Agam Sutra Satik 14 Jivajivabhigam UpangSutra 03

SR No.: 003348
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 532
Language: Prakrit, Sanskrit
Classification: Book_Devnagari, Agam, Canon, Agam 14, & agam_jivajivabhigam
File Size: 12 MB

Page 263

२६०
जीवाजीवाभिगमउपाङ्गसूत्रम् ३ / दीव० / १७९
-: "विजयदेवः " अधिकार :
मू. (१७९) तेणं कालेणंतेणं समएणं विजए देवेविजयाए रायहाणीए उववातसभाए देवसयणिज्जंसि देवदूतरित अंगुलस्स असखेज्जतिभागमेत्तीए बोंदीए विजयदेवत्ताए उववण्णे तणं से विजये देवे अहुणोववण्णमेत्तए चेव समाणे पंचविहाए पज्जत्तीए पत्तीभावं गच्छति, तंजहा- आहारपज्जत्तीए सरीरपज्ज० इंदियप० आणापाणुप० भासामण- पचत्तीए ।
तए णं तस्स विजयस्स देवस्स पंचविहाए पत्तीए पत्तीभावं गयस्स इसे एयारूवे अज्झत्थिए चिंतिए पत्थिते मनोगए संकप्पे समुप्पज्जित्था - किं मे पुव्वंसेयं किं मे पच्छा सेयं किं मे पुव्विं करणिज्जं किं मे पच्छा करणिज्जं किं मे पुव्विं वा पच्छा वा हिताए सुहाए खेमाए नीस्सेसयाते अनुगामियत्तए भविस्सतीतिकट्टु एवं संपेहेति ।
तते णं तस्स विजयस्स देवरस्स सामानियपरिसोववण्णगा देवा विजयस्स देवस्स इमं एतारूवं अज्झत्थितं चिंतियं पत्थियं मनोगयं संकप्पं समुप्पण्णं जाणित्ता जेणामेव से विजए देवे तेणामेव उवागच्छंति तेणामेव उवाग्छित्ता विजयं देवं करतलपरिग्गहियं सिरसावत्तं मत्थए अंजलिं कट्टु जएणं विजएणं वद्धावेति जएणं विजएणं वद्धावेत्ता एवं वयासी
एवं खलु देवाणुप्पियाणं विजयाए रायहाणीए सिद्धायतणंसि असतं जिनपडिमाणं जिनुस्सेहपममाणमेत्ताणं संनिक्खित्तं चिट्ठति सभाए य सुधम्माए माणवए चेतियखंभे वइरामएसु गोलवट्टसमुग्गतेसु बहूओ जिणसकहाओ सन्निक्खित्ताओ चिट्ठति जाओ णं देवाणुप्पियाणं अत्रेसिं च बहूणं विजयरायहाणिवत्थव्वाणं देवाणं देवीण य अच्चणिज्जाओ वंदणिज्जाओ पूयणिज्जाओ सक्करणिज्जाओ सम्माणणिज्जाओ कल्लाणं मंगलं देवयं चेतियं पज्जुवासणिज्जाओ एतण्णं देवाणुप्पियाणं पुव्विपि सेयं एतण्णं देवाणुप्पियाणं पच्छावि सेयं एतण्णं देवा० पुव्विं करणिज्जं पच्छा करणिजं एतण्णं देवा० पुव्विं वा पच्छा वा जाव आणुगामियत्ताते भविस्सतीतिकट्टु महता महता जय (जय)सद्दं परंजंति । तए णं से विजए देवे तेसिं सामानियपरिसोववण्णगाणं देवाणं अंतिए एयमट्ठ सोचा निसम्म हट्ट तुट्ट जाव हियते देवसयणिज्जाओ अब्भुट्टेइ २ त्ता दिव्वं देवदूसजुयलं परिहेइ २ त्ता देवसयणिज्जाओ पत्रोरुहइ २ हित्ता उपपातसभाओ पुरत्थिमेणं बारेण निग्गच्छइ २ ता जेणेव हरते तेणेव उवागच्छति उवागच्छित्ता हरयं अणुपदाहिणं करेमाणे करेमाणे पुरत्थिमेणं तोरणं अणुष्पविसति २ ता पुरत्थिमिल्लेणं तिसोवाणपडिरूवएणं पचोरुहति २ हरयं ओगाहति २त्ता जलावगाहणं करेति २ त्ता जलमन्त्रणं करेति २ त्ता जलकिहुं करेति २ त्ता आयंते चोक्खे परमसूतिभूते हरतातो पछुत्तरति २ त्ता जेणामेव अभिसेयसभा तेणामेव उवागच्छति २ ता अभिसेयसभं पदाहिणं करेमाणे पुरत्थिमिल्लेणं बारेणं अणुपविसति २ त्ता जेणेव सए सीहासणे तेणेव उवागच्छति २ त्ता सीहासणवरगते पुरच्छाभिमुहे सन्निसन्ने ।
तते णं तस्स विजयस्स देवस्स सामानियपरिसोववण्णगा देवा अभिओगिते देवे सद्दायेति २ त्ता एवं वयासी - खिप्पामेव भो देवाणुप्पिया ! विजयस्स देसस् महत्थं महग्घं महरिहं विपुलं इंदाभिसेयं उवट्टवेह । तते णं ते अभिओगिता देवा सामानियपरिसोववण्णेहिं एव वृत्ता समाणा हट्टतुट्ठ जाव हितया करतलपरिग्गहियं सिरसावत्तं मत्थए अंजलिं कट्टु एवं देवा तहत्ति आणाए विनएणं वयणं पडिसुति २ त्ता उत्तरपुरत्थिमं दिसीभागं अवक्कमति २ त्ता वेउव्वियसमुग्धाएणं