Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 353

३५०
निशीथ - छेदसूत्रम् - १- ४ / २१७
अन्नमहानसु वक्खड, भुंजति जं वा सयं सन्नी ॥
चू- असंविग्गभाविएसु कुलेसु पविसंताण उग्गमाइया दोसा तम्हा नो पविसेज्जा । अतरंतो गिलाणो, तस्स जोग्गा असतीते "इतरे" त्ति पासत्य भाविता तेसु पविसिउं जम्मि महानसे ते पासत्था भिक्कं गेण्हंति तत्थ न गेण्हंति, अन्नमहाणसे गेण्हंति । जं वा सन्निमातियाण विधोवक्खडं ततो गेम्हंति, अन्नतो वा जं पहेणगाति आयातं तं गेण्हति ॥
"असती य दवाति तमेव" त्ति अस्य व्याख्या - असति अन्नतो दवस्स संविग्ग - भावित - ठवणकुलेसुदवं जयणाए गेण्हंति । आदिसद्दातो असंविग्गभावित-ठवणकुलेसु दवं गेण्हंति । आदिसद्दातो असंविग्गभावियठवणाकुलेसु वि ।
[भा. १६६३ ] असती एव दवस्स तु, परिसित्तिय-कंजि-गुल-दवादीणि । अत्तट्ठिताणि गेण्हति सव्वालंभे व मीसाई ॥
?
चू- असति अन्नतो अन्नायउंछे दव्यस्स संविग्गेतरभावियकुले दवं गेण्हेज्जा, तं च "परिसित्तियं" - नाम उण्होदगेण दहिमट्टगा निच्चं गालिजंति तं परिसित्तगपाणगं भन्नति । कंजिगं पसिद्धं । गुलो जीए कवल्लीए कडिज्जति तत्थ जं पाणियं कयं तत्तमतत्तं वा तं गुलपाणियं भन्नति । तो ते गिहत्थेहिं अत्तट्टिताणि गेण्हति । सव्वहा फासुगस्स अलाभे सचित्तमीसं पि गेहंति ।।
I
[भा. १६६४ ] पाणट्ठा व पविट्ठो, असुद्धमाहारछंदितो गेहे । अद्धाणादिमसंथरे, जतितुं एमेव जदसुद्धं ॥
चू-संविग्गेतरभावितेसु कुलेसु पाणट्ठा पविट्टो - सेसं कंठं । अद्धानस्स वा आदीए मज्झे वा उत्तिन्नो वा असंथरंतो पणगातिजयणाए जतिउं पच्छा जं असुद्धं तं पि गेण्हंति ॥ [भा. १६६५] बितियपदमणाभोगे, गेलन्नऽद्धाण-संजम भए वा । सत्यवसए व अवसे, परव्वसे वा वि नो पुच्छा ॥
चू- अवसो खित्तचित्तादि, रहायदुडे, रायपुरिसवसगो परव्वसो, एवमादिएहिं कारणेहिं न पुच्छेजा वि, अपुच्छंतो य सुद्धो ॥
मू. (२१८) जे भिक्खू निग्गंधीणं उवस्सयंसि अविहीए अनुष्पविसइ अनुष्पविसंतं वा सातिजति ।।
चू. निग्गय गंधी निग्गंथी । उवस्सओ वसही । तं जो अविधीए पविसति तस्स मासलहूं, आणातिता दोस भवंति । इदानिं निजुत्ती
[भा. १६६६ ] निक्कारणमविधीए, निक्कारणतो तहेव य विधीए । कारणतो अविधीए, कारणतो चेव य विधीए ॥
चू- पवेसे चउरो भंगा भवंति - पढमे - निक्कारणे अविधीए, बितिए - निक्कारणे विधीए । तइए - कारणे अविधीए, चउत्थे - कारणे विधीए ॥
[भा. १६६७ ] आदिभयणाण तिण्हं, अन्नतरीए तु संजतीसेज्जं ।
जे भिक्खू पविसेजा, सो पावति आणमादीणि ।।
चू- तिन्नि आदिमा भंगा आदिभयणा भन्नति । एतेसिं तिण्हं भंगाणं अन्नतरेण जो संजतिवसहिं