Page Text
________________
१०३
पदं-२, उद्देशकः-, द्वारनीत्यर्थः, सुवर्णकुमारा दिक्कुमाराः स्तनितकुमाराश्चाश्वास्यगवसनधराः अश्वस्यास्य-मुखं अश्वास्यं तत्रगतोयः फेनः सोऽश्वास्यगतःतद्वद्धवलं यद्वस्त्रंतद्धरन्तीत्यश्वास्यगवसनधराः, बाहुल्येन श्वेतवस्त्रपरिधानशीला इत्यर्थः, विद्युत्कुमारा द्वीपकुमारा अग्निकुमाराश्च नीलानुरागवसनाः, वायुकुमाराः सन्ध्यानुरागवसनाः॥
म.(२१७) कहिणं भंते! वाणमंतराणं देवाणं पजत्तापजत्ताणं ठाणा पन्नत्ता?, कहिणं भंते ! वाणमंतरा देवा परिवसंति?, गोयमा! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिएगंजोयणसयं ओगाहित्ता हिडावि एगंजोयणसयं वजित्ता मज्झे अट्ठसु जोयणसएसु एत्थ णं वाणमंतराणं देवाणं तिरियमसंखेजा भोमेजनगरावाससयसहस्सा भवंतीतिमक्खायं, तेणं भोमेजा नगरा बाहिं वट्टाअंतो चउरंसाअहे पुस्खरकन्नियासंठाणसंठिया उक्किन्नंतरविउलगंभीरखायफलिहा पागारट्टालयकवाडतोरणपडिदुवारदेसभागा जंतसयग्धिमुसनमुसंदिपरिवारिया अउज्झासदाजया सदागुत्ता अडयालकोट्टगरइया अडयालकयवणमाला खेमा सिवा किंकरामरदंडोवरक्खिया लाउल्लोइयमहिया गोसीससरसरत्तचंदनदहरदिनपंचंगुलितला उपविधवंदनकलससा चंदनघडसुकयतोरणपडिदुवारदेसभागा आसत्तोसत्तविउलवट्टवग्धारियमल्लयामकलावा पंचवण्णसरससुरहिमुक्कपुप्फपुंजोवयारकलिया
-कालागुरुपवरकुंदुरुक्कतुरुक्कधूवमघमघंतगंधुभ्याभिरामा सुगंधवरगंधिया गंधवट्टिभूया अच्छरगणसंघसंविकिना दिब्वतुडियसद्दसंपणाइया पडागमालाउलाभिरामासब्बरयणामयाअच्छा सण्हा लण्हा घट्ठा मट्ठा नीरया निम्मला निष्पंफा निकंकडच्छाया सप्पहा सस्सिरिया समिरीया सउज्जोया पासाइया दरिसणिजा अभिरूवा पडिरूवा एत्थणं वाणमंतराणं देवाणं पञ्जत्तापजत्ताणं ठाणा पन्नत्ता, तिसुवि लोयस्सअसंखेजइभागे, तत्यणंबहवे वाणमंतरा देवा परिवसंति, तंजहा
पिसाया भूया जक्खा रक्खसा किंनरा किंपुरिसा भुयगवइणो महाकाया गंधव्वगणा य निउणगंधवग्वगीयइणो अणवन्नियपणवन्नियइसिवाइयभूयवाइयकंदियमहाकंदिया य कुहंडपयंगदेवा चंचलचलचवलचित्तकीलणदवप्पिया गहिरहसियगीयणचणरइ वणमालामेलमउडकुंडलसच्छंदविउब्वियाभरणचारुभूसणधरा सव्वोउयसुरभिकुसुमसुरइयपलंबसोहंतकंतविहसंतचित्तवणमालाइयवच्छा कामकामाकामरूवदेहधारी नानाविहवण्णरागवरवत्थललंतचित्तचिल्लगनियंसणा विविहदेसिनेवस्थगहियवेसा पमुइयकंदप्पकलहकलिकोलाहलप्पिया हासबोलबहुला असिमुग्गरसत्तिकुंतहत्था अनेगमणिरयणविविहविचित्तचिंधगया
महिड्डिया महजुइया महायसा महाबला महानुभागा महासुक्खा हारविराइयवच्छा कडयतुडियथंभियभुया संगयकुंडलमट्ठांडयलकनपीढधारी विचित्तहत्याभरणा विचित्तमालामउली कल्लाणगपवरवतअथपरिहिया कल्लाणगपवरमल्लाणुलेवणधरा भासुरबोंदी पलंबवणमालधरा दिव्येणं वनेणं दिव्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इट्टीए दिव्वाए जुईए दिव्वाए पभाए दिव्वाए छायाए दिव्याए अच्चीए दिव्वेणं तेएणं दिव्वाए लेस्साए दस दिसाओ उज्जोवेमामा पभासेमाणा--
-ते णं तत्थ साणं साणं असंखेजभोमेजनगरावाससयसहस्साणं साणं साणं सामानियसाहस्सीणं साणं साणं अग्गमहिसीणं साणं साणं परिसाणं साणं साणं अनीयाणं साणं साणं
Jain Education International
For Private & Personal Use Only
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |