Page Text
________________
उद्देशक : १५, मूलं- १०५८, [ भा. ५०९३ ]
१२९
कया । तेनगा वि राओ आगता, देह त कंबलरयणं, दंसिया य तेहि एतेसु मुहनंतगा कया, तेनगेहिं रुट्ठेहिं सिव्वावेतुं मुक्का । जम्हा एते दोसा तम्हा न विभूसाए घरियव्वं ॥ सव्वेसिं सुत्ताणं इमं बतियपदं जहासभवं भाणियव्वं
[भा. ५०९४] बितियपदमणप्पज्झे, अप्पज्झे वा वि दुविध तेइच्छे । अभिओग असिव दुब्मिक्खमादिसू जा जहिं जयणा ||
- अणवज्झो खित्तादिगो सेहो वा अजाणतो, असेहो वि दुविहमोहतिगिच्छाए अनिमित्ते सनिमित्ते वा मोहोदए, रायादि अभियोगेण वा, असिवे वा, असिवोवसमनिमित्तं, दुभिक्खे वा कुचेलस्स न लब्भति त्ति सिंधुमालवगादिसु तत्थुज्जलोवधिधरणं करेज, एवमादिपयोयणेसु उज्जलोवधिधरणं करेंतस्स जा जहिं जयणा संभव त सा कायव्वा ॥ रविकरमाभधानऽक्खरसत्तमवग्गंत अक्खरजुएणं । नामं जस्सित्थीए, सुतेन तस्से कया चुण्णी ।। उद्देशकः-१५ समाप्तः
|| 9 ||
मुनि दीपरत्नसागरेण संशोधिता सम्पादिता निशीथ सूत्रे पश्चवशउद्देशकस्य [ भद्रबाहुस्वामि रचिता नियुक्ति युक्तं ] संघदासगणि विरचितं भाष्यं एवं जिनदास महत्तर विरचिता चूर्णिः परिसमाप्ता
उद्देशक:- १६
धू- उक्तः पंचदशमोद्देशकः । इदानीं षोडशः प्रारभ्यते, तत्रायं सम्बन्धः[भा. ५०९५ ] देहविभूसा बंभस्स अगुत्ती उज्जलोवहित्तं च ।
सागारिते य (वि] वसतो, बंभस्स विराधनाजोगो ।।
धू- पंचदसमुद्देसगे देहविभूसाकरणं उज्जलोवधिधारणं च निसिद्धं, मा बंभवयस्स अगुत्ती, पसंगतो मा बंभव्वयस्स विराधना भविस्सति । सोलसमुद्देसगे मा अगुत्ती बंभविराधना वा, अतो सागारियवसहिनिसेहो कज्जति । एस सम्बन्धी ।। एतेन संबंधेनागयस्स असमुद्देसगस्स इमं पढमं सुतं
मू. (१०५९) जे भिक्खू सागारियसेणं अनुपविसइ, अनुपविसंतं वा सातिजति ॥ धू- सह आगारीहि सागारिया तं गेण्हति वसहिं तस्स आणादी दोसा, चउलहुंच से पच्छित्तं ।। [भा. ५०९६] सन्नासुतं सागरियं ति जहि मेहुनुब्भवो होइ । जत्थित्थी पुरिसा वा वसंति सुत्तं तु सट्टाणे ॥
·
चू-जं सुत्ते 'सागारियं' ति एसा सामयिकी संज्ञा । जत्थवसहीए ठियाणं मेहुनुब्भवो भवति सा सागारिगा, तत्थ चउगुरुगा। अधवा जत्थ इत्थिपुरिसा जसंति सा सागारिका, इत्थिसागारिंगे चउगुरुगा सुत्तनिवातो । " सट्टाणि" त्ति जा पुरिससागारिगा, निग्गंधीणं पुरिससागारिगे चउगुरुगा । सेसं तहेव ।। एस सुत्तत्थ । इमो निजुत्तिवित्यरो
[ भा. ५०९७ ] सागारिया उ सेज्जा, ओहे य विभागओ उ दुविहाओ । ठाण-पडसेवणाए, दुविहा पुण ओहओ होति ।।
17 9
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |