Page Text
________________
औपपातिकउपाङ्गसूत्रम्-१९
से किं तं आवकहिए ?, २ दुविहे पन्नत्ते, तंजहा - पाओवगमणे अ भत्तपचक्खाणे अ । सेकिं तं पाओवगमणे ?, २ दुविहे पन्नत्ते, तंजहा- वाघाइमे अनिव्वाघाइमे अनियमा अप्पडिकम्मे, से तं पाओवगमणे ।
१०६
से किं तं भत्तपचक्खाणे ?, २ दुविहे पन्नत्ते, तंजहा - वाघाइमे अनिव्वाघाइमे अ नियमा सप्पडिकम्मे, से तं भत्तपञ्चक्खाणे, से तं अनसणे ।
वृ: 'अनसणे' त्ति भोजननिवृत्ति, तच्चेत्कर्तुं न शक्नोति तदा किं कार्यमित्याह'अवमोयरिअ'त्ति अवमोदरस्य करणमवमोदरिका - ऊनोदरतेत्यर्थः, उपलक्षणत्वाच्चास्य न्यूनोपधि- ताऽपीह दृश्येति, तत्राशक्तस्य यत्कार्यं तदाह- 'भिक्खायरिय'त्ति वृत्तिसंक्षेप इत्यर्थः, तत्राप्यशक्तस्य यत्कार्यं तदाह- 'रसपरिभ्राए' त्ति, तत्राप्यशक्तस्य यत्तदाह- 'कायकिलेसे' ।
तत्रापि यत्तदाह- 'पडिसंलीणय' त्ति, 'इत्तरिए' त्ति इत्वरम् - अल्पकालिकमेकोपवासादि षण्णमासान्तम् ' आवकहिए' त्ति यावती चासौ कथा च-- मनुष्योऽयमितिव्यपदेशरूपा यावत्कथा तस्यां भवं यावत्कथिकं यावज्जीविकमित्यर्थः, 'पाओवगमणे' त्ति पादपस्येवोपगमनम्अस्पन्दतयाऽवस्थानं पादपोपगमनं 'वाघाइमे अ'त्ति व्याघातवत्-सिंहदावानलाद्यभिभूतो यत् प्रतिपद्यते निव्वाघाइमे अ'त्ति व्याघातविरहितं ।
मू. (१९ - वर्तते) से किं तं ओमोअरिआओ ?, २ दुविहा पन्नत्ता, तंजहा- दव्वोमोअरिआ य भावोमोअरिआ य, से किं तं दव्वोमोअरिआ ?, २ दुविहा पन्नत्ता, तंजहा- उबगरणदव्वोमोअरिआ य भत्तपाण- दव्वोमोअरिआ य । से किं तं उवगरणदव्वोमोअरिआ ?, २ तिविहा पन्नत्ता, तंजहा- एगे वत्थे एगे पाए चियत्तोवणकरणसातिजणया, से तं उवगरणदव्वोमोअरिआ से किं तं भत्तपाणदव्वोमोअरिआ ?, २ अनेगविहा पन्नत्ता, तंजहा - अक्कुक्कडिअंडगप्पमाणमेत्ते कवले आहारमाणे अप्पाहारे, दुवालसकुक्कडिअंडगप्पमाणमेत्ते कवले आहारमाणे अवड्डोमोअरिआ, सोलसकुक्कडिअंडगप्पमाणमेत्ते कवले आहारमाणे दुभागपत्तोमोअरिआ, चउष्वीसकुक्कडि अंडगप्पमाणमेत्ते कवले आहारमाणे पत्तोमोअरिआ, एक्कतीस कुक्कडिअंडगष्यमाणमेत्ते कवले आहारमाणे किंचूणोमोअरिआ, बत्तीसकुक्कडिअंडगप्पमाणमेत्ते कवले आहारमाणे पमाणपत्ता, एत्तो एगेणवि घासेण ऊणयं आहारमाहारेमाणे समणे निग्गंथे नो पकामरसभोईत्ति वत्तव्वं सिआ, से तं भत्तपाणदव्योमोअरिआ, से तं सव्वोमोअरिआ ।
से किं तं भावोमोअरिआ ?, २ अनेगविहा पन्ता, तंजहा- अप्पकोहे अप्पमाणे अप्पभाअ अप्पलोहे अप्पसद्दे अप्पझंझे, से तं भावोमोअरिआ, से तं ओमोअरिआ ।
से किं तं भिक्खायरिया ?, २ अनेगविहा पन्नत्ता, तंजहा -- दव्वाभिग्गहचरए खेत्ताभिग्गहचरए कालाभिग्गहचरए भावाभिग्गहचरए उक्खित्तचरए निक्खत्तचरए उक्खित्तनिक्खित्तचरए निक्खितउक्खित्तचरए वट्टिजमाणचरए साहरिजमाणचरए ।
उवनी अचरए अवनी अचरए उवनीअअवनीअचरए अवनीअउवनी अचरए संसट्टचरए असंसठ्ठचरए तज्जातसंसठ्ठचरए अन्नायचरए मोनचरए दिठ्ठलाभिए अदिट्ठलाभिए पुट्ठलाभिए अपुठ्ठालाभिए भिक्खालाभिए अभिक्खलाभिए अन्नगिलायए ओवनिहिए परिमितपिंडवाइए सुद्धेसणिए संखायत्तिए, से तं भिक्खायारिया ।
Jain Education International
For Private & Personal Use Only
www.jainelibrary.org
| SR No. | 003346 |
| Book Title | Agam Sutra Satik 12 Auppatik UpangSutra 01 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 150 |
| Language | Prakrit, Sanskrit |
| Classification | Book_Devnagari, Agam, Canon, Agam 12, & agam_aupapatik |
| File Size | 4 MB |