________________
उद्देशक : ११, मूलं - ७२५, [भा. ३३८२]
[भा. ३३८२]
बंधं वहं च घोरं, आवज्जति एरिसे विहरमाणो । तम्हा तु विवज्जेज्जा, वेरज-विरुद्ध-संकमणं ॥
धू- निगडादितो बंधो, कसघातादितो वहो । “घोर' ममति भयानको अतीव वधबंधी इत्यर्थः । वेरज्जे जम्हा एरिसे दोसे पावति तम्हा वेरज्जे विहारं वज्रेज्जा ।। इमेण बितियपदेण विहरेज्जादंसणनाणे माता, भत्तविसोही गिलाणमायरिए । अहिकरण वाद रायकुल-संगते कप्पए गंतुं ॥
[मा. ३३८३]
चू- "दंसण-नाणे "त्ति अस्य व्याख्या
[ भा. ३३८४ ] सुत्तत्यतदुभयविसारयम्मि पडिवण्णउत्तमट्ठम्मि । एयारिसम्म कम्पति, वेरज्ज - विरुद्ध-संकमणं ॥
- दंसणप्पभावगाण सत्याण सम्मदियादि सुतनाणे य जो “विसारदो” निस्संकियसुत्तत्थो त्ति वृत्तं भवति । जो य उत्तिमट्ठपडिवण्णो सो य खेत्ते ठिओ तत्यंतरा वा वेरज्जं, मा तं सुत्तत्थं वोच्छितु त्ति अतो तग्गहणट्टयाए कप्पति वेरजविरुद्धं संकमणं काउं । माता पितं वा कस्सा ति निक्खिमिउकामं। आयरिएण वा केन ति भत्तं पच्चक्खयं । भत्तं वा पच्चक्खाउकामो एयारिसे वा कज्जे संकमेज 1 अहवा - कोइ साहू भत्तं पच्चक्खाउकामो । “विसोधि "त्ति सो आलोयणं दातुकामो ताहे सो गीयत्थसमीवं गच्छे, अजंगमस्स वा गीयत्यो पासं गच्छति ।
२१७
गिलाणस्स वा पडियरणट्ट गम्मति । गिलाणपायोग्गोसढहेउं वा । आयरियादिसमीवं वा आयरियादिपेसणेण वा गच्छति । अहवा - कस्स ति साहुणो गिहिणा सद्धिं अधिकरणे उप्पन्ने सो य गिही नीवसमति, ताहे सलद्धीतो तस्सुवसामणट्ट गच्छति । अहवा-सो अन्नरज्जे परप्पवादी उवट्ठितो तस्स निग्गहट्ट गच्छति । रायदुडेवा रन्नो उवसमणट्ट सलद्धितो गच्छे। अहवा- रायकुलसंगतं केन ति अधिकरणं तं तदुवसामण्ड गच्छे | अहवा - "कुलसंगत "त्ति कुल-संघ-कज्रेण । एवमादिसु कज्जेसु कप्पते वेरजविरुद्धसंकमणं काउं ।
इमेण विधिना
[भा. ३३८५ ] आपुच्छिय आरक्खिय सेट्टी सेनावती अमच्चारायाणं । अभिगमणे निगमणे, एस विही होइ नायव्वो ।
[भा. ३३८६] आरक्खितो विसज्जेति, अहव भणिज्जा तु पुच्छह तु सेट्ठि । जाव निवे ता नेयं, मुद्दा पुरिसे व दूतेनं ॥
चू- वेरज्जविरुद्धरज्जं गच्छंता साहू दंडपासियं पुच्छंति, जति तेन विसज्जिया लट्ठ । अह सो भणेज्ज - अहं न न याणामि, सेट्ठि पुच्छह । ताहे सेट्ठि पुच्छंति । जदि तेन विसज्जिया तो लठ्ठे । अह सोभणेज - अहं न याणामि, सेनावई पुच्छह । ताहे सेनावतिं पुच्छंति । जदि तेन विसज्जिया तो लठ्ठे । अह सो भणेज्ज - अहं न याणामि अमचं पुच्छह । एवं परंपरेण नेयं जाव णिवो राया इत्यर्थः वेरज्जातो निग्गच्छंतस्स वेरज्जं वा पविसंतस्स एस संकमणे विही भणितो । रायमातिणो य एते मुद्दापट्ट दूतपुरिसं वा मग्गिजंति, रायदूतेन वा सद्धिं गम्मति, जतो रज्जातो निग्गच्छंति तत्थेसा विही ॥
[ भा. ३३८७ ] जत्थ वि य गंतुकामा, तत्थ वि कारेंति तेसि नायं तु । आरक्खिगा वि ते विय, तेनेव कमेण पुच्छंति ॥
For Private & Personal Use Only
Jain Education International
www.jainelibrary.org