Page Text
________________
जीवाजीवाभिगमउपाङ्गसूत्रम् १/-/१४
अट्ठफासाई आ० ?, गोयमा ! ठाणमग्गणं पडुच नो एगफासाई आ० नो दुफासाई आ० नो तिफासाइं आ० चउफासाई आ० पंचफासाईपि जाव अट्ठफासाइंपि आ०, विहाणमग्गणं पडुच्च कक्खडाइंपि आ० जाव लुक्खाइंपि आ०, जाई फासतो कक्खडाई आ० ताइं किं एगगुणकक्खडाई आ० जाव अनंतगुणकक्खडाई आ० ?, गोयमा ! एगगुणकक्खडाइंपि आ० जाव अनंतगुणकक्खडाइंपि आ० एवं जाव लुक्खा नेयव्वा ।
ताइं भंते! किं पुट्ठाई आ० अपुट्ठाई आ० ?, गोयमा ! पुट्ठाई आ० नो अपुट्ठाई आ०, ताई भंते! ओगाढाई आ० अनोगाढाई आ० ?, गोयमा ! ओगाढाई आ० नो अणोगाढाई आ०, ताई भंते! किमंतरोगाढाई आ० परंपरोगाढाई आ० ?, गोयमा ! अणंतरोगाढाई आ० नो परंपरोगाढाइ आ०, ताइं भंते! किं अणूइं आ० बायराई आ० ?, गोयमा ! अणूइंपि आ०बायराइंपि आहारेति ताइं भंते! उड्डुं आ० अहे आ० तिरियं आहारेति ?, गोयमा ! उडुपि आ० अहवि आ० तिरियंपि आ०, ताइं भंते! किं आई आ० मज्झे आ० पजवसाणे आहारेति ?, गोयमा ! आदिपि आ० मज्झेवि आ० पजवसाणेवि आ०, ताइं भंते! किं सविसए आ० अविसए आ० ?, गोयमा ! सविसए आ० नो अविसए आ०, ताई भंते! किं आणुपुव्वि आ० अनानुपुर्व्वि आहारेति ?, गोयमा ! आनुपुव्विं आहारेति नो अनानुपुव्विं आहारेति ।
ताई भंते ! किं तिदिसिं आहारेति चउदिसिं आहारेति पंचदिसिं आहारेति छदिसिं आहारेति ?, गोयमा ! निव्वाघाएणं छदिसिं, वाघातं पडुच्च सिय तिदिसिं सिय चउदिसिं सिय पंचदिसिं, उत्सन्नकारणं पडुच्च वण्णतो काला नीला जाव सुक्किलाई, गंधतो सुब्भिगंधाई दुब्भिगंधाई, रसतो जाव तित्तमहुराई, फासतोकक्खडमउयजाव निद्धलुक्खाई, तेसिं पोराणे वण्णगुणेविप्परिणामइत्ता परिपालइत्ता परिसाडइत्ता परिविद्धंसइत्ता अन्ने अपुव्वे वण्णगुणे गंधगुणे जाव फासगुणे उप्पाइत्ता आतसरीर ओगाढा पोग्गले सव्वप्पणयाए आहारमाहारेति ।
१८
ते भंते! जीवा कतीहिंतो उववज्रंति ? किं नेरइएहिंतो उववज्रंति तिरिक्खमणुस्सदेवेहिंतो उववज्जंति ?, गोयमा ! नो नेरइएहिंतो उबवज्रंति, तिरिक्खजोणिएहिंतो उववज्रंति मणुस्सेहिंतो उववज्रंति, नो देवेहिंतो उव्वज्रंति, तिरिक्खजोणियपज्जत्तापज्जत्तेहिंतो असंखेजवासाउयवज्जेहिंतो उववज्रंति, मणुस्सेहिंतो अकम्मभूमिगअसंखेज्जवासाउयवज्जेहिंतो उववज्रंति, वक्कंतीउववाओ भाणियव्वो ।तेसि णं भंते! जीवाणं केवतियं कालं ठिती पन्नत्ता ?, गोयमा ! जहनेणं अंतोमुहुत्तं उक्कोसेणवि अंतोमुहुत्तं ॥ ते णं भंते ! जीवा मारणंतियसमुग्धातेणं किं समोहया मरति असमोहया मरंति ? गोयमा ! समोहयावि मरांति असमोहयावि मरंति ।
ते णं भंते! जीवा अनंतरं उब्वट्टित्ता कहिं गच्छंति ? कहिं उववज्रंति ? - किं नेरइएसु उबवज्जंति तिरिक्खजोणिएसुउ० मणुस्सेसु उ० देवेसु उवव० ?, गोयमा ! नो नेरइएसु उववञ्जंति तिरिक्खजोणिएसु उ० मणुस्सेसु उ० नो देवेसु उवव० । किं एगिदिएसु उववज्रंति जाव पंचिंदिएसु उ० ?, गोयमा ! एगिंदिएसु उववज्रंति जाव पंचेदियतिरिक्खजोणिएस उववज्रंति, असंखेज्रवासाउयवजेसु पञ्जत्तापजत्तरसु उव०, मणुस्सेसु अकम्मभूमग अंतरदीवग असंखेज्जवासाज्यवज्जेसु पत्तापजत्तएसु उव० ते णं भंते ! जीव कतिगतिका कतिआगतिका पन्नत्ता ?, गोयमा ! दुगतिया दुआगतिया, परित्ता असंखेज्जा पन्नत्ता समणाउसो !, से त्तं सुहुमपुढविक्काइया ।
For Private & Personal Use Only
www.jainelibrary.org
Jain Education International
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |