Page Text
________________
९७
पदं-२, उद्देशकः-, द्वार
मू. (२०५ वर्तते)) कहिणंभंते ! असुरकुमाराणं देवाणं पजत्तापञ्जत्ताणं ठाणा प०?, कहि णं भंते ! असुरकुमारा देवा परिवसंति ?, गोयमा ! इमीसे रयणप्पभाए पुढवीए असीउत्तरजोयणसयसहस्सबाहल्लाए उवरिएगंजोयणसहस्सं ओगाहित्ता हेट्टाचेगंजोयणसहस्सं वजित्ता मज्झे अट्टहुत्तरे जोयणसयसहस्से एत्थ णं असुरकुमाराणं देवाणं चउसहि भवणावाससयसहस्सा भवंतीति मखायं । ते णं भवणा बाहिं वट्टा अंतो चउरंसा अहे पुक्खरकनियासंठाणसंठिया उक्किन्नंतरविउलगंभीरखायफलिहा पागारद्यालयकवाडतोरणपडिदुवारदेसभागा जंतयसयग्धिमुसलमुसंढिपरियारिया अउज्झा सदाजया सदागुत्ता अडयालकोटगरइया अडयालकयवणमाला खेमा सिवा किंकरामरदंडोवरखिया लाउल्लोइयमहिया गोसीससरसरतचंदणददरदिनपंचंगुलितला उवचितचंदनकलसा चंदनघडसुकयतोरणपडिदुवारदेसभागा आसत्तोसत्तविउलवझवग्धारिय-मल्लदामकलावा पंचवानसरसुरभिमुक्कपुप्फपुंजोवयारकलिया___कालागुरुपवरकुंदुरुक्कतुरुक्कडझंतधूवमधमधंतगंधुद्धयाभिरामा सुगंधवरगंधिया गंधवट्टिभूया अच्छरगणसंघसंविगिना दिव्वतुडियसहसंपणादिया सव्वरयणामया अच्छा साहा लण्हा घट्ठा मट्ठा नीरया निम्मला निप्पंका निकंकडच्छाया सप्पभा सस्सिरीया समिरीया सउजोया पासादीया दरिसणिजा अभिरुवा पडिलवा एत्य णंअसुरकुमाराणंदेवाणं पजत्तापजताणंठाणा पन्नत्ता,
उववाएणं लोयस्सअसंखेजइभागे, समुग्धायेणंलोयस्स असंखेजइभागे, सट्टाणेणं लोयस्स असंखेजइभागे, तत्थणबहवेअसुरकुमारा देवा परिवसंति, काला लोहियक्खबिंबोट्ठा धवलपुष्पदंता असियकेसा वामे एगकुंडलधरा अद्दचंदनानुलितगत्ताईसीसिलिंधपुप्फपगासाइं असंकिलिट्ठाई सुहुमाइंवत्थाइंपवरपरिहिया वयं च पढमंसमकता बिइयं च वयं असंपत्ता भद्दे जोवणे वट्टमाणा तलभंगयतुडियपवरभूसणनिम्मलमणिरयणमंडितभुयादसमुद्दामंडियग्गहतअथा चूडामणिविचित्तचिंधगया सुरुवा महिटियामहजुइया जाव महासोक्खा हारविराइयवच्छा कडयतुड़ियथंभियभुया अंगयकुंडलमट्टगंडयलकनपीढधारी विचित्तहत्याभरणाविचित्तमालामउली कल्लाणगपबरवतअथपरिहिया कल्लाणगमल्लाणुलेवणधरा भासुरबोंदी पलंबवणमालधरा ।--
-दिव्वेणं वनेणं दिव्वेणं गंधेणंदिवेणं फासेणंदिवेणंसंघयणेणंदिवेणं संठाणेणं दिव्वाए इटीए दिव्वाए जुईए दिव्वाए पभाए दिव्वाए छायाए दिव्वाए अनीए दिवेणं तेएणं दिव्चाए लेसाए दस दिसाओ उजोवेमाणा पभासेमाणा ते णं तत्थ साणं साणं भवणावाससयसहस्साणं साणं साणं सामानियसाहस्सीणं साणं साणं तायत्तीसाणं साणं साणं लोगपालाणं साणं साणं अग्गमहिसीणं साणं साणं परिसाणं साणं साणं अनियाणं साणं साणं अनियाहिवईणं साणं साणं आयरकक्खदेवसाहस्सीणं अन्नेसिं च बहूणं भवणवासीणं देवाण य देवीण य आहेवचं पोरेवचं सामित्तं भट्टित्तं महत्तरगतंआणाईसरसैणावचंरकारेमाणा पालेमाणा महताहतनट्टगीतवाइयतंतीतलतालतुडियघणमुइंगपडुप्पवाइयरवेणं दिव्याई भोगभोगाइं भुंजमाणा विहरंति॥
चमरबलिणोइत्य दुवेअसुरकुमारिंदाअसुरकुमारारायणोपरिवसति, काला महानीलसरिसा णीलगुलिअगवलयअसिकुसुमप्पगासा वियसियसयवत्तणिम्मलईसिसितरत्ततंबणयणा गरुलाययउजुतुंगनासा उवचियसियप्पवालबिंबफलसंनिहाहरोहा पंडुरससिसगलविमलनिम्मल[10]7]
For Private & Personal Use Only
Jain Education International
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |