Page Text
________________
२१६
ज्ञाताधर्मकथाङ्ग सूत्रम् - १/-/१६/१६९
अनेगाई रायसहस्साइं जाव समोसरह,
तणं से दूए तहेव निगच्छइ जेणेव गामागर जाव समोसरह । तए णं ताइं अनेगाई रायसहस्साइं तस्स दूयस्स अंतिए एयमङ्कं सोचा निसम्म हव० तंय दूयं सक्कारेति २ सम्मार्णेति २ पडिविसजिंति, तए णं ते वासुदेवणमुक्खा बहवे रायसहस्सा पत्तेयं २ ण्हाया सन्नद्धहत्थिखधवरगया हयगयरह० महया भडचडगररहपहकर० सएहिं २ नगरेहिंतो अभिनिग्गच्छंति २ जेणेव पंचालेजनवए तेणेव पहारेत्थ गमणाए ।
मू. (१७०) तए णं से दुवए राया कोटुंबियपुरिसे सद्दावेइ २ एवं व०- गच्छहणं तुमं देवा ! कंपिल्लपुरे नयरे बहिया गंगाए महानदीए अदूरसामंते एवं महं सयंवरमंडवं करेह अनेगखंभसयसन्निविट्ठलीलट्ठियसालभंजिआगं जाव पञ्चष्पिणंति,
तएण से दुवए राया कोडुंबियपुरिसे सद्दावेइ २ एवं वयासी- खिप्पामेव भो देवाणुप्पिया वासुदेवपामुक्खाणं बहूणं रायसहस्साणं आवासे करेह तेवि करेत्ता पञ्चप्पिणंति, तए णंच पचंच गहाय सव्विड़िए कंपिल्लपुरा ओ निग्गच्छइ २ जेणेव ते वासुदेवपामुक्खा बहवे रायसहस्सा तेणेव उवागच्छइ २ ताइं वासुदेवपामुक्खाई अग्घेण य पज्रेण य सक्कारेति सम्माणेइ २ तेसिं वासुदेव पामुक्खाणं पत्तेयं २ आवासे वियरति,
तए णं ते वासुदेवपामोक्खा जेणेव सया २ आवासा तेणेव उवा० २ हत्थिखंधाहिंतो पञ्चोरुहंति २ पत्तेयं खंधावारनिवेसं करेति २ सएर आवासे अणुपविसंति २ सएसुर आवासेसु आसनेसु य सयनेसु य सन्निसन्ना य संतुयट्टा य बहूहिं गंधव्वेहि य नाडएहि य उवगिजमाणा य उवणचिमाणाय विहरंति, ते णं से दुवए राया कंपिल्लपुरं नगरं अणुपविसति२ विउलं असन ४ उवक्खडावेइ २ कोडुंबियपुरिसे सद्दावेइ २ एवं व०- गच्छहणं तुब्भे देवाणुप्पिया ! विउलं असनं ४ सुरं च मजं च मंसं च सीधुं पसन्नं च सुबहुपुप्फवत्थगंधमल्लालंकारं च वासुदेवपामोक्खाणं रायसहस्साणं आवासेसु साहरह, तेवि साहरंति, तते णं ते वासुदेवापामुक्खा तं विपुलं असनं ४ जाव पसन्नं च आसाएमाणा ४ विहरंति, जिमियभुत्तुत्तरगयाविय णं समाणा आयंता जाव सुहासणवरगया बहूहिं गंधव्वेहि जाव विहरंति,
तते से दुवए राया पुव्वावरण्हकालसयंसि कोडुबियपुरिसे सद्दावेइ २ ता एवं व०- गच्छह गं तुमेदेवाणुप्पिया! कंपिल्लपुरे संघाडग जाव पहे वासुदेवपामुक्खाण य रायसहस्साणं आवासेसु हत्थिखंधवरगया महया २ सद्देगं जाव उग्घोसेमाणा२ एवं वदह-एवं खलु देवाणु० कल्लं पाउ० दुवयरस रन्नो धूयाए चुलणीए देवीए अत्तयाए धट्टज्जुण्णस्स भगिणीए दोवईए रायवरकन्नाए सयंवरे भविस्सइ, तंतुभेणं देवा० ! दुवयं रायाणं अणुगिण्हेमाणा व्हाया जाव विभूसिया हत्थिखंधवरगया सकोरंट० सेयलरचामर० हयगयरह० महया भडचरगरेणं जाव परिक्खित्ता जेणेव सयंवरामंडवे तेणेव उवा० २ पत्तेयं नामंकेसु आसणेसु निसीयह २ दोबई रायकणन्नं पडिवालेमाणा २ चिट्ठह, घोसणं घोसेह २ मम एयमाणत्तियं पञ्चप्पिणह,
तणं ते कोडुंबिया तहेव जाव पञ्चप्पिणंति, तए णं से दुवए राया कोडुंबियपुरिसे सद्दा० २ एवं व०- गच्छहणं तुभे देवाणु० ! सयंवरपंडपं आसियसंमज्जि ओवलित्तं सुगंधवरगंधियं
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |