Page Text
________________
प्रतिपत्तिः-३, दीव०
२४३ माणियव्या, तेसिणंपासायव.सगाणंबहुमज्झदेसभाए पत्तेयंपत्तेयंसीहासणा पन्नत्ता वण्णावासो सपरिवारा, तेसि णं पासायवडिंसगाणं उप्पिं बहवे अट्ठट्ठ मंगलगा झया छत्तातिछत्ता।
तत्यणंचत्तारिदेवा महिहीयाजावपलिओवमट्टितीया परिवसंति, तंजहा-असोए सत्तवन्ने चंपए चूते। तत्थ णं तेणं साणं वनसंडाणं साणं साणं पासायवडेंसयाणं साणं साणं सामानियाणं साणं साणं अग्गमहिसीणं साणं साणं परिसाणं साणं साणं आयरक्खदेवाणं आहेवचं जाव विहरति।
विजयाए णंरायहाणीए अंतो बहुसमरमणिजे भूमिभागे पन्नत्तेजाव पंचवण्णेहि मणीहिं उवसोभिए तणसदविहूणे जाब देवा य देवीओ य आसयंति जाव विहरति ।
तस्सणं बहुसमरमणिजस्स भूमिभागस्स बहुमज्झदेसभाए एत्थणंएगे महं ओवरियालेणे पन्नत्ते बारस जोयणसयाइं आयामविखंभेणंतिनिजोयणसहस्साइंसत्तय पंचानउते जोयणसते किंचिविसेसाहिए परिक्खेवेणं अद्धकोसं बाहल्लेणं सब्वजंबूणतामतेणं अच्छे जाव पडिलवे।
सेणंएगाएपउमवरवेइयाएएगेणंवनसंडेणंसव्वतो समंता संपरिक्खित्तेपउमवरवेतियाए वण्णओ वनसंडवण्णओ जाव विहरंति, सेणं वनसंडे देसूणाइंदो जोयणाइंचकवालविक्खंभेणंओवारियालयणसमपरिक्खेवेणं।
तस्स णं ओवारियालयणस्स चउदिसिं चत्तारितिसोवाणपडिरूवगा पन्नता, वण्णओ, तेसिणं तिसोवाणपडिलवगाणं पुरतो पत्तेयं पत्तेयं तोरणा पन्नत्ता छत्तातिछत्ता।।
तस्सणंउवारियालयणस्स उप्पिं बहुसमरमणि भूमिभागेपनते जावमणीहि उक्सोभिते मणिवण्णओ, गंधरसफासो, तस्सणं बहुसमरमणिजस्स भूमिभागस्स बहुमज्झदेसभाए एत्यणं एगे महं मूलपासायवडिंसए पन्नत्ते, से णं पासायवडिंसए बावदि जोयणाईअद्धजोयणंच उडं उच्चत्तेणं एकतीसंजोयणाई कोसंच आयामविक्खंभेणं अब्मुग्णयमूसियप्पहसिते तहेव तस्स गं पासायवडिसगस्स अंतो बहुसमरमणिजे भूमिभागे पन्नते जाव मणिफासे उल्लोए।
तस्सणं बहुसमरमणिज्जस्स भूमिभागस्स बहुमज्झदेसभागे एत्य गंएगा महं मणिपेढिया पन्नत्ता,साच एगं जोयमायामविखंभेणं अद्धजोयणं बाहल्लेणं सव्वमणिमई अच्छा सण्हा।
तीसे गं मणिपेढियाए उवरिंएगे महंसीहासणे पन्नत्ते, एवंसीहासणवण्णओसपरिवारो, तस्स णं पासायवडिंसगस्स उप्पिं बहवे अद्वंद्वमंगलगा झया छत्तातिछत्ता।
से णं पासायवडिंसए अन्नेहिं चाहिं तदद्धच्चत्तप्पमाणमेत्तेहिं पासायडिंसएहिं सव्वतो समंता संपरिस्खित्ते, ते णं पासायवडिंसगा एकतीसंजोयणाइंकोसंच उदउच्चत्तेणं अद्धसोलसजोयणाईअद्धकोसंच आयामविक्खंभेणं अब्भुग्गत० तहेव, तेसिणं पासायवडिंसयाणं अंतो बहुसमरमणिज्जा भूमिभागा उल्लोया।
तेसिणं बहुसमरमणिजाणं भूमिभागाणंबहुमज्झदेसभाए पत्तेयं पत्तेयं सीहासणं पन्नत्तं, वण्णओ, तेसिं परिवारभूता भद्दासणा पन्नत्ता, तेसिणं अट्ठमंगलगा झया छत्तातिछत्ता।
तेणं पासायवडिंसका अन्नेहिं चउहिं चउहिं तदछुच्चत्तप्पमाणमेत्तेहिं पासायवडेंसएहिं सब्बतो समंता संपरिक्खित्ता । ते णं पासायवडेंसका अद्धसोलासजोयणाई अद्धकोसं च उई
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |