Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 1130

उद्देशक : १६, मूलं-१०८४, [भा. ५७४४]
२३१
य तेन कालगओ। सो य तस्स अब्वत्तसामाइयस्स भावेण कुणालकुमरस्स अंधस्स रन्नो पुत्तो जातो। को कुणालो ? कहं वा अंधो ? त्ति- पाडलपुत्ते असोगसिरी राया, तस्स पुत्तो कुणालो । तस्स कुमारस्स भुत्ती उज्जेणी दिन्ना । सोय अट्ठवरिसो, रन्ना लेहो विसज्जितो - शीघ्रमधीयतां कुमारः । असंवत्तियलेहे रन्नो उडितस्स माइसवत्तीए कतं “अंधीयतां कुमारः' । सयमेव तत्तसलागाए अच्छी अंजिया । सुतं रन्ना ! गामो से दिन्नो । गंधव्वकलासिक्खणं । पुत्तस्स रज्जत्थी आगओ पाडलिपुत्तं । असोगसिरिणो जवनियंतरितो गंधव्वं करेति, आउट्टो राया, मग्गसुजं ते अभिच्छितं ।। तेन भणियं[भा.५७४५] चंदगुत्तपपुत्तो य, बिंदुसारस्स नत्तुओ।
असोगसिरिणो पुत्तो, अंधोजायति कागिनिं ।। चू-उवउत्तो राया, नातो किं ते अंधस्स कागिनीए? कागिनी-रजं । तेन भणियं - पुत्तस्स मे कजं । संपति पुत्तो वित्ति । आनेहि तं पेच्छामो, आनिओ, संवडिओ, दिन्नं रज्जं । सव्वे पच्चंता विसया तेन उयविया विक्कतो रज्जं भुंजइ ॥ अन्नया[भा.५७४६] अज्जसुहत्थाऽऽगमणं, दटुं सरणंच पुच्छणा कहणं ।
पावयणम्मिय भत्ती, तो जाया संपतीरन्नो॥ चू- उज्जेणीए समोसरणे अनुजाणे रहपुरतो रायंगणे बहुसिस्सपरिवारो आलोयणठितेण रन्ना अजसुहत्थी आलोइओ, तं दद्दूण जाती संभरिया, आगतो गुरुसमीवं । धम्मं सोउं पुच्छति - अहं मे कहिं चि दिट्ठपुच्चो ?, पुच्छति य - इमस्स धम्मस्स किं फलं?, गुरुणाऽभिहितं सग्गो मोक्खो वा । पुणो पुच्छइ - इमस्स सामाइयस्स किं फलं ?, गुरू भणइ-अव्वत्तस्स सामाइयस्स रजं फलं । सो संभंतो भणाति सच्चं। ताह सहत्थी उवउजिऊण भणति- “दिडिल्लओत्ति।" सव्वं से परिकहियं । ताहे सो पवयणभत्तो परमसावगो जातो॥ [भा.५७४७] जवमझ मुरियवंसो, दारे वणि-विवणि दानसंभोगो।
तसपाणपडिक्कमओ, पभावओ समणसंघस्स। धू-चंदगुत्तातो बिंदुसारो महंततरो, ततो असोगसिरी महंततरो, तत्तो संपत्ती सव्वमहतो, ततो हानी, एवं मुरियवंसो जवागारो, मज्झे संपइ-आसी । “दारे" त्ति अस्य व्याख्या[भा.५७४८] उदरियमओ चउसुवि, दारेसु महानसे सकारेति ।
निंताऽऽनिते भोयण, पुच्छा सेसे अभुत्ते य॥ धू- पुव्वभवे ओदरिओ त्ति पिंडोलगो आसि, तं संभरित्ता नगरस्स चउसु वि दारेसु सत्ताकारमहानसे कारवेति, नितो पविसंतो वा जो इच्छइ सो सव्वो भुंजति, जं सेसं उव्वरति तं महानसियाण आभवति । ताहे राया ते महानसिए पुच्छति - जं सेसं तेन तुब्भे किं करेह ?, ते भणंति - घरे उवउज्जति ।। ताहे राया भणति - ज सेसं - अंभुत्तं तं तुब्भे[भा.५७४९] साहूण देह एयं, अह भे दाहेमि तत्तियं मोल्लं ।
नेच्छंति घरे घेत्तुं, समणा मम रायपिंडोत्ति ॥ चू-एवं महानसिता भणिता देंति साधूणं । “वणि-विवणि-दानि” त्ति अस्य व्याख्या[भा.५७५०] एमेव तेल्ल-गोलिय, पूीय-मोरंड दूसिए चेव ।
जंदेह तस्स मोल्लं, दलामि पुच्छा य महगिरिणो ।।