Page Text
________________
निशीथ-छेदसूत्रम् -३-१४/८६७ दिन्नो, परेण न मत्तगो आसि । आयरिओ भणति - एयं मिच्छपूवणं करेसि ॥जतो भण्णति[भा.४५३७] पाणदयखमणकरणे, संघाडऽसती वि कप्पपरिहारी।
खमणासहु एगागी, गेहंति तु मत्तए भत्तं ।। चू- “पाणदय"त्ति बहूणं हिंडताणं मा आउक्कायादिपाणविराधना भविस्सति ताहे मत्तगे वि भत्तं गेण्हसि अन्नसाहुअट्ठाए।अहवा-एगेण संघाडगसाहुणाखमणं कतं, बितिओखमणस्स असहू, संघाडासतीते पडिग्गहे भत्तं मत्तगेण वा पानगं गेण्हति, अन्नेन य संघाडगेण सह नो हिंडति, तिण्हं विकप्पो भवतित्ति खमगो पारणदिने सघाडासतीते पढ़मालियं आनंतोपडिगगहे पाणगं मत्तए भत्तं गेण्हति । एवं असहपुरिसो वि,एगागी वा । “कारणे एवं चेव" एवमादि ।। [भा.४५३८] गुणनिप्फत्ती बहुगी य, दगमासे होहिति त्ति वियरंति ।
लोभे पसज्जमाणे, वारेति ततो पुणो मत्तं ॥ चू-एवं बहू संजमादिगुणनिष्फत्ती, "दगमासे"त्ति वासासु होहितित्ति तेन अजरक्खियसामी वितरति भोगं मत्तगस्स आत्मार्थे । वरिसाकालस्स परतो उडुबद्धे अतिलोभपसंगतो चेव अजरक्खियसामिणो पुणो मत्तगपरिभोगं आत्मार्थे वारेति तम्हा अञ्जरक्खिएहिं मत्तगपरिभोगो अनुन्नातो ॥ मत्तगो पुण[भा.४५३९] थेराणेस वि दिनो, ओहोवहि मत्तओ जिनवरेहिं ।
आयरियादीणट्ठा, तस्सुवभोगो न इहरा तु ।। चू-थेरकप्पियाण जिनवरेहिं चेव एस मत्तओ ओहोवहिस्स चोद्दसविहस्स मज्झे भणितो, अस्स य परिभोगो अनुण्णातो आयरियादीणऽट्ठाए, “न इहरा तु" नो अप्पणो अट्ठाए त्ति वुत्तं भवति।। [भा.४५४०] एवं सिद्धं गहणं, आयरियादीण कारणे भोगो।
पाणिदयदुवभोगो, बितिओ पुण रखितऽज्जकतो।। चू- मत्तगस्स सिद्धं गहणं थेरकप्पियाणं, तस्स परिभोगो आयरियादिकारणेहिं जिनेहिं चेव अनुन्नातो, बितियपरिभोगो पानदयादिकाणेहिं आत्मार्थे रखियऽज्जेहिं कतो । सो वि इदानि अविरुद्धो चेव ॥ उदुबद्धे निक्कारणा[भा.४५४१] जत्तियमेत्ता वारा, दिनेन आनेति तत्तिया लहुगा ।
अट्ठहि दिनेहि सपदं, उडुबद्धे मत्तपरिभोगो ।। चू- मत्तगेण जत्तिए वारे उडुबद्धे पुण आणेति भत्तपानं तत्तिए वारे मासलहू भवति, अभिक्खसेवाए पुण अट्ठमे दिने सपदं पारंचियं भवति॥ [भा.४५४२] जेसि एसुवदेसो, तित्थगराणं तु कोविता आणा ।
चउरोय अनुग्धाया, अह धरणे जे वण्णिया पुव्वं ।। चू-"तित्थगरेहिं मत्तगो नाणुण्णातो"त्ति जेसि एरिसो उवएसो ते तित्थगराणं आणाकोवं करेंति, आणाकोवे य चउगुरुं पच्छित्तं । जे य भणंति- “रक्खियऽजेहिं दिन्नो' तेसि पिचउगुरुं जे य न धरेति मत्तगंतेसि पि चउगुरुं । अधरेताण जे दोसा अद्धाणगिलाणादिया भणिया ते य आवजंति ॥ इमे य अन्ने य दोसा
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |