________________
निशीथ-छेदसूत्रम् -१-५/३८४
सुत्तत्थपलिमंथो, यपसंगो, नहे हिय-विस्सरिएहिं य अधिती भवति । [भा.२१७७] बितियपदमणप्पज्झे, असतीए दुब्बले य पडिपुन्ने ।
एतेहिं कारणेहिं, संबद्धं कप्पती काउं।। चू- एगम्मि पएसे दुब्बलं, ताहे पडिसवडिं करेंति, अपडिपुण्णं वा तेन वेढेत्ता हत्थपूरिमं करेंति।
एतेहिं कारणेहिं तथैव थिग्गलकारेणं संबद्धं करेति, जेन एगपडिलेहणा भवति ।। मू. (३८५) जे भिक्खू रयहरणं अविहीए बंधति, बंधतं वा सातिजति ॥ धू-अवसव्वादि अविधिबंधो। मू. (३८६) जे भिक्खू रयहरणं एकं बंधं देति देंतं वा सातिजति । चू-एगबंधो एगपासियं। मू. (३८७) जे भिक्खू रयहरणस्स परं तिण्हं बंधाणं देइ, देंतं वा सातिजति ।। चू-तिपासितातो परंचउपासियादि । आणादिणो य दोसा। बहुबंधने सज्झायझाणे य पलिमंथो य भवति । एतेसिं तिण्ह वि सुत्ताण इमो अत्थो। [भा.२१७८] तिण्हुवरि बंधाणं, डंड-तिभागस्स हेह्र उवरिं वा ।
दोरेण असरिसेण व संतरं बंधणाणादी ।। चू-दंडतिभागस्स जति हेठा बंधति, उवरि वा बंधति, असरिसेण वा दोरेण अतजाइएण बंधतो वा संतरंदोरं करेति तो आणातिया दोसा, सव्वेसुमासलहुं ॥
जम्हा एते दोसा[मा.२१७९] तम्हा तिपासियं खलु, दंडतिभागे उ सरिसदोरेणं |
रयहरणं बंधेजा, पदाहिण निरंतरं भिक्खू ॥ [भा.२१८०] बितियपदमणप्पज्झे, बंधे अविकोविते व अप्पज्झे।
जाणते वा वि पुणो, असती अन्नस्स दोरस्स ।। चू-अन्नासति तज्जातियस्स ।। मू. (३८८) जे भिक्खू रयहरणं अनिसटुंधरेति, धरेतं वा सातिञ्जति ॥ चू-अनिसटुं नाम तित्थकरेहिं अदिन्नं, तस्स मासलहुं आणादिणो य दोसा । -- निजुत्ती इमा[भा.२१८१] दब्बे खेत्ते काले, भावे य चउब्विधं तु अनिसटुं ।
बितिओ वि य आएसो, जं न वि दिन्नं गुरुजणेणं ।। [भा.२१८२] पंचतिरित्तं दव्वे उ, अच्चितं दुल्लभं च दोसुंतु ।
भावम्मि वन्नमोल्ला, अननुन्नायं वजं गुरुणा ।। चू-दव्वतो पंचण्हं अइरित्तं-उण्णिय उट्टियं सण वच्चय भुंज-पिच्चं वा । एतेसिं पंचण्हं परतो नामुन्नातं, "दोसु" खेत्त-कालेसु जं अच्चित्तं दुल्लभं वा तं नामुन्नातं,
Jain Education International
For Private & Personal Use Only
www.jainelibrary.org
