Page Text
________________
१८८
निशीथ - छेदसूत्रम् -२-१० / ६५४
[ भा. ३२४३]
तालायरे य धारे, वाणिय खंधार सेण संवट्टे । लाउलिग - वइग- सेवग, जामातु य पंथिगादीसु ॥
- भंडा चेडाणडादिया तालायरा, धारइ त्ति देवच्छत्तधरा, वाणिय त्ति वालंजुओष रायबिंबसहियं सचक्कं परचक्कं वा खंधावारो, रायबिंबरहिया सेना, चोरधाडिभएण बहू गामा एगट्टिता नागयाहिट्ठिता य संवट्ठो भण्णति, लाउलिगा डुंगरपेच्छणयं, वइत्ति गोउलं, सेवगा चार भडा, जामाउगा पसिद्धा, पंथिगा बहुवत्यदेसं जे पेच्छिया ते वा मग्गितव्वा ॥
अद्धाणादिकारणेसु उप्पन्नेसु तालायरादिसु मग्गंति इमेण विधिणा । “आगंतु बाहि पुव्वं” ति अस्य व्याख्या
[मा. ३२४४] आगंतुएसु पुव्वं, गवेसती चारणादिसू बाहिं । पच्छा जे सग्गामे, तालायरमातिणो होंति ।।
चू-मूलवसभगामं मोतुं जे अन्ने पडिवसभगामा सकोसजोयणब्यंतरे सह अंतरपल्लीए एतेसु बाहिरगामेसु जे आगंतुगा तालायरादिणो तेसु पुव्वं मग्गति । असति बाहिरगामेसु चारणादियाण, ततो पच्छा जे मूलवसभगामे आगंतुगा चारणादिणो एंति ॥
खंधावार- सेण-संवट्टे गोउलमज्झेसु चारणादिसु वत्यसंभवो भण्णति
[ भा. ३२४५ ] लद्धूण नवे इतरे, समणाणं दिज्ज से व जामादी । चारण-धार-वणीणं, पडंति सव्वे वि सड्डियरा ।।
चू- स च राजामादिया नवे वत्थे लद्धूण इतरे पुराणे साहूण देज्जा, चारणाणं देवच्छत्त धराणं डुंगराण वच्चंताणं वत्थे पडंति, ते वा पुराणा वा साहूणं देंति, बालंजुयवणियाणं बलजंताणं वत्था पति । एते पुण सव्वे वि सावगा इतरे वा असावगा || बहिग्गाम- सग्गामादिएसु आगंतुगचारणादियाण असती इमा विधी । “दिट्ठमसण्णिसण्णीसु" त्ति अस्य व्याख्या
[भा. ३२४६] बहि अंतऽ सन्निसन्निसु, जं दिनं तेसु चेव जमदिट्ठ । केइ दुहओ वऽसन्निसु, गिहिसु सण्णीसु दिट्टितरे ॥
चू-‘“बहि’” त्ति-खेत्तऽब्यंतरे पडिवसभगामेसु जे असण्णी तेसु जं पुव्वदिट्टं वत्थं तं मग्गति ।। १ ।। तस्सासति बाहिरगामेसु चेव सण्णीसु जं पुव्वदिट्टं वत्थं तं मग्गंति ॥ २ ॥ तस्सासति बाहिरगामादिएसु चेव असण्णीसु जमदिट्टं तं मग्गंति ॥ ३ ॥ तस्सासति बाहिरगामेसु चैव सण्णीसु जमदिट्ठ वत्थं तं मग्गति ।। ४ । तस्सासति " अंत "त्ति अंतो मूलवसभग्गामे असण्णीसु जं पुव्वदिट्टं तं वत्थं मग्गति ॥ १ ॥ तस्सासति अंतो चेव सण्णिसु जं पुव्वदिट्टं वत्थं तं मग्गति ॥ २ ॥ तस्सासति अंतो चेव असण्णिसु जमदिट्टं वत्थं तं मग्गति ॥ ३ ॥ तस्सासति अंतो चेव सष्णिसु जमदिट्टं वत्थं तं मग्गंति ।। ४ ॥ केति पुण आयरिया एवं भणंति - बाहिं असण्णिसु दिट्टं ॥ १ ॥ असति चेव जमदिनं ॥ २ ॥ असति अंतो असण्णि दिट्टं ॥ ३ ॥ असति तेसु चैव जमदिनं ॥ ४ ॥ एवं सणि वि चउरो विकल्पाः ॥ ४ ॥ इतरं - अदृष्टमित्यर्थः । दिट्ठे आहाकम्प-उक्खेवनिक्वणादिया आसंकादोसा परिहारिया भवंति । तेन पुव्वं दिट्ठस्स गहणं, पच्छा इयरस्स ॥ [भा. ३२४७] कोई तत्थ भणेज्जा, बाहिं खेत्तस्स कप्पती गहणं । गंतुं ता पडिसिद्धं, कारणगमणे बहुगुणं तु ॥
For Private & Personal Use Only
Jain Education International
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |