Page Text
________________
३९८
उपासकदशाङ्गसूत्रम् ५/३५
वृ. पञ्चमं कण्ठय् ।
अध्ययनं-५ -- समाप्तम् मुनि दीपरत्नसागरेण संशोधिता सम्पादीता उपासकदशाङ्गसूत्रस्य पञ्चमअध्ययनस्य अभयदेवसूरि विरचिता टीका परिसमाप्ता
अध्ययन-६- कुण्डकोलिकः मू. (३७) । छट्ठस्स उक्खेवओ-एवं खलु जम्बू ! तेणं कालेणं तेणं समएणं कंपिल्लपुरे नयरे सहसंबवणे उजाणे जियसत्तू राया कुंडकोलिए गाहावई पूसा भारिया छ हिरण्णकोडीओ निहाणपउत्ताओछ बुड्डिपउत्ताओ छ पवित्यरपउत्ताओ छ क्या दसगोसाहस्सिएणं वएणं।
सामी समोसढे, जहा कामदेवो तहा सावयधम्म पडिवञ्जइ । सच्चेव वत्तव्वया जाव पडिलाभेमाणे विहरइ।
मू. (३८) तए णं से कुंडकोलिए समणोवासए अन्नया कयाइ पुव्यावरण्हकालसमयंसि जेणेव असोगवणियाजेणेव पुढविसिलापट्टए तेणेव उवागच्छइ २त्ता नाममुद्दगंच उत्तरिजगंच पुढविसिलापट्टए ठवेइ २ तासमणस्स भगवओमहावीरस्सअन्तियं धम्मपण्णत्तिं उवसम्पञ्जित्ता णं विहरइ, तएणं तस्स कुंडकोलियस समणोवासयस एगे देवे अंतियं पाउन्भवित्था तए णं से देवे नाममुदं च उत्तरिजं च पुढविसिलापट्टयाओ गेण्हइ २ ता सखिखिणि अंतलिखपडिबन्ने कुंडकोलियंसमणोवासयं एवं वयासी
हं भो कुंडकोलिया ! समणोवासया सुंदरी णं देवाणुप्पिया गोसालस्स मंखलिपुत्तस्स धम्मपन्नत्ती-नस्थि उहाणे इ वा कम्मे इ वा बले इवावीरिएइ वा पुरिसक्कारपरक्कमे इ वा नियया सव्वभावा, मंगुलीणंसमणस्स भगवओमहावीरस्सधम्मपन्नत्ती अस्थि उठाणे इवा जाव परक्कमे इवा अनियया सव्वभावा,
तए णं से कुंडकोलिए समणोवासएतं देवं एवं वयासी-जइणं देवा! सुंदरी गोसालस्स मंखलिपुत्तस्स धम्मपन्नत्ती नस्थि उहाणे इवाजाव निययासव्वभावा, मगुली णंसमणस्स भगवओ महावीरस्सधम्मपन्नत्ती अस्थि उट्ठाणे इ वाजावअनियया सव्वभावा, तुमेणं देवा! इमाइयारूवा दव्या देविड्डी दिव्वा देवजुई दिव्वे देवाणुभावे किणा लद्धे किणा पत्ते किणा अभिसमन्त्रागए किं उठाणेणं जाव पुरिसक्कारपरक्कमेणं उदाहु अणुड्डाणेणं अकम्मेणं जाव अपुरिसक्कारपरक्कमेणं ?,
तए णं से देवे कुंडकोलियं समणोवासयं एवं वयासी- एवं खलु, देवाणुप्पिया ! मए इमेयारूवा दिव्वा देविड्डी ३ अणुट्ठाणेणंजाव अपुरिसक्कारपरक्कमेणं लद्धा पत्ता अभिसमन्नागया तएणं से कुंडकोलिए समणोवासए तं देवं एवं वयासी
जइणं देवा! तुमेइमा एयारूवा दिव्या देविड्डी ३ अणुहाणेणंजाव अपुरिसक्कारपरक्कमेणं लद्धा पत्ता अभिसमन्त्रागया, जेसिणंजीवाणं नत्थि उहाणे इ वा पते किं न देवा?, अहणं देवा तुमे इमा एयारूवा दिव्वा देविड्डी ३ उठाणेणंजाव परकमेणं लद्धा पत्ता अभिसमन्नागया तो जं वदसि सुंदरीणंगोसालसमंखलिपुत्तस्स धम्मपन्नत्ती-नस्थि उटाणे इवाजावनियया सव्वभावा, मंगुलीणंसमणस्स भगवओमहावीरस्स धम्मपन्नत्ती-अस्थिउट्टाणेइ वा जावअनियया सवभावा,
Jain Education International
For Private & Personal Use Only
www.jainelibrary.org
| SR No. | 003341 |
| Book Title | Agam Sutra Satik 07 Upashakdasha AngSutra 07 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 80 |
| Language | Prakrit, Sanskrit |
| Classification | Book_Devnagari, Agam, Canon, Agam 07, & agam_upasakdasha |
| File Size | 2 MB |