Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 1037

१३८
निशीथ-छेदसूत्रम् -३- १६/१०५९
[ भा. ५१४४ ]
वीमंसा पडिनीयया व भोगत्थिणी व सन्निहिया । कणच्छी उक्कंपण, आलाव निमंतण पलोभे ॥
- साहिया तिर्हि कारणेहिं साधुं पलोहेज्जा - वीमंसट्टया पडिनीयट्टयाए भोगत्थिणी वा । तत्थवीमंसाए - " किं एस सक्केति खोभेउं न वत्ति पडिमा अनुपविसित्ता काणऽच्छी करेज, थणुकंपं (उक्कंपणं] वा करेज, आलावं वा करेज - हे अमुग नाण ! कुसलं ते, निमंतणं वा करेज-मए समं सामि ! भोगा भुंजसु एवमादिएहिं पलोभेजा । अहवा - पलोभेति थणकक्खोरुअद्धप्पदंसिएहिं, कडक्खच्छिविकारनिरिक्खितेहिं ।।
[मा. ५१४५ ]
काणच्छिमाइएहिं, खोभियद्धाति तम्मि भद्दा तु । नासति इतरो मोहं, सुवण्णकारेण दिट्टंतो ॥
धू- जाहे काणच्छिमादिएहिं आगारेहिं खोभितो ताहे गिण्हामि त्ति उद्धातितो, ताहे सा देवता भद्दा नासेति, इतरो नाम सो खोभियसाधू तीए अद्दंसणं गताए सम्मोहं गतो पडितो तं दट्टुमिच्छति । कत्तो गयासि ?, विलवति, पन्नविजंतो वि पन्नवणं न गेण्हति । जहा अनंगसेणसुवण्णगारो । एसा भद्दविमंसा । इदानिं "पडिनीयट्ठताए "त्ति
[ भा. ५१४६]
।
वीमंसा पडिनीता, विद्दरिसणऽखित्तमाइणो दोसा । असंपत्ती संपत्ती, लग्गरस य करणादीणि ।।
चू- पडिनीया वि काणच्छिमातिएहिं वीमंसेउं एत्थ वीमंसा नाम केवला, जाहे खुभिओ धातितो गिण्हामि त्ति ताहे सा पडिनीया " असंपत्ति "त्ति जाव न चेव गेण्हति हत्थादिणा ताव विदरिसणं विकृतरूपं दर्शयति । अहवा - विद्दरिसणं अलग्गमेव लोगो लग्गं पासति, खित्तमादि वा करेज, मारेज वा । अधवा-सा पडिनया पडिभोगसंपत्ति काउं तत्थेव लाएज स्वानादिवत्, पडिनीयदेवताप ओगओ चैव लेप्पगसामिणा अन्नेन वा दिट्ठे गेण्हणकड्डणादिया दोसा करेज || पंता उ असंपत्ती, तहेव मारेज खित्तमादी वा । संपत्तीइ विलाएतु, कड्डणमादीणि कारेज |
[भा. ५१४७]
चू- इदानिं भोगत्थिणी[ भा. ५१४८]
भोगत्थिणी विगते, कोउयम्मि खित्तादि दित्तचित्तं वा । दङ्कण व सेवतं, देउलसामी करेज्ज इमं ॥
- भोगत्थिणी देवता काणच्छिमादिएहिं उवलोभेत्ता खुभिएण सह भोगे भुंजित्ता विगयभोगकोतुका मा अन्नाए सह भोगे भुंजउ त्ति खित्तादिचित्तं करेज्जा । अहवा तीए सह सेवणं करेंतं दवणं देउलसामी अहाभावेण इमं करेज्ज ||
·
[मा. ५१४९]
तं चैव निट्टवेंती, बंधण निच्छुभण कडगमद्दो य । आयरिए गच्छंमि य, कुल गण संधे य पत्थारो ॥
- तं सेवतं दट्टु कुद्धो निट्ठिवैति त्ति - मारेजा, पभू वा सयं बंधिज्जा, अप्पभू वि पभुणा बंधाविज्जा । अधवा - वसधी गाम नगर देस रज्जाओ वा निच्छूभेजा । “कडगो ”त्ति खंधावारो । जहा सो परविसयमोइण्णो एगस्स रन्नो अभिनिवेसेण अकारिणो वि गामनगरादि सव्वे विनासेइ, एवं एगेण कयमकज्जं सव्वो बालवुड्ढादी जो जत्थ दीसइ सो तत्थ मारिज्जति । एस कडगमद्दो ।