Page Text
________________
२५२
ज्ञाताधर्मकथाङ्ग सूत्रम् - २/१/१/२२०
श्रुतस्कन्धः -२
वर्ग :- १ अध्ययनं - १ - काली
वृ. अथ द्वितीयो व्याख्याते, अस्य च पूर्वेण सहायमभिसम्बन्धः - पूर्वात्राप्तोपालम्भादिभिज्ञतैिर्धम्र्म्मार्थे उपनीयते, इह तु स एव साक्षात्कथाभिरभिधीयते इत्यवंसम्बन्धोऽयम्मू. (२२०) तेणं कालेणं २ रायगिहे नामं नयरे होत्या, वण्णओ, तस्स णं रायगिहस्स बहिया उत्तरपुरच्छिमे दिसिभाए तत्थ णं गुणसीलए णामं चेइए होत्था वण्णओ, तेणं कालेणं २ समणस्स भगवओ महावीरस्स अंतेवासी अजसुहम्मा नामं थेरा भगवंतो जातिसंपन्ना कुलसंपन्ना जाव चउद्दसपुच्ची चउनाणीवगया पंचहिं अनगारसएहिं सद्धिं संपरिवुडा पुव्वाणुपुव्विं चरमाणा गामाणुगामं दुइज्रमाणा सुहं सुहेणं विहरमाणा जेणेव रायगिहे नयरे जेणेव गुणसीलए चेइए जाव संजमेणं तवसा अप्पाणं भावेमाणा विहरंति, परिसा निग्गया, धम्मो - कहिओ, परिसा जामेव दिसं पाउन्भूया तामेव दिसिं पडिगया,
ते काणं २ अजसुम्मस्स अनगारस्स अंतेवासी अज्जजंबू नामं अनगारे जाव पज्जुवासमाणे एवंव० जति णं भंते! समणेणं जाव संपत्तेणं छडस्स अंगस्स पढमसुयक्खंधस्स गनयसुयाणं अयमट्टे पन्नत्ते दोच्चस्स णं भंते! सुयक्खंधस्स धम्मकहाणं समणेणं जाव संपत्तेणं के अड्डे प० ?, एवं खलु जंबू ! समणेणं जाव संपत्तेणं धम्मकहाणं दस वग्गा पं०, तं०
चमरस्त अग्गमहिसीणं पढमे वग्गे १ बलिस्स बइरोयणिंदस्स वइरोयणरन्नो अग्गमहिसीणं बीए वग्गे २ असुरिंदवत्राणं दाहिणिल्लाणं इंदाणं अग्गमहिसीणं तइए वग्गे ३ उत्तरिल्लाणं असुरिंदवज्जियाणं भवणवासिइंदाणं अग्गमहिसीणं चउत्थे वग्गे ४ दाहिणिल्लाणं वाणमंतराणं इंदाणं अग्गमहिसीणं पंचमे वग्गे ५ उत्तरिल्लाणं वाणमंतराणं इंदाणं अग्गमहिसीणं छट्टे वग्गे ६ चंदस्स अग्गमहिसीणं सत्तमे वग्गे ७ सूरस्स अग्गमहिसीणं अट्टमे वग्गे ८ सक्कस्स अग्गमहिसीणं नवमे वग्गे ९ ईसाणस्स अग्गमहिसीणं दसमे वग्गे १० /
जति णं भंते समणेणं जाव संपत्तेणं धम्मकहाणं दस वग्गा पं० पढमस्स गं भंते! वग्गस्स समणेणं जाव संपत्तेणं के अड्डे पन्नत्ते ?, एवं खलु जंबू ! समणेणं जाव संपत्तेणं पढमस्स वग्गस्स पंच अज्झयणा पं० तं०- काली राई रयणी विजू मेहा, जइ णं भंते! समणेणं जाव संपत्तेणं पढमस्स वग्गस्स पंच अज्झयणा पं० पढमस्स णं भंते! अज्झयणस्स समणेणं जाव संपत्तेणं के अट्ठे पं० ?, एवं खलु जंबू ! तेणं कालेणं २ रायगिहे णयरे गुणसीलए चेइए सेणिए राया चेलणा देवी सामी समोसरिए परिसा निग्गया जाव परिसा पज्जुवासति, तेणं कालेणं २ काली नामं देवी चमरचंचाए रायहाणीए कालवडिंसगभवणे कालंसि सीहासणंसि चउहिं सामाणियसाहस्सीहिं चउहिं मयहरियाहिं सपरि वाराहिं तिहिं पसिसाहिं सत्तहिं अणिएहं सत्तहिं अणियावहिवतीहिं सोलसहिं आयरक्ख- देवसाहस्सीहिं अन्नेहिं बहुएहि य कालवडिंसयभवणवासीहिं असुरकुमारेहिं देवीहिं देवेहि य सद्धिं संपरिवुडा महयाहय जाव विहरइ
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |