Page Text
________________
प्रतिपत्तिः
- १,
तेसि णं भंते! सीरा किंसंठिया पं० ?, गोयमा ! मसूरचंदसंठिता पन्नत्ता ।
तेसि णं भंते! जीवाणं कति कसाया पन्नत्ता ?, गोयमा ! चत्तारि कसाया पन्नत्ता, तंजा - कोहकसाए मानकसाए मायाकसाए लोहकसाए। तेसि णं भंते! जीवाणं कति सण्णा प० ?, गोयमा ! चत्तारि पण्० तंजहा- आहारसण्णा जाव परिग्गहसन्ना ।
तेसिणं भंते! जीवाणं कति लेसाओ पन्नत्ताओ ?, गोयमा ! तिन्नि लेस्सा प०तं० किण्हलेस्सा नीललेसा काउलेसा । तेसि णं भंते! जीवाणं कति इंदियाइं पन्नत्ताइं ?, गोयमा ! एगे फासिंदिए पन्नत्ते । तेसि णं भंते ! जीवाणं कति समुग्धाया पन्नाा ?, गोयमा ! तओ समुग्धाया प० तं० वेणासमुग्धाए कसायसमुग्धाए मारणंतियसमुग्धाए ।
ते णं भंते! जीवा किं सन्नी असन्नी ?, गोयमा ! नो सन्नी असन्नी । ते णं भंते! जीवा किं इत्यिवेया पुरिसवेया नपुंसगवेया ?, गोयमा ! नो इत्थिवेया नो पुरिसवेया नपुंसगवेया ।
तेसि णं भंते! जीवाणं कति पजत्तीओ पन्नत्ताओ ?, गोयमा ! चत्तारि पञ्जत्तीओ पन्न त्ताओ, तंजहा- आहारपजत्ती सरीरपज्जत्ती इंदियपजत्ती आणपाणुपजत्ती । तेसि णं भंते! जीवाणं कति अपत्तीओ पन्नत्ताओ ?, गोयमा ! चत्तारि अपजत्तीओ पन्नत्ताओ, तंजहा- आहारअपजत्ती जाव आणापाणुअपजत्ती ।
ते णं भंते! जीवा किं सम्मदिट्ठी मिच्छादिट्ठी सम्मामिच्छादिट्ठी ?, गोयमा ! नो सम्मदिट्ठी मिच्छादिट्ठी नो सम्ममिच्छादिट्ठी ।। ते णं भंते! जीवा किं चक्खुदंसणी अचक्खुदंसणी ओहिदंसणी केवलदंसणी ?, गोयमा ! नो चक्खुदंसणी अचक्खुदंसणी नो ओहिदंसणी नो केवलदंसणी ॥ ते णं भंते! जीवा किं नाणी अन्नाणी ?, गोयमा ! नो नाणी अन्नाणी, नियमा दुअन्नाणी, तंजा - मतिअन्नाणी सुयअन्नाणी य । ते णं भंते! जीवा किं मनजोगी वयजोगी कायजोगी ?, गो० ! नो मनजोगी नो वयजोगी कायजोगी । तेणंभंते! जीवा किं सागारोवउत्ता अनागारोवउत्ता ?, गोयमा ! सागारोवउत्तावि अनागारोवउत्तावि ।। ते गं भंते ! जीवा किमाहारमाहारेति ?, गोयमा ! दव्वतो अनंत पदेसियाइं खेत्तओ असंखेज्जपदेसोगाढाई कालओ अन्नयर समयद्वितीयाइं भावतो वण्ण (मं) ताइं गंध (मं) ताई रस (मं) ताई फासव नंताई ।
१७
जाई भावओ वण्णमंताई आ०, ताई किं एगवण्णाई आ० दुवण्णाई आ० तिवण्णाइं आ० चउवण्णाई आ० पंचवण्णाई आ० ?, गोयमा ! ठाणमग्गणं पडुच्च एगवण्णाइंपि दुवण्णाइंपि तिवण्णाइंपि चउवण्णाइंपि पंचवण्णाईपि आ०, विहाणमग्गणं पडुच कालाइंपि आ० जाव सुक्क्लाइंपि आ०, जाई वण्णओ कालाई आ० ताई किं एगगुणकालाई आ० जाव अनंतगुणकालाई आ० ?, गोयमा ! एगगुणकालाइंपि आ० जाव अनंतगुणकालाइंपि आ० एवं जाव सुक्कलाई । जाई भावतो गंधमंताई आ० ताईकिं एगगंधाई आ० दुगंधाई आ० ?, गोयमा! ठाणमग्गणं पडुच एगगंधाईपि आ० दुगंधाइंपि आ०, विहाममग्गणं पडुच्च सुब्भिगंधाइंपि आ० दुब्भिगंधाइंपि आ०, जाई गंधतो सुम्मिगंधाई आ० ताई किं एगगुणसुभिगंधाई आ० जाव अनंतगुणसुरभिगंधाई आ० ?, गोयमा ! एगगुणसुब्भिगंधाइंपि आ० जाव अनंतगुणसुब्भिगंधाइंपि, आ० एवं दुब्भिगंधाइंपि ॥ रसा जहा वण्णा । जाई भावतो फासमंताई आ० ताई किं एगफासाई आ० जाव
92
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |