Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 1176

उद्देशक : १७, मूलं - १२३९, (भा. ५९६८]
२७७
चू-उववसिता पदसंधियं जहा न इज्झति तहा गेण्हति । अहवा - मंचगे मंचिकाए वा मज्झे भूमी वा पादं ठवेत्ता गेहति । पत्तगबंधगतो वा गेण्हति। अच्चुसिणं च पादट्ठितं घोलेइ, मा लेवो ज्झहिति । एयाए जयणाए कारणे गेण्हंतो अदोसो ॥
मू. (१२४०) जे भिक्खू उस्सेइमं वा संसेइमं वा चाउलोदगं वा वालोदगं वा तिलोदगं वा तुसोदगं वा जवोदगं वा आयामं वा सोवीरं वा अंबकंजियं वा सुद्धवियउं वा आहुणा धोयं अनंबिलं अपरिणयं अवक्कंतजीवं अविद्धत्थं पडिग्गाहेइ पडिग्गाहेतं वा सातिज्जति ।। उस्सेतिममादीया, पाणावुत्ता उ जत्तिया सुत्ते । तेसिं अन्नतरायं, गेण्हति आणमादीणि ।।
[ भा. ५९६९ ]
चू-उसिणं सीतोदगे छुब्भति तं उस्सेइमपाणयं । जं पुण उसिणं चेव उवरि सीतोदगेण चेव सिंचियं तं संसेइमं | अहवा-संसेतिमं, तिला उण्हपाणिएण सिण्णा जति सीतोदगा धोवंति तो संसेतिमं भण्णति । चाउलाण धोवणं चाउलोदगं । अधुना घोतं अचिरकालधोतं । रसतो अणंबीभूयं ।
जीवेणं विप्पभुक्कं तं वक्कतं, न वक्कतं अवक्कतं, सचेतनं मिश्रं वा इत्यर्थः: । जमवण्णसंजातं तं परिणयं, न परिणयं अपरिणयंस्वभाववर्णस्थमित्यर्थ: : । जं वण्णगंधरसफासेहिं सव्वेहिं ध्वस्तं तं विध्वस्तं, अनेगधा वा ध्वस्तं विध्वस्तं, न विद्धत्थं अविद्धत्थं, सर्वथा स्वभावस्थमित्यर्थः । अहवा - एए एगट्ठिया । अपरिणयं गेण्हंतस्स चउलहु, आणाइया य दोसा ।।
उस्सेइमस्स इमं वक्खाणं
[ भा. ५९७० ]
सीतोदगम्मि छुब्भति, दीवगमादी उसेइमं पिङ्कं । संसेइमं पुण तिला, सिण्णा छुडभंति जत्थुदए ।
- मरहट्ठविसए उस्संइया दीवगा सीओदगे । छुब्धंति । उस्सेइमे उदाहरणं, अहवा- पिटुस्स उस्सेज्जमाणस्स हेट्टजं पाणियं तं उस्सेइमं । पच्छद्धं गतार्थम् ।। [भा. ५९७१] पढमुस्सेतिममुदयं, अकप्पकप्पं च होति केसिंचि । तं तु न जुज्जति जम्हा, उसिणं मीसं ति जा दंडो ।
चू-ते दीवगादी उस्सेतिमा, एकम्मि पाणिए दोसु तिसु वा निच्चलिज्जति तत्थ वितियततिजा य सव्वेसिं चेव अकप्पा, पढमं पाणियं तं पि अकप्पं चेव । केसिं चि आयरियाणं कप्पं, तं न घडति । कम्हा? जम्हा उसिणोदगमवि अनुव्वत्ते डंडे मीसं भवति, तं पुण कहिं उस्सेतिमेसु छूढेसु अचित्तं भविष्यतीत्यर्थः ? ।। इमो चाउलोदे विही
[ भा. ५९७२]
पढमं बितियं ततियं, चाउलउदगं तु होति सम्मिस्सं ।
तेन परं तु चउत्थे, सुत्तनिवातो इहं भणितो ।।
चू- पढम-बितिय ततिय-चाउलोदगा एते नियमा मिस्सा भवंति, तेन परं चउत्थादि सचित्ता । एत्त सुत्तणिवातो चउलहुगमित्यर्थः । आदिल्लेसु तिसु वि मासलहुँ । अन्ने पुण - ततिए वा घाउलसोधणे सुत्तणिवायमिच्छति, जेण तत्थ बहुं अपरिणयं, थोवं परिणयमिति ॥ जं उस्सेतिमादि मिस्सं तस्सिमो गहणविही[भा. ५९७३ ]
-
-पिट्ठे ।
कालेणं पुण कप्पति, अंबरसं वण्णगंधपरिनामं । वण्णातिविगतलिंगं, नज्जति वुक्कंतजीवं ति ॥
जहा-1