Page Text
________________
श्रुतस्कन्धः-१, वर्गः-, अध्ययनं-१ पाउससिरिं विउव्वेइ २ जेणेव अभए कुमारे तेणामेव उवागच्छइ २ अभयं कुमारं एवं वदासी
एवंखलु देवाणुप्पिया! मएतव पियट्टयाए सगजियासफुसिया सविजुयादिव्वा पाउससिरी विउब्बिया, तंविणेउणं देवाणुप्पिया! तव चुल्लमाउया धारिणीदेवी अयमेयारूवं अकालडोहलं, तते णं से अभयकुमारे तस्स पुव्वसंगतियस्स देवस्स सोहम्मकप्पवासिस्स अंतिए एयमढे सोचा निसम्म हट्टतुट्टे सयातो भवणाओ पडिनिक्खमति २ जेणामेव सैणिए राया तेणामेव उवागच्छति करयल० अंजलिं कटु एवं वदासी-एवं खलु ताओ ! मम पुव्वसंगतिएणं सोहम्मकप्पवासिणा देवेणं खिप्पामेव सगजिता सावित्रुतापंचवन्नमेहनिनाओवसोभिता दिव्वा पाउससिरी विउब्बिया, तं विणेउ णं मम चुल्लमाउया धारिणी देवी अकालदोहलं।
तते णं से सेणिए राया अभयस्स कुमारस्स अंतिए एतमढे सोचा निसम्म हट्टतुट्ट० कोडुंबियपुरिसे सद्दावेति २ सद्दावइत्ता एवं वदासी-खिप्पामेव भो देवाणुप्पिया! राहगिह नयरं सिंघाडगतियचउक्कचच्चर० आसित्तित्त जाव सुगंधवरगंधियं गंधवट्टिभूयं करेह य २ मम एतमाणत्तियं पञ्चप्पिणह, तते णं ते कोडुबियपुरिसा जाव पञ्चप्पिणंति, तते णं से सेणिए राया दोचंपि कोडुंबियपुरिसे २ वदासी-खिप्पामेव भो देवाणुप्पिया ! हयगयरहजोहपवरकलितं चाउरंगिणिं सेनं सन्नाहेह सेयणयंचगंधहत्थिंपरिकप्पेह, तेवि तहेव जाव पच्चप्पिणंति, ततेणं से सेणिए राया जेणेव धारिणीदेवी तेणामेव उवागच्छति र धारिणीं देवीं एवं वदासी
एवं खलु देवाणुप्पिए ! सगजिया जाव पाउससिरी पाउन्भूता तण्णं तुमं देवाणुप्पिए! एवं अकालदोहलं विनेहि । तते णं सा धारणीदेवी सेणिएणं रन्ना एवं वुत्ता समाणी हट्टतुट्ठा जेणामेव मञ्जणघरे तेणेव उवागच्छत्ति २ मजणघरं अनुपविसति २ अंतो अंतेउरंसि पहाता कयबलिकम्माकयकोउयमंगलपायतच्छित्ता किं तेवरपायपत्तणेउर जावआगासफालियसमपपभं अंसुयं नियत्था सेयणयं गंधहत्थिं दूरूढा समाणी अमयमहियफेणपुंजसण्णनिगासाहिं सेयचामरवालवीयणीहिं वीइजमाणी २ संपत्थिता,
___-तते णं से सेणिए राया पहाए कयबलिकम्मे जाव सस्सिरीए हत्थिखंधवरगए सकोरंटमल्लदामेणंछत्तेणंधरिजमाणेणंचउचामराहिं वीइजमाणेणंधारिणीदेवीं पिट्ठतोअनुगच्छति, तते णं सा धारिणीदेवी सेणिएणं रना हत्थिखंधवरगएणं पिट्टतो पिट्ठतो समणुगम्ममाणमग्गा हयगयरहजोहकलियाए चाउरंगिणीए सेनाए सद्धिं संपरिवुए महत्ता भडचडगरवंदपरिखित्ता सव्विदीए सव्वजुइए जाच दुंदुभिनिग्घोसनादितरवेणं
-रायगिहे नगरे सिंघाडगतिगचउकचर जाव महापहेसु नागरजणेणं अभिनंदिजमाणा २जेणामेव वेब्भारगिरिपब्बए तेणामेव उवागच्छति २ वेभारगिरिकडगतडपायमूले आरामेसु य उज्जानेसु य काननेसु य वनेसु वनसंडेसुय रुक्खेसु य गुच्छेसु य गुम्मेसु य लयासु य वल्लीसु य कंदरासु यदरीसुय चुण्ढीसुय दहेसुय कच्छेसु य नदीसुय संगमेसु यविवरतेसु य अच्छमाणीय पेच्छमाणी य मजमाणी य पत्ताणिय पुप्फाणियफलाणिय पल्लवाणिय गिण्हमाणी यमाणेमाणी यअग्घायमाणीय परिभुंजमाणीयपरिभाएमाणी यवेब्भारगिरिपायमूले दोहलं विनेमाणी सव्वतो समंता आहिंडति, तते णं धारिणी देवी विणीतदोहला संपुन्नदोहला संपन्नडोहला जाया यावि होत्या, ततेणंसे धारिणीदेवी सेयणयगंधहत्थिं दूरुढा समाणी सेणिएणं हत्थिखंधवरगएणं पिट्टओ
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |