Page Text
________________
वक्षस्कारः-३
१८३ चक्करयणे समुष्पन्ने तंए अन्नं देवाणुप्पि-आणं पिअट्टयाए पिअंनिवएसोपिअंभे भवउ, ततेणं से भरहे राया तस्स आउहधरिअस्स अंतिए एअमटुं सोचा निसम्म हट्ट जाव सोमनस्सिए विअसिअवरकमलणयणवयणेपयलिअव-रकडगतुडिअकेऊरमउडकुंडलहारविरायंतरइअवच्छे पालंबपलंबमाणघोलंतभूसणधरे ससंभमं तुरिअंचवलं नरिंदे सीहासणाओ अब्भुढेइ २ त्ता पायपीढाओ पचोरुहइ २ त्ता पाउआओ ओमुअइ २ ता एगसाडिअं उत्तरासंगं करेइ २ त्ता अंजलिमउलिअग्गहत्थे चक्करयणामिमुहे सत्तठ्ठप-याइं अनुगच्छइ २ तावामंजाणुंअंचेइ २ ता दाहिणंजाणुंधरणितलंसि णिहट्ट करयलजावअंजलिं कल चक्करयणस्स पनामंकरेइ २ त्ता तस्स आउहधरिअस्स अहामालिअंमउडवजं ओमोअंदलइर त्ता विउलं जीविआरिहं पीइदानं दलइ रत्ता सकारेइ सम्माणेइ २ ता पडिविसजेइ २ तासीहासणवरगए पुरत्थामिमुहे सण्णिसण्णे।
तएणं से भरहे राया कोडुबिअपुरिसे सद्दावेइ २ ता एवं वयासी-खिप्पामेव भोदेवाणुष्पिआ ! विनीअं रायाणि सभितरबाहिरिअं आसिअसंमजिअसित्तसुइगरत्यंतरवीहिअं मंचाइमंचकलिअं नानाविहरागवसणऊसिअझयपडागाइपडागमंडिअं लाउल्लोइअमहिअं गोसीससरसरत्तचंदन-कलसं चंदनघडसुकयजावगंधुद्धआभिरामंसुगंधवरगंधिअंगंधवट्टिभूअं करेह कारवेह करेत्ता कारवेत्ता य एअमाणत्ति पञ्चप्पिणह। तएणं ते कोडुंबिअपुरिसा भरहेणं रन्ना एवं वुत्ता हट्ठ० करयल जाव एवं सामित्ति आणाए विनएणं वयणं पडिसुणंति २ त्ता भरहस्स अंतिआओ पडिनिक्खमंतिर ता विनीअंरायहाणिं जाव करेत्ता कारवेत्ता यतमाणतिअं पञ्चप्पिणंति । तएणं से भरहे राया जेणेव मज्झणघरे तेणेव उवागच्छइ र त्ता मजणधरंअनुपविसइ २ ता समुत्तजालाकुलामिरामे विचित्तमणिरयणकुट्टिमतले रमणिज्जे पहाणमंडवंसिनानामणिरयणभत्तिचित्तंसि पहाणपीढंसि सुहणिसण्णे सुहोदएहिं गंधोदएहिं पुष्फोदएहिं सुद्धोदएहि अपुण्णे कल्लाणगपवरमजणविहीए मजिए तत्थ कोउअसएहिं बहुविहेहिं कल्लाणगपवरमज्जमावसाणे पम्हलसुकुमालगंधकासाइअलहिंगे सरससुरहिगोसीसचंदनानुलित्तगत्ते अहयसुमहग्घदूसरयणसुसंवडे सुइमालावण्णगविलेवणे आविद्धमणिसुवण्णे
-कप्पिअहारद्धहारतिसरिअपालंबपलंबमाणकडिसुत्तसुकयसोहे पिणद्धगेविजगअंगुलिजगललिअगयललिअकयाभरणे नानामणिकडगतुडिअर्थमिअभूए अहिअसस्सिरीए कुंडलउज्जोइआणणे मउडदित्तसिरए हारोत्थयसुकयवच्छे पालंबपलबमाणसुकयपडउत्तरिजे मुद्दिआपिंगलंगुलीए णानामणिकणगविमलमहरिहणिउणोअविअमिसिमिसिंतविरइअसुसिलिहुविसिठ्ठलट्ठसंठिअपसत्यआविद्धवीरवलए, किंबहुना ?,
कप्परुक्खएचेवअलंकिअविभूसिए नरिदेसकोरंटजाव चउचामरवालवीइअंगे मंगलजयजयसद्दकयालोए अनेगगणनायगदंडणायगजावदूअसंधिवाल सद्धिं संपरिबुडे धवल-महामेहणिग्गए इव जाव ससिव्व पियदंसणे नरवई धूवपुप्फगंधमल्लहत्थगए मजणधराओ पडिनिक्खमइ २ ताजेणेव आउहघरसाला जेणेव चक्करयले तेनामेव पहारेतेथ गमणाए।
तए णं तस्स भरहस्स रन्नो बहवे ईसरपमिइओ अप्पेगइआ मउमहत्यगया अप्पेगइया उप्पलहत्थगया जाव अप्पेगइआ सयसहस्सपत्तहत्थगया भरहं रायाणं पिट्ठओ २ अनुगच्छंति।
तएणं तस्स भरहस्स रन्नो बहूईओ
Jain Education International
For Private & Personal Use Only
www.jainelibrary.org
| SR No. | 003352 |
| Book Title | Agam Sutra Satik 18 Jamboodwippragnapati UpangSutra 07 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 13 MB |