Page Text
________________
४३६
निशीथ-छेदसूत्रम् -१-५/३७८
अजसुहत्थी तस्स सट्टियरो।
थूलभद्दसामिणा अज्जसुहस्थिस्स नियओगणोदिन्नो।तहा विअज्जमहागिरी अजसुहत्थी य पीतिवसेण एकओ विहरंति। अन्नया ते दो वि विहरंता कोसंबाहारंगता । तत्थ य दुभिक्खं ।
ते य आयरिया वसहिवसेण पिहप्पिहं ठियाणं एगम्मि व सेट्टिकुले साधूहिं मोयगादि खजगविहाणं भत्तं च जावतियं लद्धं ।
एगो रंको तं साहुं दर्दु ओभासति । साहूहि भणियं - अम्हं आयरिया जाणगा, न च सक्केमो दाउं । सो रंको साधुपिट्ठतो गंतुं अज्जसुहत्यिं ओभासति भत्तं । साहूहि वि सिलु - अम्हे वि एतेण ओभासिता आसीत् । अज्जसुहत्थी उवउत्तो पासति-पवयणाधारो भविस्सति ।
भणितो-जति निक्खमाहि । अब्भुवगतं । नक्खंतो सामातियं कारवेत्ता जावतियं समुदानं दिन्नं, तद्दिनरातीए चेव अजीरतो कालगओ।
सो अवत्तसामातिओ अंधकुमारपुत्तो जातो। "तस्स उप्पत्ती"
चंदगुत्तस्स पुत्तो बिंदुसारो । तस्स पुत्तो असोगो । तस्स पुत्तो कुणालो । तस्स बालत्तणे चेद उज्जेनी कुमारभुत्ती दिन्ना । ताहे वरिसे वरिसे दूओ पाडलिपुत्तं असोगरन्नो पयट्टेइ ।
अन्नया असोगरन्ना चिंतियं - इदानि कुमारो धणुवेइयाण कलाण जोग्गो।
ततो असोगरन्ना सयमेव लेहो लिहिओ- "इदानि अधीयतां कुमारः कलाइ" ति लिखित। रन्नो अनाभोगेण कुमारस्स य कम्मोदएण भवियब्वयाए अगारस्स उवरि बिंदू पडिओ।
केतिभणंति-"राया लिहिउंअसंवत्तियंलेहं मोत्तुंवच्चाधरे पविट्ठो, एत्यंतरेयमातिसवत्तीए अणुव्वाएउं अगारस्स बिंदू कतो"।
रन्ना पच्चागतेण अवायित्ता चेव संवत्तितो, बाहि रन्ना नामंकिओ मुद्दिओष उल्लेनी नीतो। लेहगो वाएत्ता तुण्हिक्को ठितो । कुमारेण सयमेव वातिओ । कुमारेण चिंतितं - जइ रन्नो एवं अभिप्पेयं पीती वा तो एवं कजति । अम्ह य मोरियवंसे अपडिहता आणा । नाहं आणं कोवेमि । सलागं तावेत्ता सयमेव अक्खीणि संजिताणि । रन्नो जहावत्तं कहियं, अंधीकयो ता किमंधस्स रजेण। ___ एगो से गामो दिन्नो । तंमि गामेअच्छंतस्स कुणालकुमारस्स सो रंको घरे उप्पन्नो। निवत्ते बारसाहे “संपत्ती" से नामं कतं।
सोय कुणालो गंधव्वे अतीव कुसलो।ताहे सोय अणायचजाए याति, सामंत-भोतियकुलेसु गायति । अतीव जणो अक्खित्तो। असोगरन्ना सुयं, आणितो जवनियंतरितो गायति ।
राया आउट्ठो भणाति - किं देमि? तेण भणियंचंद्रगुत्त-पपुत्तोउ, बिंदुसारस्स नत्तुओ। असोगसिरिणो पुत्तो, अंधो जायति कागिणिं ।।
रन्ना भणियं - थोवं ते जाइतं, मंतीहिं भणियं - बहुतं जातितं । कहं ? रज्जं कागिणी भण्णति।
रन्ना भणियं - किं ते अंधस्स रज्जेण? तेण भणितं-पुत्तो मे । रन्ना भणियं-संपति पुत्तो वि ते ।
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |