Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 685

निशीथ - छेदसूत्रम् -२-११ / ६६२
चू- अप्पाहणं सदेसी, पुराणस्स संदिसंति । आदिग्गहणेणं गिहीतानुव्वयसावगस्स वा सम्मदिट्टिणो संदिसंति - पादं सत्थेण आणयह। तेहिं वा आनिता जदि सव्वे गीयत्था तो गेण्हंति । इतरे अगीयत्था तेसु जयणं करेंति, पुव्वं पडिसेहित्ता छिन्ने भावे तिहं य जयंता जता अत्तट्ठिया तदा गेण्हंति ॥
१९८
[ भा. ३२९८ ] एसेव गमो नियमा, आहारे सेसते य उवकरणे । पुव्वे अवरे य पदे, सपञ्चवाएतरे लहुगा ।।
चू- जो पादे विही भणितो एसेव विधी आहारे, सेसोवगरणे य दट्ठव्वो । सपञ्चवाते, इतरे पुण निपञ्चवाते सव्वत्थ चउलहुगा ।।
मू. (६६३) जे भिक्खू धम्मस्स अवण्णं वदति, वदतं वा सातिजति ॥
धू- "धृञ् धारणे", धारयतीति धर्मः, न वण्णो अवण्णो नाम अयसो अकीर्तिरित्यर्थः । " वदव्यक्तायां वाचि” ।
[भा. ३२९९] दुविही य होइ धम्मो, सुयधम्मो खलु चरित्तधम्मो य । सुयधम्मो सन्झाओ, चरित्तधम्मो समणधम्मो ॥
[भा. ३३०० ] सुयधम्मो खलु दुविहो, सुत्ते अत्थे य होइ नायव्वो । दुविहो य चरणधम्मो, य अगारमनगारियं चेव ॥
चू- पंचविधो सज्झातो सुयधम्मो । सो पुण दुविहो - सुत्ते अत्थे य । चरित्तधम्मो दुविहो - अगारधम्मो अनगारधम्पो य । एक्केक्को दुविहो - मूलुत्तरगुणेसु ॥
[भा. ३३०१] दुविहो तस्स अवण्णो, देसे सव्वे य होति नायव्वो । सुत्तनिवातो देसे, तं सेवंतम्मि आणादी ।।
चू- देसे सव्वे वा सुयस्स अवण्णं वदति । एवं चरित्ते वि दुविहो अवण्णो । सुत्तस्स देसे चउलहुगा, अत्थस्स देसे चउगुरुगा । सव्वसुयस्स अवण्णे भिक्खुणो मूलं । अभिसेयस्स अणवट्टो । गुरुणो चरिमं । एवं दान पच्छित्तं । आवज्जणाए तिण्ह वि सव्वे सुत्ते अत्थे वा पारंचियं । गिहीणं भूलगुणेसु जति देशे अवण्णं वदति तो चउगुरुगं सव्वहिं मूलं । गिहीणं उत्तरगुणेसु जति देसे अवण्णं वदति तो चउलहुगा। गिहीणं सव्युत्तरगुणेसु चउगुरुगा ।
साहूणं मूलगुणेसु उत्तरगुणेसु य जति देसे अवण्णं वदति तो चउगुरुगा, दोसु वि सव्वेसु मूलं । एत्थ अत्यस्स देसे गिहीण य, मूलगुणदेसे साहूण य, उत्तरगुणदेसे सुत्तणिवा भवति । एवं अवण्णवयणं सेवंतस्स आणादिया दोसा भवंति ॥
[ भा. ३३०२ ] मूलगुण-उत्तरगुणे, देसे सव्वे य चरणधम्मो उ । सामादियमादी उ, सुयधम्मो जाव पुव्वगतं ॥ सामाइयमाईए, एक्कारसमाउ जाव अंगातो । अह देसो एत्थ लहुगा, सुत्ते अत्थम्मि गुरुगादी ॥
[भा.३३०३]
चू- पूव्वद्धं गतार्थत्वात् कंठं । सुयस्स सामादियादि-जाय एक्कारस अंगा-ताव देसो, एवं चैव सह पुव्वगण सव्वसुयं ॥
[भा. ३३०४] सव्वम्मि तु सयनाणे, भूया वाते य भिक्खुणो मूलं ।