Page Text
________________
८४
ज्ञाताधर्मकथाङ्ग सूत्रम् - १/-/१/४०
संपलियंकनिसन्ने करयलपरिग्गहियं सिरसावत्तं मत्थए अंजलिं कट्टु एवं वदासी
नमोऽत्यु णं अरिहंताणं भगवंताणं जाव संपत्ताणं, नमोत्थु णं समणस्स भगवओ महावीरस्स जाव संपाविउकामस्स मम धम्मायरियस्स वंदामि णं भगवंतं तत्थगयं इहगए पासउ मे भगवं तत्थगते इहगतंति कट्टु वंदति नम॑सइ २ त्ता एवं वदासी
पुव्विंपिय णं मए समणस्स ३ अंतिए सव्वे पाणाइवाए पञ्चक्खाए मुसावाए अदिन्नादाणे मेहुणे परिग्गहे कोहे माणे माया लोभे पेजे दोसे कलहे अब्भक्खाणे पेसुन्ने परपरिवाए अरतिरति मायामोसे मिच्छादंसणसल्ले पञ्चक्खाते, इयाणिपि णं अहं तस्सेव अंतिए सव्वं पाणातिवायं पञ्चक्खामि जाव मिच्छादंसणसल्लं पञ्चक्खामि सव्वं असनपानखादिमसातिमं चउव्विहंपि आहारं पञ्चक्खामि जावज्जीवाए, जंपि य इमं सरीरं इट्टं कंतं पियं जाव विविहा रोगायंका परीसहोवसग्गा फुसंतीतिकड्ड एयंपिय णं चरमेहिं ऊसासनिस्सासेहिं वोसिरामित्तिकट्ट संलेहणाझूसणाझूसिए भत्तपाणपडिया- इक्खिए पाओवगए कालं अनवकंखमाणे विहरति, तते णं ते थेरा भगवंतो मेहस्स अनगाररस अगिलाए वेयावडियं करेति ।
ततेणं से मेहे अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाई एक्कारस अंगाई अहिजित्ता बहुपडिपुन्नाई दुवालस वरिसाई सामन्नपरियागं पाउणित्ता मासियाए संलेहणाए अप्पाणं झोसेत्ता सद्धिं भत्ताइं अणसणाए छेदेत्ता आलोतियपडिक्कते उद्धियसल्ले समाहिपत्ते आनुपुव्वेणं कालगए,
तते णं ते थेरा भगवंतो मेहं अनगारं आनुपुव्वेणं कालगयं पासेति २ परिनिव्वाणवत्तियं काउस्सगं करेति २ मेहस्स आयारभंडयं गेण्हंति २ विउलाओ पव्वयाओ सणियं २ पचोरुहंति २ जेणामेव गुणसिलए चेइए जेणामेव समणे भगवं महावीरे तेणनमेव उवागच्छंति २ ता समणं ३ वंदति नमति २ ता एवं व्यासी- एवं खलु देवाणुप्पियाणं अंतेवासी मेहे नामं अनगारे पगइभद्दए जाव विनीते से णं देवाणुप्पिएहिं अब्भणुन्नाए समाणे गोतमातिए समणे निग्गंथे निग्गंधीओ य खामेत्ता अम्हेहिं सद्धिं विउलं पव्वयं सणियं २ दुरूहति २ सयमेव मेघघणसन्निगासं पुढविसिल्लं पट्ट्यं पडिलेहेति २ भत्तपाणपडियाइक्खित्ते अनुपुव्वेणं कालगए, एस गं देवाणुप्पिया मेहस्स अनगारस्स आयारभंडए ।
वृ. 'उरालेण' मिव्र्यादि, उरालेन - प्रधानेन विपुलेन - बहुदिनत्वाद्विस्तीर्णेन सश्रीकेणसशोभेन 'पयत्तेणं' ति गुरुणा प्रदत्तेन प्रयत्नवता वा प्रमादरहितेनेत्यर्थः प्रगृहीतेन - बहुमानप्रकर्षाद्गृहीतेन कल्याणेन - नीरोगताकरणेन शिवेन शिवहेतुत्वात् धन्येन धनावहत्वात् मङ्गल्येन दुरितोपशमे साधुत्वात् उदग्रेण - तीव्रेण उदारेण - औदार्यवता निःस्पृहत्वातिरेकात् 'उत्तमेणं' ति ऊर्द्धं तमसः-अज्ञानद्यत्तत्तथा तेन अज्ञानरहितेनेत्यर्थः महानुभागेन अचिन्त्यसामर्थ्येन शुष्को नीरस शरीरत्वात, 'भुक्खे'त्ति बुभुक्षुवशेन रूक्षीभूतत्वात् किटिकिटिका -निर्मांसास्थिसम्बन्धी उपवेशनादिक्रियाभावी शब्दविशेषः तां भूतः - प्राप्तो यः स तथा, अस्थीनि चर्मणाऽवनद्धानि यस्य स तथा कृशो - दुर्बलो धमनीसन्ततः - नाडीव्याप्तो जातश्चाप्यभूत,
'जीवं जीवेणं गच्छति' जीवबलेन शरीरबलेनेत्यर्थः 'भासं भासित्ता' इत्यादी कालत्रयनिर्देशः 'गिलायति 'त्ति ग्लायति ग्लानो भवति 'से' इति अथार्थः अथशब्दश्च वाक्योपक्षेपार्थः यथा दृष्टान्तार्थः
For Private & Personal Use Only
www.jainelibrary.org
Jain Education International
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |