Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 553

निशीथ - छेदसूत्रम् - २१० / ६११
सुयक्खंधेसु वा सम्भूया जे जिनपन्नत्ता भावा, ते गुरु अयाणंतो परिसामज्झे पन्नवेति, तत्थ उवदेसो सीसो तुण्डिक्को अच्छति, जाहे उट्ठिओ वक्खाणाओ ताहे सीसो एगंते गुरुणो सब्भावं साहति । अह सीसो तेसु पदत्थेसुपरिसामज्झे चैव वितहपडिवज्रणा एत्थ वुत्थाणं करेज्ज ताहे अविनयो भवति, अविनयपडिवत्तीए य तम्हा आसायणा भवति । अहवा - परिसामज्झे गुरू चोदितो वितहपडिवज्रणं करेज्ज, न सम्यक् प्रतिपद्यतीत्यर्थः । तम्हा सीसस्स आसायणा भवति । अहवा - गुरू जाणंतो चेव अन्नहा अत्थं पन्नवेति, मा परप्पवादी दोसं ने जहा सव्वस्स केवलिस्सा जुगवं दो नत्थि वओगा। एगोपयोगप्रतिपादनमित्यर्थः । तं च सेहतरातो जाणति - जहा अप-सिद्धंतं पन्नवेंति, तत्थ जति वितहं पडिवज्जति आसादना सेहस्स ।
चोदगाह - जमत्थं आयरिओ न याणति तमत्थं सीसो कहं जाणति ? भण्णति
६६
[भा. २६४९ ] is गारनगारत्ते, सुत तु सहसंभुतं य जं किं चि । तं गुरु अन्नहकहणे, नेवमिदं मिच्छपडिवत्ती ॥
धू- जं तेन सेहतएण गिहत्थत्तणे सुएल्लयं, अनागारत्ते वा अन्नतो सुर्य, अप्पणा वा ऊहितं, तं गुरुस्स अन्नहा कहिंतस्स सो भणेज्जा - न एयं भवति त्ति, निच्छापडिवत्तिओ आसादणा भवति ॥
[भा. २६५०]
एवं भणतो दोसो, इमं सुतं वऽन्नहिं मए एवं ।
सब्भूयमसब्मए, एवं मिच्छाउ पडिवत्ती ॥
- एवं गुरुपडिकूलं भणतो आसादना दोसो भवति । अहवा सीसो गुरुं भणइ - तुज्झ एवं पन्नवेंतस्स समयविराहणा दोसो भवति । मम एवं सुयं अन्नायरियसमीवे । एवं पन्नविजंते समयविराहणा दोसो न भवति । एवं सीसस्स सब्मूयमसभूयए वा परिसामज्झे मिच्छापडिवत्तिओ आसादना भवति ।
-
[ मा. २६५१] जितियं पढमे ततिए, य होति गेलण्णकज्जमादीसु । अद्धाणादी बितिए, ओसन्नादी चउत्थम्मि ||
- बितियंति अववायपदं, पढमेत्ति दव्वासायणा, ततिए त्ति कालासादना, बितिए ति अद्धाणादिसु खेत्तासादणा, चउत्थे त्ति ओसन्नादिसु ठियस्स । तत्थ पढमततिय त्ति गेलणं पडुच्छ बितियपदं भवति ॥
[भा. २६५२ ] होज गुरुओ गिलाणो, अपत्थदव्वं व तंच से इटुं । अविगडमदंसितं वा, भुंजे खद्धं व दलएजा ॥
चू-गुरु गिलाणो, तस्स य जं अपत्थदव्वं तं लद्धं, ताहे तं अवियडितं अदंसियं वा सयं भुंजे, अन्नस्स वा अनापुच्छाए खद्धं खद्धं दलयति । मा सो रातिणिणो सयं भुंजिहिति, एवं गुरुरक्खणट्ठा अविनयं पि करेंतो सुद्धो ॥
[भा. २६५३]
कंटाइ- साहणट्टा, अवथंभट्टा वऽलीनो अद्धाणे ।
संबाधुवस्सए वा, विस्साम - गिलाण छेदसुए ।।
चू-खेत्तासादणं पडुच्च अववातो भण्णति-अद्धाणे कंटादि-साहणट्ठा पुरतो गच्छति । विसमे वा अवलंबणट्ठा पासतो अल्लीणो गच्छति । गिलाणस्स वा अवथंभणट्टा अल्लीणो अच्छति ।