Page Text
________________
निशीथ-छेदसूत्रम् -३-१६/१०६४
१८०
उच्छुसालगंवा उच्छुडालगंवा भुंजइ, भुंजतं वा सातिजति ।।
मू. (१०६५) जे भिक्खू सचित्तं अंतरुच्छुयं वा उच्छुखंडियं वा उच्छुचोयगं वा उच्छुमेरगं वा उच्छुसालगं वा उच्छुडालगं वा विडसइ, विडसंतं वा सातिजति ॥
मू. (१०६६) जे भिक्खू सचित्तपइट्ठियं उर्छ जइ, भुंजंतं वा सातिजइ । मू. (१०६७) जे भिक्खू सचित्तपइट्ठियं उच्छु विडसइ, विडसंतं वा सातिजइ ।।
मू. (१०६८) जे भिक्खू सचित्तपइडियं अंतरुच्छुयं वा उच्छुखंडियं वा उच्छुचोयगं वा उच्छुमेरगं वा उच्छुसालगंवा उच्छुडालगं वा मुंजइ, भुजंतं वा सातिजति ।।
मू. (१०६९) जे भिक्खू सचित्तपइट्ठियं अतंरुच्छुयं वा उच्छुखंडियं वा उच्छुचोयगं वा उच्छुमेरगं वा उच्छुसालगं वा उच्छुडालगंवा विडसइ, विडसंतं वा सातिजइ ।।
धू- " जति जं भुक्खत्तो, लीला पुण विडसण त्ति नायव्वा । जीवजुतं सच्चित्तं, अचित्तं सचेयण-पतिटुं।" एतेसिं चेव सुत्ताणं इमो अतिदेसो[मा.५४११] पव्वसहितं तु खंडं, तब्बज्जिय अंतरुच्छुयं होइ ।
डगलं चक्कलिछेदो, मोयं पुण छल्लिपरिहीणं ॥ धू-पेरु उभयो पव्वदेससहितखंडं पव्वं, उभयो पेरुरहियं अंतरुच्छुयं, चक्कलिछेदछिन्न डगलं भण्णति, मोयं अब्मंतरो गीरो॥ [भा.५४१२] चोयं तु होति हीरो, सगलं पुण तस्स बाहिरा छल्ली ।
काणं घुण मुक्छ वा, इतरजुतं तप्पइटुं तु॥ धू-वंसहीरसहितो चोयं भण्णति, सगलं बाहिरी छल्ली भण्णति, धुणकाणियं अंगारइयं वा वुत्तयं, सियालादीहिं वा खइयं, उवरि मुक्कं, इयरं ति सचित्तं तम्मि सचित्तविभागे पतिहियं सचित्तपतिहितं भण्णति॥
मू. (१०७०) जे भिक्खू आरन्नगाणं वण्णंधाणं अडविजत्तासंपइ हिताणं असनं वा पानं वा खाइमं वा साइमं वा पडिग्गाहेइ, पडिग्गाहेत वा सातिजति ।।
[जेभिक्खूआरन्नगाणं वण्णंधाणं अडविजत्ताओ पडिनियत्ताणं असनं वा पानं वा खाइमं वा साइमंवा पडिग्गाहेइ, पडिग्गाहेंतं वा साइजति॥]
धू-अरन्नं गच्छंतीति आरन्नगा, वणंधावंतीति वण्णंधा, आरण्यं वणार्थाय धावंतीत्यर्थः। तेसिंजत्तापट्टियागंजोअसनादी गेण्हतिजत्तापडिनियत्ताणंअसनादिसेसंखउरादि वाजोगेण्हति तस्स आणादी दोसा, चउलहुंच पच्छित्तं । [भा.५४१३] तणकट्ठहारगादी, आरन्न वणंधगा उ विन्नेया।
अडविं पविसंताणं, नियत्तमाणाण तत्तो य॥ चू-आदिसद्दातो पुष्फफलमूलकंदादीणं, तेसिंवणंधाणंअडविंपविसंताणंजंसंबलं पकतं, तत्तो नियत्ताणं जं किंचि चुण्णादि । सेसं कंठं॥ [भा.५४१४] तण-कट्ट-पुष्फ-फल-मूल-कंद-पत्तादिहारगा चेव ।
___पत्थयणं वच्चंता, करेंति पविसंति तस्सेसं॥ धू-तणादिहारगा अडविं पविसंता अप्पणो पत्थयणं करेंति, सेसं उव्वरियं सिद्धं ।
Jain Education International
For Private & Personal Use Only
___www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |