Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 100

पीठिका [भा. २९६]
९७
भग्णति, धम्मदव्वं वा अधम्मदव्वत्तेण परूवयति, अधम्मदव्वं वा धम्मस्वेण, एवं सेसाणि वि दव्वाणि । खेत्तं लोगागासं अलोगासज्जवेहिं परूवयति, अलोगं वा लोगपज्जवेहि, भरहखेत्तं वा हिमवयखेत्तपज्जवेहिं परूवयति, हेमवयं वा भरहपज्जवेहिं परूवइ, एवं सेसाणि वि खेताणि । काले उस्सपिणी अवसप्पिणिपजवेहिं परवयति, एवं सुसमादि कालविवञ्चासंकरेति । भावेजं कोहेण वा, माणेण वा, मायाए वा, लोभेण वा अभिभूतो वयणं भणति, एरिसो भावमुसावातो । अहवा लोउत्तरिओ भावमुसावातो दुविहो, जओ भण्णति[भा. २९७] सुहुमो य बादरो वा, दुविधो लोउत्तरो समासेणं।
सुहुमो लोउत्तरिओ, नायव्यो इमेहिं ठाणेहिं ।। चू. सुहुमबायरसरूवं वक्खमाणं, समासो संखेवो, इमेहि त्ति वक्खमाणेहिं पयलादीहिं, ठाणेहिं ति पदेहिंदारेहिं ति वुत्तं भवति ।। ताणि य इमाणि ठाणाणि[मा. २९८] पयला उल्ले मरुए, पच्चक्खाणे यगमण परियाए।
समुद्देस संखडी, खुड्डए य परिहारी य मुहीओ ॥ [भा. २९९] अवस्सगमणं दिस्सासू, एगकुले चेव एगदव्वे य ।
पडियाइक्खिय गमणं, पडियाइक्खित्ता य भुंजणं ॥ चू. एतातो दोन्नि दारगाहातो । पयल त्ति दारं । अस्य व्याख्या[भा. ३००] पयलासि किं दिवा, न.पयलामि लहु दोच्च निण्हवे गुरुओ।
अन्नदाइत निण्हवे, लहुया गुरुगा बहुतराणं ।। चू.कोइसाहूपयलाइदिवा,अन्नेणसाहुणा भण्णति-पयलासि किं दिवा? तेन पडिभणियं न पयलामि । एवं अवलवंतस्स पढमवाराए मासलहुं । पुणो वि सो उंघेउं पवत्तो, पुणो वि तेन साहुणा भणियं-मा पयलाहि त्ति, सो भणति-ण पयलामि त्ति । एवं बितिय वाराए" "दोच्च निण्हवे गुरुगत्ति" बितियवाराए निण्हवेंतस्स मासगुरुभवतीत्यर्थः । अन्नदाइत निण्हवे लहुग त्ति ततो पुणरवि सो पयलाइउंपवत्तो, तओ तेन साहुणा अन्नस्स साहुस्स दाइतो, दिक्खिओ त्ति वुत्तं भवति, तेन साहुणा भणितो-अजो ! किं पयलासि, सो पुणरवि निण्हवे न पयलामि त्ति, चउलहुगं भवति । गुरुगा बहुतरगाणं ति तेन साहुणा दुतिअग्गाणं दंसिओ, पुनरवि निण्हवेति, तेन से चउगुरुगा भवंति ।। [भा. ३०१] निण्हवणे निण्हवणे, पच्छितं वद्दति तु जा सपदं ।
लहुगुरुमासो सुहुमो, लहुगादी बादरे होंति ॥ चू. पुव्वद्ध कठं । नवरं समुदायत्थो भण्णति । पंचमवारा निण्हवेंतस्स छल्लहुअं, च्छट्ठीए गुरुअं, सत्तमवाराए च्छेदो, अट्टमवाराए मूलं, नवमवाराए अणवट्ठो, दसमवाराए पारंची।
चोदक आह-"एस सव्वो सुहुममुसावातो । आयरियाह-लहुगुरुमासे सुहमो त्ति जत्थ जत्थ मासलहुं मासगुरुं वा तत्त तत्थ सुहुमो मुसावातो भण्णति, चउलहुगादी बायरो मुसावातो भवतीत्यर्थः । पयले त्ति दारं गतं ।। इदानि उल्ले ति दारं । उल्लेमि ति वासं[भा. ३०२] किं वचसि वासंते, न गच्छे ननु वासबिंदवो एते।
भुंजंति नीह मरुगा, कहिं ति ननु सव्वगेहेहिं॥ 157]