________________
१६
[ भा. १८]
लहुगो वंजणभेदे, आणादी अत्थभेअ चरणे य । चरणस्स यभेदेणं, अमोक्ख दिक्खा य अफला उ ।
चू. सक्कयत्ताबिंदू अक्खरपयभेएसु वट्टमाणस्स मासलहु । अन्नं सुत्तं करेति चउलहुं । आणाअणवत्थमिच्छत्तविराहणा य भवंति । एवं सुत्तभेओ । सुत्तभेया अत्थभेओ । अत्थभेया चरणभेओ । चरणभेया अमोक्खो | मोक्खाभावा दिक्खादयो किरियाभेदा अफला भवंति । तम्हा वंजणभेदो न कायव्वो । वंजणेत्ति दारं गयां ॥ इदानं अत्थे त्ति दारं
[भा. १९]
निशीथ - छेदसूत्रम् - १
वंजणमभिदमाणो, अवंतिमादण्न अत्थे गुरुगो उ । जो अन्न अणुवादी, नामादिविराघणा नवरिं ।।
चू. वंजणं सुत्तं । अन्नहा करमं भेदो । न भिंदभाणो अभिदमाणो अविणासंतोत्ति भणितं होति । तेसु चेव वंजमेसु अन्नं अत्थं विकप्पयति, कहं ? जहा अवंतिमादण्णेति, “अवंती केया वंती लोगंसि समणाय माहणाय विप्परामुतित्ति," अवंती नाम जणवओ, केयत्ति रज्जु, वंती नाम पडिया कूवे, लोयंसि नाया जहा कूवे केया पडिता, ततो धावंति समणा - भिक्खुगाइ, माहणा-धिज्जाइया, ते समण - माहणा कूवे ओयरिडं पाणियमज्झे विविहं परामुसंति । आदिसद्दातो अन्नं पि सुत्तं एवं कप्पति अन्नंति अन्नहा अत्थं कप्पयति । एवं अत्थे अन्नहा कप्पिए सोही अत्थ गुरुगोउ | अत्थस्स अन्नाणि वंजणाणि करेंतस्स मासगुरु, अह अन्नं अत्थं करेति तो चउगुरुगा । अन्नोति भणितातो अभणितो अन्नो । सो य अनिदिट्ठसरूवो । अणणुपातित्ति अनुपततीत्यनुपाती घडमानो युज्यमान इत्यर्थः । न अनुपाती अननुपाती अघटमान इत्यर्थः । तमघडमाणमत्थं सुत्ते जोजयंतो, नाणातिविराहणत्ति नाणं आदि जेसिं ताणिमाणि नाणादीणि, आदि सातो दंसणचरित्ता, ते य विराहेत्ति । विराहणा खंडणा भंजणा य एगट्ठा। नवरिं ति इहपरलोगगुणपावणवुदासत्य णवरि सद्दो पउत्तो, विराहणा एव केवलेत्यर्थः । अत्थे त्ति दारं गयं । इदाणिं तदुभए त्ति दारं[भा. २० ]
दुमपुष्फिपढमसुत्तं - अहागडरीयंति रन्नो भत्तं च । उभयण्णकरणेणं-मीसगपच्छित्तुभयदोसा ॥
घू. दोसु माओ दुमो पुष्प विकसणे । दुमस्स पुष्कं दुमपुष्पं । तेण दुमपुष्केण जत्थ उवमा कीरइ तमज्झयणं दुमपुष्फिया, आदाणपयेणंच से नामं धम्मो मंगलं । तत्थ पढमसुत्तं पढम-सिलोगो तत्थ उभयभेदो दरिसिज्जति । “धम्मो मंगलमुक्कठ्ठे " एवं सिलोगो पढियव्वो, सो पुण एवं पढति“धम्मो मंगलमुक्कट्टो, अहिंसा डुंगरमस्तके ।
देवावि तस्स नासंति, जस्स धमे सदा मसी ॥"
अहागडयंति त्ति अहाकडेसु रीयंति त्ति । एत्थ सिलोगो पढियव्वो । अत्थ उभयभेदो दरिसिजति ।
"अहाकडेहिं रंधति, कट्ठेहिं रहकारिया । लोहारसमावुट्ठा, जे भवंति अनीसरा ।”
रन्नो भत्तं ति । तत्थ उभयभेदो दरिसिजति- “रयभत्ते सिणाणे य" सिलोगो कंठो ।
For Private & Personal Use Only
www.jainelibrary.org
Jain Education International