Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 15

निशीथ - छेदसूत्रम् -9
[न] चोरो गावीओ हरति । तेण समावत्तीए धंतं । घोरा कुढो आगओत्ति गावीओ च्छडड्डेत्तु गया । तेण पभाए दट्टु नीयाओ घरं । चिंतेइ अ धंतप्पभावेण मे पत्ताओ । अभिक्खं धमामि । अन्ना वि पाविस्सं । एवं छेत्तं गावीओ य रक्खंतो अच्छति । अन्नया तेण चेव अंतेण ते चोरा गावीओ हरति । तेण य सिंगयं धंतं । चोरेहिं आणक्खेऊण हतो । गावीओ य नीयाओ । तम्हा काले चेव धमियव्वं ।
१२
इदाणिं वितिओ धमओ भन्नति । एगो राया दंडवत्ताह चलिओ । एकेण य संखधमेण समावत्तीए तंमि काले संखो पूरितो । तुट्ठो राया । धक्के पूरितोत्ति वाहित्तो संखपूरओ । सयसहस्रसं से दिन्नं । सो तेणं चेव हेवाएणं धम्मंतो अच्छति । अन्नया राया विरेयणपीडितो वच्चगिहमतीति तेय संखो दिणो । परवलकोट्टं च वट्टति । राया संतत्तो । वेगधारणं च से जायं । गिलाओ संयुत्त । तओ उट्टिएण रन्ना सव्वस्सहरणो कओ । जम्हा एते दोसो अकालकारीण तम्हा काले चेव पढियव्यं नाकाले ।
"अहवा इमो दिट्टंतो' । अतिसिरिमिच्छंती पच्छद्धं । आयरिओ भाइ - "हे चोदग अकाले तुमं पढंते" अतिसिरिमिच्छंती य विनासं पाविहिति । कहं
112 11
“सिरीए मतिमं तुस्से अतिसिरं नाइपत्थए । अतिसिरिमिच्छंतीए, थेरीइ विनासिओ अप्पा ॥”
एगाए छाणहारिग थेरीए वाणमंतरमाराहियं अच्छणं करेंतीए । अन्नया छगणाणि पल्लत्थयंतीए रयणाणि जायाणि । इस्सरी भूया । चाउस्सालं घरं कारियं । अनेगधणरयणासयणासण- भरियं । सइज्झियथेरी य तं पेक्खति । पुच्छति य कुओ एयं दविणं ति । ताए यहाभूयं कहियं । ताए वि उवेवण-ध्रुवमादीहिं आराहितो वाणमंतरी । भणति य - बूहि वरं । तया कलवितं-जंतीए तं मम दुगुणं भवउ । तं च तीए सव्वं दुगुणं जायं । ततो तुट्ठा अच्छति । ताए पुरिमथेरीए तं सव्वं सुयं । ताएय अमरिसपुण्णाए चिंतियं मम चाउस्सालं फिट्टउ, तणकुडिया भवउ | बितियाए दो तिणकुडियाओ जायओ । पुणो तीए चिंतियं मम एक्कं अच्छिए फुल्लयं भवउ । इयरीए दोवि फुल्लाई । एवं हत्यो पायो एवं सडिओ विनासमुवगता। एसो असंतोसदोसो तम्हा अइरिते काले सज्झाओ न कायव्वो । मा एवं विराहणा भविस्सति त्ति भणिओ कालायारो इयाणि विनए त्ति दारं
-
[ भा. १३]
नीयासणंजलीपग्गहादिविनयो तहिं तु हरिएसो । भत्तीओ होति सेवा, बहुमाणो भावपडिबंधो ॥
चू. नीयं निम्नं । आसियते जम्हि तमासणं नीयं आसणं नीयासणं । गुरूण नीचतरं उववसति । तं च पीढगादि आसणं भवति । दोत्रि हत्था मउल - कमल - संठिया अंजली भन्नति । परिसेण गही पग्गहो । सो य नीयासणस्स वा अंजलिपग्गहो वा । अहवा निसेज्जदंडगादीण वा पग्गहो भवति । आदि- सद्दगहणेण - "निद्दा - विगहापरिवज्जिएहिं " गाहा । एवं पढंतस्स सुणेंतस्स वा विनओ भवति । इहरहा अविणओ । अविणीए य पच्छित्तं । तं च इमं सुत्ते मासलहु, अत्थे मासगुरु | अहवा सुत्ते व अत्थे ङ्का । तम्हा विणएण अधीयव्वं । विणओववेयस्स इहपरलोगे व विज्जाओ फलं पयच्छंति । तहिं तु अत्थे विणओवचारित्ते ढियस्स जहा विज्जाओ फलं पयच्छंति