Page Text
________________
पदं- २३, उद्देशक :- १,
द्वारं -
१७१
सायावेयणिज्जस्स णं भंते! कम्मस्स जीवेणं बद्धस्स जाव पोग्गलपरिणामं पप्प कतिविधे अनुभावे पं० ?, गो० ! सातावेदणिज्जस्स णं कम्मस्स जीवेणं बद्धस्स जाव अट्ठविधे अनुभावे पं० तंo - मणुण्णा सद्दा १ मणुण्णा रूवा २ मणुण्णा गंधा ३ मणुण्णा रसा ४ मणुण्णा फासा ५ मणोसुहता ६ वयसुहया ७ कायसुहता ८ जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं सातावेदणिज्जं कम्मं वेदेति, एस णं गो० ! सायावेयणिजे कम्मे एस णं गो० ! सातावेयणिज्जरस जाव अट्ठविधे अनुभावे पं० ! असातावेयणिञ्जस्स णं भंते! कम्पस्स जीवेणं तहेव पुच्छा, उत्तरं च, नवरं अमणुण्णा सद्दा जाव कायदुहया एस णं गो० ! असायावेयणिजे कम्पे एस णं गो० ! असातावेदणिज्जस्स जाव अट्ठविधे अनुभावे पं० ।
मोहणिस्स णं भंते! कम्मस्स जीवेणं बद्धस्स जाव कतिविधे अनुभावे पं० ?, गो० ! मोहणिस्स कम्मस्स जीवेणं बद्धस्स जाव पंचविधे अणुभावे पं० तं०-सम्मत्तवेयणिजे मिच्छत्तवेयणिज्जे सम्मामिच्छत्तवेयणिजे कसायवेयणिज्जे नोकसायवेयणिज्जे जं वेदेति पोग्गलं वा arraले वा पोग्गल परिणामं वा वीससा वा पोग्गलाण परिणामं तेसिं वा उदएणं मोहणिज्जं कम्मं वेएइ वा एस णं गोयमा ! मोहणिज्जस्स कम्मस्स जाव पंचविधे अनुभावे पं० ।
आउस्स णं भंते! कम्मरस जीवेणं तहेव पुच्छा, गो० ! आउयस्स णं कम्मस्स जीवेणं' बद्धस्स जाव चउविहे अणुभावे पं० तं०-नेरइयाउते तिरियाउते मनुयाउए देवाउए, जं वेदेति पोग्गलं वा पोग्गले वा पोग्गल परिणामं वा वीससा वा पोग्गलाणं परिणामं तेसिं वा उदएणं आउयं कम्पं वेदेति वा एस गंगो० ! आउए कम्मे एस णंगो० ! आउकम्मरस जाव चउव्विहे अनुभावे पन्नते ।
सुहनामस्स णं भंते! कम्पस्स जीवेणं पुच्छा, गो० ! सुहनामस्स णं कम्मस्स जीवेणं चउद्दसविधे अनुभावे पं० तं० - इट्ठा सद्दा १ इट्ठा रूवा २२ इट्ठा गंधा ३ इट्ठा रसा ४ इट्ठा फासा ५ इट्ठा गती ६ इट्ठा ठिती ७ इट्टे लावण्णे ८ इट्ठा जसोकित्ती ९ इट्टे उट्टाणकम्मबलबीरियपुरिसक्कारपरक्कमे १० इट्ठस्सरया ११ कंतस्सरया १२ पियस्सरया १३ मणुण्णस्सरया १४ जं वेदेति पोग्गलं वा पोग्गले वा पोग्गल परिणामं वा वीससा वा पोग्गलाणं परिणामं तेसिं वा उदएणं सुभनामंकम्मं एइएस गो० ! सुनामकम्मेएस गंगो० ! सुभनामस्स कम्मस्स जाव चउद्दसविधे अणुभावे पं०,
दुहनामस्य णं भंते! पुच्छा, गो० ! एवं तचेव, नवरं अनिट्ठा सद्दा जाव हीणस्सरया दीणस्सरया अकंतस्सरया जं वेदेति सेसं तं चैव जाव चउद्दसविधे अनुभावे पन्नत्ते ।
उच्चागोतस्स णं भंते! कम्मस्स जीवेणं पुच्छा, गो० ! उच्चागोतस्स कम्मस्स जीवेणं बद्धस्स जाव अट्टविहे अनुभावे पं० तं०-जातिविसिट्टया १ कुलविसिठ्ठया २ बलविसिट्टया ३ रूववि० ४ तववि०५ सुयवि० ६ लाभवि० ७इस्सरियवि० ८ जं वेदेति पोग्गलं वा पोग्गले वा पोग्गल परिणामं वा वीससा वा पोग्गलाणं परिणामं तेसिं वा उदएणं जाव अट्ठविधे अनुभावे पं०,
नीयागोयस्स णं भंते! पुच्छा, गो० ! एवं नवरं जातिविहीणया जाव इस्सरियविहीणया जं वदेति पुग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं जाव अट्टविधे अनुभावे पन्नत्ते,
अंतरायस्स णं भंते! कम्मरस जीवेणं पुच्छा, गो० ! अंतराइयस्स कम्मस्स जीवेणं बद्धस्स जाव पंचविधे अनुभावे पं०, तं०-दानंतराए लाभंतराए भोगंतराए उवभोगंतराए विरियंतराए,
Jain Education International
For Private & Personal Use Only
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |