Agam Sutra Satik 18 Jamboodwippragnapati UpangSutra 07

SR No.: 003352
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 564
Language: Prakrit, Sanskrit
Classification: Book_Devnagari, Agam, Canon, Agam 18, & agam_jambudwipapragnapti
File Size: 13 MB

Page 397

जम्बूद्वीपप्रज्ञप्ति-उपाङ्गसूत्रम् ५/२२७ तीअपचुप्पन्नमणागयाणं सक्काणं देविंदाणंदेवराईणं तित्थयराणं जम्णमहिमं करेत्तए, तंगच्छामि णं अहंपि भगवओ तित्थगरस्स जम्मणमहिमं करेमित्तिकट्ट एवं संपेहेइ २ त्ता हरिणेगमेसि पायत्ताणीयाहिवइ, देवं सदाति २ ता एवं वयासी
खिप्पामेव भो देवाणुप्पिआ! सभाए सुहम्माए मेघोघरसिअंगंभीरमहुरयरसइंजोयणपरिमण्डलंसुधोसंसूसरंघटं तिक्छुतोउल्लालेमाणे २ महयामहया सद्देणं उग्धोसेमाणे २ एवंवयाहि
आणवेइगंभोसक्के देविंदे देवराया गच्छइणं भो सके देविंदे देवराया जंबुद्दीवर भगवओ तित्थयरस्स जम्मणमहिमंकरित्तए, तंतुब्मेविणंदेवाणुप्पिआ! सब्बिद्धीए सव्वजुईएसब्बबलेणं सब्बसमुदएणं सव्वायरेणं सव्वविभूईए सबविभूसाएसब्बसंभमेणं सव्वनाडएहिं सब्बोवरोहेहिं सन्चपुष्पगंधमल्लालंकारविभूसाए सव्वदिब्बतुडिअसहसण्णिणाएणं महया इद्धीए जाव रवेणं निअयपरिआलसंपरिवुडा सयाइं २ जाणविमाणवाहणाई दुरुढा समाणा अकालपरिहीणं चेव सक्कस्स जाव अंतिअंपाउब्भवह। तएणं से हरिणेगमेसी देवे पायत्ताणीयाहिवई सकेणं ३ जाव एवं वुत्ते समाणे हद्वतु जाव एवं देवोत्ति आणाए विनएणं वयणं पडिसुणेइ २ त्ता सक्कस्स ३ अंतिआओ पडिनिक्खमइ २ ता जेणेव सभाए सुहम्माए मेघोघरसिअंगम्भीरमहरयरसद्दा जोअणपरिमण्डला सुघोसा घंटा तेणेव उवागच्छइ २ ता तं मेघोघरसिअगम्भीरमहरयरसदं जोअणपरिमण्डं सुघोसं घंटं तिक्खुत्तो उल्लालेइ।
तए णं तीसे मेघोघरसिअगम्भीरमहुरयरसदाए जोअणपरिमण्डलाए सुघोसाए घंटाए तिक्खुत्तो उल्लालिआए समाणीए सोहम्मे कप्पे अन्नेहिं एगूणेहिं बत्तीसविमाणावाससयसहस्सेहिं अन्नाई एगूणाई बत्तीसं घंटासयसहस्साईजमगसमगं कणकणारावं काउं पयत्ताई हुत्या इति
तएणं सोहम्मे कप्पे पासायविमाणनिक्खुडावडिअसद्दसमुद्धिंअघंटापडेंसुआसयसहस्ससंकुले जाए आवि होत्या इति, तए णं तेसिं सोहम्मकप्पवासीणं बहूणं वेमाणियाणं देवाण य देवीणय एगंतरइपसत्तणिच्चपमत्तविसयसुहमुच्छिआणं सूसरघंटारसिअविउलबोलपूरिअचवलपडिबोहणे कए समाणे घोसणकोऊहलदिण्णकण्णएगग्गचित्तउवउत्तमाणसाणं से पायताणी आहिवई देवे तंसि घंटारवंसि निसंतमडिसंतंसि समाणंसि तत्थ तत्थ तहिं २ देसे महया महया सद्देणं उग्घोसेमाणे २ एवं वयासीति
हंत ! सुणंतु भवंतो बहवे सोहम्मकप्पवासी वेमाणिअदेवा देवी अ सोहम्मकप्पवइणो इणमो वयणं हिअसुहत्थं-आणावइ णं भो सके तं चेव जाव अंतिअंपाउब्भवहत्ति, तए णं ते देवा देवीओ अ एअमट्ट सोचा हट्टतुट्ठ जाव हिअआ अप्पेगइआ वंदणवत्तिअंएवं पूअणत्तिअं सकारवत्तिअंसम्माणपत्तिअंदसणवत्तिअंजिनभत्तिरागेणंअप्पेगइआतंजीअमेअंएवमादित्तिकटु जाव पाउब्भवंतित्ति।
तएणं से सक्के देविंदे देवराया ते विमाणिए देवे देवीओ अ अकालपरिहीणं चेव अंतिअं पाउब्भवमाणे पासइ र त्ता हटे पालयं नामं आमिओगिअंदेवं सद्दावेइ २ ता एवं वयासी
खिप्पामेव भो देवाणुप्पिआ! अनेगखम्भसयसण्णिविट्ठ लीलट्ठियसालभंजिआकलिअं ईहामिअउसभतुरगणरमगरविहगवालगकिण्णररुरुसरभचमरकुंजरवणलयपउमलयभत्तिचित्तं खंभुग्गवयवहरवेइआपरिगयाभिरामं विजाहरजमलजुअलजंतजुत्तंपिव अचीसहस्समालिणीअं