Page Text
________________
उद्देश : २, मूलं - १०५, [भा. ११९३]
२६३
चू- घरं साहूण दाउं सपुत्तपसुदारो वाणिञ्जमादिकारणे तं वा देसं अन्नं वा देतं गतो तत्थ वि ठितो, जति तस्स घरस्स सो सामी तया सो चेव सेज्जातरी ॥ इदानिं "घड"त्ति दारं[ भा. ११९४] महतर अनुमहयरए, ललितासण कुडुग- दंडपतिए य । एतेहिं परिगहिता, होंति घटाओ तया कालं ॥
चू- "महत्तर अनुमहत्तरे "त्ति अस्य व्याख्या
[ भा. ११९५ ] सव्वत्यपुच्छणिज्जो, तु महत्तरो जेट्ठमासणधुरे य । तहियं तु असण्णिहिते, अनुमहतरतो धुरे ठाति ।।
चू- सव्वेसु उप्पज्रमाणेसु गोट्टिको पुच्छणिज्जो, गोट्ठित्त भोयणकाले जस्स जेट्ठमासणं धुरे ठविजति सो महत्तरो भण्णति । मूलमहत्तरे असण्णिहिते जो पुच्छणिजो धुरे ठायति सो अनुमहत्तरो । ललिय-कडुय- दंडपतिए य इमं वक्खाणं
[भा. ११९६ ] भोयणमासणमिट्टं, ललिते परिवेसिता दुगुणभागो । कडुओ उ दंडकारी, दंडपती उग्गमे तं तु ॥
चू- ललियासणियस्स आसणं ललियं दट्टं कज्जति, परिवेसिया इत्थिया कज्जति, इट्ठभोयणस्स दुगुणो भागो दिज्जति । दोसावण्णस्स गोडियस्स दंडपरिच्छेयकारी कडुगो भण्णति । तं दंडं उग्गमेति जो सो दंडपती भण्णति, सो चेव दंडओ भण्णति । एतेहिं पंचहिं परिग्गहिता तदा पुव्वकाले घडतो आसि । घडाए अनुण्णविही भण्णति
[ भा. ११९७ ] उल्लोमाणुण्णवणा, अप्पभुदोसा य एक्कओ पढमं । जेट्ठादि अनुण्णवणा, पाहुणए जं विधिग्गहणं ॥
चू- दंडग- कडुय- ललियासणियादिप्पडिलोमं अनुण्णवेंतस्स अप्पभुदोसा भवंति, तम्हा सव्वे एक्कतो मिलिया अनुण्णविनंति, महत्तरादि वा पंच । एवं चत्तारि तिन्नि दो जति मिलिया न लब्धंति तो पढमं जेट्टमहत्तरं, पच्छा अनुमहत्तरादि अनुण्णविज्जति । महत्तरादिसु घरे असंतेसु जो वा जस्स पाहुणओ अब्भरहितो मित्तो न यगो वा सो अनुण्णविज्जति । जं विहीए गहियं, तं अनुण्णायं, अविधी नो ॥ अस्यैवार्थस्य व्याख्या
[ भा. ११९८ ] उल्लोम लहु दीय निसि तेणेक्क-पिंडिते अनुण्णवणा । असहीणे जिट्ठादि व जति व समाणा महत्तरं वा ॥
चू- जति पडिलोमं अनुण्णवेति तो मासलहुं, पहू जति दिवसतो। निच्छुभति तो चउलहू, रातो चउगुरु, जम्हा एते दोसा तम्हा ते सव्वे एक्कतो मिलिए अनुण्णवए। असहीणेत्ति- सव्वपिंडियाणं असतीए जे महत्तरादिगिहेसु अनुण्णवेइ, तिप्पभितिं वा मिलिया अनुण्णवए, महत्तरं वा एकं ।। इदानिं "वए" त्ति दारं
[ भा. ११९९ ] बाहिं दोहणवाडग, दुद्ध-दही सप्पि-तक्क-नवनीते । आसणम्मिन कप्पति, पंचपदे बाहिरे वोच्छं ॥
चू-जति सेज्जातरस्स गामतो वहिं वाडगे गावीओ जत्थ दुज्झंति दोहण-वाडगो तत्थ दोहणवाडए दुद्धं दहियं नवनीयं सप्पि तक्कं च एते पंच दव्वा आसण्णखेत्तब्धंतरे सेज्जायरपिंडो त्ति न कप्पंति ।। एते चैव खीरातीपंचपदे गहणविधी भण्णति
For Private & Personal Use Only
Jain Education International
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |