Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 1093

निशीथ-छेदसूत्रम् -३-१६/१०७३
चू- अव्वत्तेण ससहायेण वत्तेण वा असहाएण परखेत्ते उवट्ठितो सचित्तो सो खेत्तियाण आभव्वो तहावि तं दलयंति परममेहाविणं गुरुपदजोग्गं च, अप्पणी य सो गच्छे आयरियजोग्गो नत्थि ति ताहे तस्स अप्पणो दिसाबंधं करेति । "उभयं "त्ति, ति संजता संजतीओ य । अहवातस्स सगच्छिलगाण य परोप्परं ममीकारकरणं भवति, अम्हं सज्झतिउ त्ति, "तं व" त्ति जो पडिच्छगो आगतो तं वा निबंधइ । जो सो सेहो पडिच्छगो आगतो तं वा णिबंधइ || जो सो सेहो पडिच्छगो वा निबद्धो सो तत्थ णिम्मातो
[ भा. ५५०२]
१९४
आयरिए कालगते, परियकृति सो गणं सयं चेव । चोदेति व अपढंते, इमा तु तहि मग्गणा होति ।।
चू- आयरिए कालगए सो तं गच्छं न मुयइ, एत्थ गच्छस्स निबद्धायरियस्स ववहारो भन्नति, सो तं सयमेव गणं परियट्ठेइ, सो य गच्छो न पढति, अपढतोय तेन चोदेयव्वो, जति चोदिया वि न पढंति तो इमो आभवंतमग्गणा ।।
[मा. ५५०३ ] साहारणं तु पढमे, बितिए खेत्तम्मि ततिए सुहदुक्खं । अणहिते सेसे, हवंति एक्कारस विभागा ।।
धू- कालगयस्स जाव पढमवरिसं ताव गच्छस्स जो सो ठितो आयरिओ एतेसिं दोन्ह वि साधारणं सचित्तादि सामान्यमित्यर्थः । बितिए वरिसे - जं खेत्तोवसंपन्नतो लभति तं ते अपढंता लभंति । ततिए वरिसे - जं सुहदुक्खोवसंपन्नतो लभति तं ते लभंणि । चउत्थे वरिसे - कालगतायरियसीसा अनहिज्जता न किं चि लभंति, सव्वं पडिच्छगायरियस्स भवति ॥
सीसो पुच्छइ - "किं खेत्तोवसंपन्नओ सुहदुक्खिओ वा लभइ ? " त्ति । उच्यते[भा. ५५०४ ] नातीवग्गं दुविहं, मित्ताय वयंसगा य खेत्तम्मि ।
पुरपच्छसंधुता वा, सुहदुक्ख चउत्थए सव्वं ॥
धू- दुविधं नातीवग्गं - पुव्वसंधुता पच्छासंधुता य। सहजायगादि मित्ता, पुव्वुष्पणा वयंसगा, एते सव्वे खेत्तोवसंपन्न तो लभति, सुहदुक्खीतो पुण पुरपच्छसंधुता एव केवला भवंति । जे पुण अहिज्जंति तेसिं एक्कारस विभागा । तस्स य कालगयायरियस्स चढव्विधो गणो- पडिच्छया सिस्सा सिस्सिनीओ पडिच्छिणीओ य । एतेसिं जं तेन आयरिएण जीवंतेन उद्दिडं तं पुव्वुद्दिद्धं भण्णति, जं पुण तेन पडिच्छ्रगायरिएण उद्दिट्टं तं पच्छुद्दिनं भण्णति ॥
[भा. ५५०५ ]
खेत्तोवसंपयाए, बावीसं संध्या य मित्ताय । सुहदुक्खमित्तवज्जा, चउत्थए नालबद्धा य ।। पुव्वुद्दिट्ठ तस्स उ, पच्छुद्दिनं पवाततंतस्स । संवच्छरम्मि पढमे, पडिच्छए जं तु सच्चित्तं ॥
[भा. ५५०६ ]
चू-जं जीवंतेन आयरिएण पडिच्छगस्स उद्दिट्टं तं चैव पढंतस्स पढमवरिसे जं सचित्ताचित्तं लब्भति तं सव्वं "तस्स”त्ति जेन उद्दिहं तस्स आभव्वं । एस एक्को विभागो । अह इमेण उद्दि पडिच्छगस्स पढमवरिसे तो जं सचित्ताचित्तं लब्भति तं सव्वं वा दंतस्स । एस बितिओ विभागो ।।
बितियवरिसे[भा. ५५०७ ]
पुव्वं पच्छुद्दिट्टे, पडिच्छए जं तु होइ सच्चित्तं । संवच्छरम्मि बितिए, तं सव्वं पवाययंतस्स ॥