Page Text
________________
१५६
जम्बूद्वीपप्रज्ञप्ति-उपाङ्गसूत्रम् २/४६ देवराया मेहकुमारे देवे सदावेइ ३ त्ताएवं वयासी-खिप्पामेव भो देवाणुप्पिआ! तित्थगरचिइगं जाव अनगारचिइगं च खीरोदगेणं निव्वावेह, तए णं ते मेहकुमारा देवा तित्थगरचिइगं जाव निव्वावेति । तए णं से सक्के देविंदे देवराया भगवओ तित्थगरस्स उवरिल्लं दाहिणं सकहं गेण्हइ ईसाणे देविंदे देवराया उवरिलं वामं सकहं गेण्हइ, चमरे असुरिदे असुरराया हिडिल्लं दाहिणं सकहं गेण्हइ बली वइरोअणिंदे वइरोअणराया हिडिल्लं वामं सकह गेण्हइ, अवसेसा भवणवइ जाव वेमाणिआ देवा जहारिहं अवसेसाइं अंगमंगाई, केई जिणभत्तीए केई जीअमेअंतिकडु केइ धम्मोत्तिकट्ठ गेण्हंति।
तएणं से सक्के देविंदे देवराया बहवे भवणवइ जाव वेमाणिए देवे जहारिहं एवं वयासीखिप्पामेव भो देवाणुप्पिआ! सव्वरयनामए महइमहालए तओ चेइअथूभे करेह, एगं भगवओ तित्थगरस्स चिइगाए एगंगणहरचिइगाए एणं अवसेसाणं अणगाराणं चिइगाए, तएणं ते बहवे जाव करेंति । तए णं ते बहवे भवणवइ जाव वेमाणिआ देवा तित्थगरस्स परिनिव्वाणमहिमं करेति र त्ता जेणेव नंदीसरवरे दीवे तेणेव उवागच्छन्ति।
तए णं से सक्के देविंदे देवराया पुरच्छिमिल्ले अंजनगपब्बए अट्टाहि महामहिमं करेति, तएणं सक्कस्स देविंदस्स० चत्तारि लोगपाला चउसुदहिमुहगपव्वएसुअठ्ठाहियं महामहिमंकाति, ईसाणे देविंदे देवराया उत्तरिले अंजनगे अठ्ठाहिअंतस्स लोगपाला चउसु दहिमुहगेसु अट्ठाहिअं चमरो अदाहिणिले अंजनगे तस्स लोगपाला दहिमुहगपव्वएसुबली पञ्चस्थिमिल्ले अंजनगे तस्स लोगपाला दहिमुहगेसु।
तए णं ते बहवे भवणवइवाणमंतर जाव अट्टाहिआओ महामहिमाओ करेंति करित्ता तेणेव साइं२ विमाणाइंजेणेव साइं२ भवणाईजेणेव साओ २ सभाओ सुहम्माओ जेणेव सगा २ माणवगा चेइअखंभा तेणेव उवागच्छंति र त्ता वइरामएसु गोलवट्टसमग्गएसु जिनसकहाओ पविखवंति २ अग्गेहिं वरेहि मल्लेहि अगंधेहि अ अति २ विउलाई भोगभोगाइं भुंजमाणा विहरति।
वृ. उसमे णमित्यादि कण्ठ्यं, अथ ऋषभस्य कौमारे राज्ये गृहित्वे च यावान् कालः प्रागुक्तस्तं संग्रहरूपतयाऽभिधातुमाह-'उसभेणमित्यादि, व्यक्त। अथ छाद्मस्थ्यादिपर्यायाभिधानपुरस्सरं निर्वाणकल्याणकमाह-'उसभे ण मित्यादि, ऋषभोऽर्हन् एकं वर्षसहस्रं छद्मस्थपर्यायं प्राप्य पूरयित्वेत्यर्थ एकं पूर्वलक्षं वर्षसहस्रोनं केवलिपर्यायं प्राप्य एकं पूर्वलक्षं बहुप्रतिपूर्ण देशेनापि न न्यूनमितियावत् श्रामण्यपर्यायं प्राप्य चतुरशीतिं पूर्वलक्षाणि सर्वायुः पालयित्वा-उपभुज्य हेमन्तानां-शीतकालमासानां मध्ये यस्तृतीयो मासः पञ्चमः पक्षो माघबहुलो-माघमासकृष्णपक्षः तस्य माघबहुलस्य त्रयोदशीपक्षे त्रयोदशीदिने विभक्तिव्यत्ययः प्राकृतत्वात् दशभिरनगारसहनैः सार्द्ध संपरिवृतः अष्टापदशैलशिखरे चतुर्दशेन भक्तेन--उपवासषटकेनापानकेन-पानीयाहार-रहितेन संपर्यकनिष्ण्णः -सम्यकपर्यकेन-पद्मासनेन निषण्णः-उपविष्टः, न तूर्ध्वदमादिरितिभावः, पूर्वाह्नकालसमये अभिजिन्नक्षत्रेणयोगमुपागतेनार्थाच्चन्द्रेणसुषमदुष्षमायांएकोननवत्यांपक्षेषुशेषेषु, अत्रापिविभक्तिव्यत्ययः पूर्ववत् प्राकृतत्वात्, सप्तम्यर्थे तृतीया, कालंगतो-मरणधर्माप्राप्तः व्यतिक्रान्तः संसारात्यावच्छब्दात् ‘समुजाए
Jain Education International
For Private & Personal Use Only
www.jainelibrary.org
| SR No. | 003352 |
| Book Title | Agam Sutra Satik 18 Jamboodwippragnapati UpangSutra 07 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 13 MB |