________________
उद्देशक : ४, मूलं- ३११, [भा. १८७९]
३८९
धू- अन्नस्स थंडिलस्स असति तत्थेव निल्लेवेति, थंडिलट्ठादूरं गतं निल्लेवेति, सागारिओ पुण वोलावेति ॥
मू. (३१२) जे भिक्खू उच्चार- पासवणं परिद्ववेत्ता परं तिण्हं नावा पूराणं आयमति, आयमंतं वा सातिजति ।।
घू- “नाव” त्ति पसती, ताहिं तिहिं आयमियव्वं । अन्ने भांति - अंजलि पढमनावापूरं तिहा करेत्ता आवयवे विगिंचति, बितियं नावपूरं तिहा करेत्ता तिन्नि कप्पे करेति सुद्धं, अतो परं जति करेति तो मासलहुँ ।
[भा. १८८० ]
उच्चारमायरित्ता, परेण तिष्हं तु नाव-पूरेणं । जे भिक्खू आयमती, सो पावति आणमादीणि ।।
इमे दोसा
[भा. १८८१] उच्छोलणुप्पिलावण, पडणं तसपाण-तरुगणादीणं । कुरुकुयदोसा य पुणो, परेण तिण्हायमंतस्स ।।
चू- "उच्चोलणा पधोइरस, दुल्लभा सोग्गति तारिसयस्स" उच्छोलणादोसा भवंति, पिपीलिगादीणं वा पाणाण उप्पिलावणा हवइ, खिल्लरंधे तसा पडंति, तरुगणपत्ताणि वा पुप्फाणि वा फलाणि वा पति, आतिग्गहणेणं पुढवि-आऊ तेउ-वाऊण य, यत्राग्निस्तत्र वायुना भवितव्यमिति कृत्वा कुरुकयकरणे य वाउस्सत्तं भवति ॥
कारणे अतिरित्तेण वि आयमे
[भा. १८८२] बितियपद सेह रोधण, हरिसा आगार-सोयवादीसु । उत्थाणोसहपाणे, परेण तिण्हायमेज्जासि ॥
चू- जेण वा निल्लेवं निग्गंधं भवतीत्यर्थः ॥
मू. (३१३) जे भिक्खू अपरिहारिएण परिहारियं वदेज्जा - "एहि अज्जो ! तुमं च अहं च एगओ असनं वा पानं वा खाइमं वा साइमं वा पडिग्गाहेत्ता, तओ पच्छा पत्तेयं पत्तेयं भोक्खामो वा पाहामो वा " जो तं एवं वदति, वदंतं वा सातिजति ।
तं सेवमाणे आवजति मासियं परिहारद्वाणं उग्घातियं ॥
धूपायच्छित्तमनावन्नो अपरिहारिओ, आवन्नो मासाति- जाव छण्मासियं सो परिहारिओ, बूयाब्रवीति, अज्ज इति आमंत्रणे, एगतओ संघाइएण भत्तं भोक्खामो, पानगं पाहामो, उग्घाएतिमासलहं ।
सीसो भणति - भगवं ? सो किहमाउत्तो आवन्नी ? आयरिओ आह -
[ भा. १८८३ ] कंटगमादीसु जहा, आदिकडिल्ले तथा जयंतस्स । अवसं छलणाऽऽलोयण, ठवणा नाते जुत्ते य वोसग्गे ॥ [भा. १८८४] नाणादि तिगकडिल्लं, उग्गम उप्पादनेसणा वा वि । आहार उवधि सेज्जा, पिंडादी चतुव्विधं वा वि ॥
चू- जहा कंटगाकिन्ने पहे उवउत्तस्थापि कंटगो लग्गति, आदिसद्दातो विसमे आउट्टे वि आगच्छंतो पडति, कयपयत्तो वा नतिपूरेण हरिज्जति, सुसिक्खिओ वि जहा असिणा लंछिज्जति,
For Private & Personal Use Only
www.jainelibrary.org
Jain Education International
