Page Text
________________
उद्देशक : ७, मूलं- ४७५, [ भा. २२९२]
[ भा. २२९३] सधिगारो मोहुद्दीरणा य वक्खेव रागऽणाइण्णं । गहणं च तेन दंडिय - दिट्टंतको नंदिसेणेन ॥
- मेहुणट्ठा करेंते पणिहितस्स का आणादिया य विराहणा । धमंत - फूमंतस्स संजमछक्काय विराहणा । राउले वा मूइजइ तत्थ बंधणातिआ य दोसा । सुवण्णं वा कारविज्जति, लोहादि वा कुट्टंतस्स आयविराहणा वा, तेहिं वा धेप्पेज ॥ जम्हा एते दोसा तम्हा नो करेति, नो धरेति, नो पिणद्धति । कारणे कारे
[भा. २२९४] बितियपदमणप्पज्झे, अप्पज्झे वा वि दुविध तेइच्छे। अभिओग असिव दुब्मिक्खमादिसू जा जहिं जतणा ।।
चू-रायाभिओगेण मेहुणट्टे वा करेज्ज । बलामोडीए वा काराविज्जति, दुब्मिक्खे वा असंथरंतो सयं करेज |
मू. (४७६) जे भिक्खू माउग्गामस्स मेहुणवडियाए हाराणि वा अद्धहाराणि वा एगावली वामुत्तावलीं वा कणगावलीं वा रयणावलीं वा कडगाणि वा तुडियाणि वा केऊराणि वा कुंडलाणि वा पट्टाणि वा मउडाणि वा पलंबसुत्ताणि वा सुवण्णसुत्ताणि वा करेति, करेंतं वा सातिज्जति ।।
मू. (४७७) जे भिक्खू माउग्गामस्स मेहुणवडियाए हाराणि वा अद्धहाराणि वा एगावलीं वा मुत्तावली वा कणगावलीं वा रयणावलीं वा कडगाणि वा तुडियाणि वा केऊराणि वा कुंडलाणि वा पट्टाणि वा मउडाणि वा पलंबसुत्ताणि वा सुवण्णसुत्ताणि वा धरेति; धरेंतं वा सातिजति ।।
मू. (४७८) जे भिक्खू माउग्गामस्स मेहुणवडियाए हाराणि वा अद्धहाराणि वा एगावलीं वा मुत्तावली वा कणगावलिं वा रयणावलीं वा कडगाणि वा तुडियाणि वा केऊराणि वा कुंडलाणि वा पट्टाणि वा मउडाणि वा पलंबसुत्तामि वा सुवण्णसुत्ताणि वा परिभुंजति, परिभुजंतं वा सातिज्जति ।।
चू-कुंडलपं कण्णाभरणं, गुणं कडीसुतयं, मणी सूर्यमणीमादय, तुडियं बाहुरक्खिया, तिन्नि सरातो तिसरियं, वालंभा मउडादिसु ओचूला, अगारीणं वा गलोलइया, नाभिं जा गच्छइ सा पलंबा सा य उलंबा भण्णति । अट्ठारसलयाओ हारो, नवसु अड्ढहारो, विचित्तेहिं एगसरा एगावली, मुत्तिएहिं मुत्तावली, सुवण्णमणिएहिं कणगावली, रयणहिं रणावली, चउरंगुलो सुवण्णओ पट्टो, त्रिकूटो मुकुटः ।
[ भा. २२९५ ] कडगाई आभरणा, जत्तियमेत्ता उ आहिया सुत्ते । मेहुण - परिन्नाए, एताइ धरेंतस्स आणादी ।।
[ भा. २२९६ ] सविगारो मोहुद्दीरणा य वक्खेव रागऽणाइण्णं । गहणं च तेन दंडिय-दिट्टंतो नंदिसेणेन ॥
धू- मेहुणपडियाएडा, जच्चेव लोहेसु विराधना। कारणे
[भा. २२९७] बितियपदमणप्पज्झे, अप्पज्झे दा वि दुविध तेइच्छे ।
अभिओग असिव दुब्भिक्खमादिसू जा जहिं जतणा ।।
मू. (४७९) जे भिक्खू माउग्गामस्स मेहुण वडियाए आईणाणि वा सहिणाणि वा कल्लाणि वा सहिणकल्लाणि वा आयाणि वा कायाणि वा खोमाणि वा दुगुल्लाणि वा तिरीऽ पट्टाणि वा
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |