Page Text
________________
२८८
जम्बूद्वीपप्रज्ञप्ति-उपाङ्गसूत्रम् ३/१२९ सव्ववइरामई अच्छा सण्हा, गंगा महानई जत्थ पवडई एत्थणं महंएगे गंगप्पवाए कुंडे नामं कुंडे पन्नते सद्धिं जोअणाई आयामविक्खंभेणं नउअंजोअणसयं किंचिविसेसाहिअंपरिक्खेवेणं, दस जोअणाई उब्वेहेणं अच्छे सण्हे रययामयकूले समतीरे वइरामयपासाणे वइरतले सुवण्णसुब्भरययामयवालुआए वेरुलिअमणिफालिअपडलपच्चोअडे सुहोआरे सुहोत्तारे नानामणितित्थसुबद्धे वट्टे अणुपुव्वसुजायवप्पगंभीरसीअलजले संछण्णपत्तभिसमुणाले बहुउप्पलकुमुअणलिणसुभगसोगंधिअपोंडरीअमहापोंडरीअसयपत्तसहस्सपत्तसयसहस्सपत्तपप्फुल्लकेसरोवचिए छप्पयमहुयरपरिभुजमाणकमले अच्छविमलपत्थसलिले पुण्णे पडिहत्यभमन्तमच्छकच्छभअनेगसउणगणमिहुणपविअरियसदुन्नइअमरसरणाइए पासाईए।
से णं एगाए पउमवरवेइयाए एगेण य वनसण्डेणं सव्वओ समंता संपरिस्खिते वेइआवनसंडगाणं पउमाणं वण्णओ भाणिअव्वो, तस्स णं गंगप्पवायकुंडस्स तिदिसिं तओ तिसोवाणपडिरूवगा पं०, तंजहा-पुरस्थिमेणंदाहिणेणं पञ्चत्यिमेमं, तेसिणंतिसोवाणपडिस्वगाणं अयमेयारूवे वण्णावासे प०त०-वइरामया नेम्मा रिट्ठामया पइट्टाणा वेरुलिआमया खंभा सुवण्णरुप्पमया फलया लोहिक्खमईओ सूईओ वयरामया संधी नानामणिमया आलंबणा आलंबणबाहाओत्ति।
तेसिणं तिसोवाणपडिरूवगाणं पुरओ पत्तेअंपत्तेअंतोरणा पन्नता, तेणंतोरणा णाणामणिमया नानामणिमएसुखंभेसु उवणिवठ्ठसंनिविद्या विविहमुत्तंतरोवइआविविहताराख्वोवचिआ ईहामिअउसहतुरगणरमगरविहगवालगकिन्नररुरुसरभचमरकुंजरवणलयपउमलयभत्तिचित्ता खंभुग्गयवइरवेइआपरिगयाभिरामा विजाहरजमलजुअलजंतजुत्ताविवि अनीसहस्समालणीआ रूवगसहस्सकलिआ मिसमाणा मिभिसमाणा चक्खुल्लोअणलेसा सुहफासा सस्सिरीअरुवा घंटावलिचलिअमहरमणहरसरापासादीआ, तेसिणं तोरणाणं उवरिंबहवे अट्टमंगलगा पं०, तं०-सोथिए जाव पडिरूवा । तेसि णं तोरणाणं उवरि बहवे किण्हचामरज्झया जाव सुकिल्लचामरज्झया अच्छा सण्हा रुप्पपट्टा वइरामयदण्डा जलयामलगंधिआ सुरम्मा पासाईया ४, तेसिणंतोरणाणं उप्पिबहवेछत्ताइच्छत्तापडागाइपडागाघंटाजुअला चामरजुअला उप्पलहत्यगा पउमहत्थगाजाव सयसहस्स- पत्तहत्थगा सव्वरयणामया अच्छाजाव पडिरूवा।
तस्स णं गंगप्पवायकुंडस्स बहुमज्झदेसभाए एत्य णं महंएगे गंगादीवे नामंदीवे पन्नते अट्ठ जोअणाई आयामविक्खंभेणं साइरंगाईपणवीसं जोअणाई परिक्खेवेमंदो कोसे ऊसिए जलंताओ सव्ववइरामए अच्छे सण्हे, से गंएगाए पउमवरवेइआए एगेण य वनसंडेणं सव्वओ समन्ता संपरिक्खित्तेवण्णओ भाणिअब्बो, गंगादीवस्सणं दीवस्स उप्पिं बहुसमरमणिज्जे भूमिभागे पन्नत्ते, तस्स णं बहुमझदेसभाए एत्य णं महं गंगाए देवीए एगे भवणे पन्नत्ते कोसं आयामेणं अद्धकोसंविखंभेणंदेसूणगंचकोसंउद्धं उच्चत्तेणंअणेगखंभसयसण्णिविडेजाव बहुमज्झदेसभाए मणिपेढियाएसयणिजे, सेकेणद्वेणंजावसासए नामधेजेप०तस्सणं गंगप्पवायकुंडस्स दखिणिलेणं तोरणेणं गंगामहानई पढा समाणी उत्तरद्धभ-स्सवासं एजेमाणी २ सत्तहिं सलिलासहस्सेहिं आउरेमाणी २ अहे खण्डप्पवायगुहाए वेअद्धपव्वयं दालइत्ता दाहिणद्धभरहवास एजेमाणी २ दाहिणद्धभरहवासस्स बहुमज्झदेसभागं गंता पुरस्थाभिमुही आवत्ता समाणी चोद्दसहिं
Jain Education International
For Private & Personal Use Only
www.jainelibrary.org
| SR No. | 003352 |
| Book Title | Agam Sutra Satik 18 Jamboodwippragnapati UpangSutra 07 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 13 MB |