Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 189

१८६
निशीथ-छेदसूत्रम् -१-१/३४ अन्नस्स पुरो खिंसति, "अग्गहणं" साहूण अनायरं करेति।
दुविहो वोच्छेदो-तद्दव्वण्णदव्वाणं; तस्स वा अन्नस्स वा साहुस्स ।। [भा.६७३] अहगंसिव्वस्सामीति, जाइउंसो य देति अन्नेसि ।
अन्नो वा सिविहिती, सो सिव्वणमप्पणा कुणति ।। चू. अप्पणो अट्ठाए जाएउं अन्नस्स अलद्धियसाहुस्स देति । तानि वा कुलानि जस्स साहुस्स उवसमंति तस्स नामेण मग्गिउं अन्नो सिव्वेति ॥को दोसो ? इमो-- [भा.६७४] तंदळूण सयं वा, अहवा अन्नेसिअंतियं सोचा।
ओभावणमग्गहणं, कुञा दुविधं च वोच्छेदं । मू. (३५) जे भिक्खू सूर्ति अविहीए पञ्चप्पिणति, पञ्चप्पिणंतं वा सातिजति ॥ [मा.६७५] सूर्यि अविधीए तू, जे भिक्खू पाडिहारियं अप्पे।
तक्कज्जसंघणं वा, कुजा छक्कायघातं वा ।। चू. जंताए सूतीए कजं तं "तक्कजं" कहणप्पणेण वा छक्कायघायं करेजइ ॥ इदानिं चउण्ह वि सुत्ताण विधी भण्णति[भा.६७६] तम्हट्ठा जाएज्जा, जं सिव्वे कस्स कारणा वा वि।
एमतरमुभयतो वा, अनुण्णवेउतधा भिक्खू ।। चू. “अट्ठाए जाएज्जा", जं वा वत्थादि सिव्वे तदट्ठाए जाएजा । जस्स साहुस्स कर्ज तन्नामेण जाएज्जा । अप्पणो परस्सुभयट्ठा वा जाएज्जा जहा काउकामो तहाअक्खिउं जातियवं एस परमत्थो ।।अप्पणे विधी भण्णति - [भा.६७७] गहणमि गिव्हिऊणं, हत्थे उत्ताणगम्मि वा काउं।
भूमीए व ठवेतुं, एस विही होती अप्पिणणे ॥ चू. गहणं पासओ तम्मि सयं गेण्हिऊण अनिएणं (अण्यग्रभागेन] निहत्थस्स अप्पेति । एवं संजयपओगो न भवति । उत्ताणगंम्मि वा हत्थे वितिरिच्छं अनिएण वा ठवेति । एवं भूमीए विटवेति ॥ एतेसिं चउण्ह वि सुत्ताणं इमे बितियपदा[भा.६७८] लाभालाभपरिच्छा, दुल्लभ-अचियत्त-सहस अप्पिणणे।
चउसु विपदेसु एते, अवरपदा होति नायव्वा । __ चू. साहू खेत्तपडिलेहगा गता किं सूती मग्गिता लब्भति न व त्ति अणट्ठाए मग्गेजा । पत्तसिवणट्ठाए दुल्लभाओ सूतीओ वत्थसिवणट्ठमवि नीयाए पत्तं सिव्विजति, तं पुण जयणाए सिव्वेति जहा न दीसति । कोइ सभावेण अचियत्तो साहू सो न लब्मति, तस्स वा नामेण न लब्भति, ताहे अप्पणो अट्ठाए जाइउं तस्स देज्जा “सहस" अनाभोएण वा अविहीए अप्पिणेजा।
मू. (३६)जे भिक्खू अविहीए पिप्पलगं पञ्चप्पिणति, पञ्चप्पिणतं वा सातिञ्जिति ।। मू. (३७) जे भिक्खू अविहीए नहच्छेयणगं पञ्चप्पिणइ, पञ्चप्पिणतं वा सातिजति ।।
मू. (३८) जे भिक्ऊ अविहीए कण्णसोहयं पञ्चप्पिणइ, पञ्चप्पिणतं वा सातिञ्जति ।। [भा.६७९] पिप्पलग नहच्छेदण, सोधणए चेव होंति एवं तु।