Page Text
________________
ज्ञाताधर्मकथाङ्ग सूत्रम् - १/-/२/५१
सत्थवाहस्स उवणेहि, तते गं से पंथए भद्दाए सत्यवाहीए एवं वुत्ते समाणे हट्ठतुट्टे तं भोयणपिंडयं तं च सुरभिवरवारिपडिपुन्नं दगवारयं गेण्हति २ सयाओ गिहाओ पडिनिक्खमति २
-
- रायगिहे नगरे मज्झमज्झेणं जणेव चारगसाला जेणेव धन्ने सत्थवाहे तेणेव उवागच्छति २ भोयणपिडयं ठावोति र उल्लंछति २ ता भायणाई गेण्हति २ भायणाई धोवेति २ हत्थसोयं दलयति २ धन्नं सत्यवाहं तेणं विपुलेणं असण० ४ परिवेसति,
तणं से विजए तकरे धन्नं सत्यवाहं एवं वदासी-तुमण्णं देवाणुप्पिया ! मम एयाओ विपुलातो असण० ४ संविभागं करेहि, तते गं से धन्ने सत्थवाहे विजयं तक्करं एवं वदासीअवियाई अहं विजया ! एयं विपुलं असणं ४ कायाणं वा सुणगाणं वा दलएज्जा उक्छुरुडियाए वाणं छड्डेजा नो चेवणं तव पुत्तधायगस्स पुत्तमारगस्स अरिस्स वेरियस्स पडिणीयस्स पच्चामित्तस्स एतो विपुलाओ असण० ४ संविभागं करेज्जामि, तते गं से धण्णे सत्यवाहे तं विपुलं असणं ४ आहारेति २ तं पंथयं पडिविसजेति, तते गं से पंथए दासचेडे तं भोयणपडिगं गिण्हति २ जामेव दिसिं पाउब्भूते तामेव दिसिं पडिगए, तते णं तस्स धन्नस्स तं विपुलं असणं ४ आहारियस्स समाणस्स उच्चारपासवणे णं उच्चाहित्था, तते णं छन्ने विजयं तक्करं एवं वदासी
९६
एहि ताव विजया ! एगंतमवक्कमामो जेणं अहं उच्चारपासवणं परिट्ठवेमि, तते णं से विज्जए तकरे धन्नं सत्यवाहं एवं वयासी-तुब्भं देवाणुप्पिया ! विपुलं असणं ४ आहारियस्स अत्थि उच्चारे वा पासवणे वा ममन्नं देवाणुप्पिया ! इमेहिं बहूहिं कसप्पहारेहिय जाव लयापहारेहि य तहाए य छुहाए य परब्भवमाणस्स णत्थि केइ उच्चारे वा पासवणे वा तं छंदेणं तुमं देवाणुप्पिया एगते अवक्कमित्ता उच्चारपासवणं परिद्ववेति, तते णं से धण्णे सत्थवाहे विजएणं तक्करेणं एवं वुत्ते समाणे तुसिणीए संचिइति, तते गं से धन्ने सत्थवाहे मुहुत्तंतरस्स बलियतरागं उच्चारपासवणेणं उव्वाहिज्रमाणे विजयं तकरं एवं वदासी- एहि ताव विजया ! जाव अवक्कमो,
तते णं से विजए धन्नं सत्थवाहं एवं वदासी- जइ गं तुमं देवाणुप्पिया ! ततो विपुलाओ असंण० ४ संविभागं करेहि ततो ऽहं तुमेहिं सद्धिं एगंतं अवक्कमामि, तते गं से धन्ने सत्थवाहे विजयं एवं वदासी अहनं तुब्भं ततो विपुलाओ असण० ४ संविभागं करिस्सामि, तते णं से विजए धन्नस्स सत्यवाहसस एयमहं पडिसुपणेति, तते णं से विजए धन्नेणं सद्धिं एगते अवक्कमेति उच्चारपासवणं परिद्ववेति आयंते चोक्खे परमसुइभूए तमेव ठाणं उवसंकमित्ता णं विहरति ।
तणं सा भद्दा कल्लं जाव जलंते विपुलं असणं ४ जाव परिवेसेति, तते णं से धन्ने सत्यवाहे विजयस्स तक्करस्स ततो विपुलाओ असण० ४ संविभगं करेति, तते णं से धन्ने सत्थवाहे पंथयं दासचेडं विसज्जेति, तते णं से पंथए भोयणपिडयं गहाय चारगाओ पडिनिक्खमति २ रायगिहं नगरं मज्झमज्झेणं जेणेव सए गेहे जेणेव भद्दा भारिया तेणेव उवागच्छइ २ त्ता भद्दं सत्यवाहिणि एवं वायासी- एवं खलु देवाणुप्पिए! धन्ने सत्थवाहे तव पुत्तघायगस्स जाव पच्चामित्तस्स ताओ विपुलाओ असण० संविभागं करेति ।
वृ. 'लहुस्सगंसि' त्ति लघुः स्व- आत्मा स्वरूपं यस्य स लघुस्वकः - अल्पस्वरूपः राज्ञि विषये अपराधो राजापराधस्तत्र 'संप्रलप्तः' प्रतिपादितः पिशुनैरिति गम्यते । 'भोयणपडिय'त्ति भोजनस्थालाद्याधारभूतं वंशमयं भाजनं पिटकं तत् करोति, सज्जकरोतीत्यर्थः, पाठान्तरेण 'भरेइ'त्ति
For Private & Personal Use Only
www.jainelibrary.org
Jain Education International
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |