिंगं मोच्छिहिति संका, पविट्ठवुत्थे व उवहम्मे ॥
- लिंगोहवी गहियलिंगो इमं चिंतेति - "जइ मे सयणा भारिया वा जीवति, जति वा धनं दाइयादीहिं अविलुत्तं धरेति, जति वा मातापितादिया सयणा भणोहिंति - जहा “उन्निक्खमाहि", तो रोहरणादियं दव्वलिंगं मुंचीहामि । एवं ससंको गच्छंतो, जति पासत्थादिएसु पविसति वसति वा तो उवकरणं तं उवहम्मति ॥ "ससंकलविंगोधावी" गतो । इंदाणिं “निस्संकलिंगोधावी" अवस्सलिंगं मुंचीहामि त्ति । तहावि गहियलिंगो गच्छति इमेहिं कारणेहिं
[भा. ४५९७]
समुदानं पारियाण व भीतो गिहिपंततक्कराणं वा ।
नेत्तुवधिं सो तेणो, पविट्ठा वुत्थे वि हुन हम्मे ॥
चू-समुदानं ति भिक्खा, “अंतरे हिंडिहामि त्ति, नगरदुवारे वा गिहत्थस्स पवेसो न लब्भति, थाणइल्ला वा मा कयत्येहिंति, गिहत्थपंता वा जे तक्करा तेसिं वा भीतो लिंगं न मुंचति, सो भावतो असंजतो उवकरणतेणो सो दट्ठव्वो । एवं निस्संको गच्छंतो जइ पासत्थादिएसु पविसति वसति वा तहावि उवकरणं न उवहम्मति, चरणाभावतो || निस्संकोधावी गतो । इदानिं "परिनय" विवेगो" त्ति अस्य व्याख्या
[भा. ४५९८ ] नीसंको वऽनुसट्टो, भणेज्ज तेहुवहिमहं तु ओहामि । संविग्गणितगहणं, इतरेहि वि जाणगा गेहे ॥
चू- निस्संको ओहावंतो संविग्गादीहिं अनुसट्टो जइ नट्ठितो भणितो य- “उवकरणं पिता मंच" । अप्पणी वा भणे- “अहं अवस्सं ओहावीहामि, इमं पादादिगं उवगरणं आयरियाणं पावेज्जह", तं जति संविग्गेहिं आनियं तो घेप्पति । जइ पुण "इयरेहिं" ति -पासत्यादिएहिं आनियं तो जति सव्वे गीयत्था अगीयत्येहिं वा परिनामगेहिं मिस्सा तो घेप्पति अन्नहा नो घेप्पति ।।