Page Text
________________
श्रुतस्कन्ध: -१, वर्ग:, अध्ययनं -१६
२१५
तए णं से दूर हाते जाव अलंकार० सरीरे चाउग्घंटं आसरहं दुरुहइ २ बहूहिं पुरिसेहिं सश्रद्ध जाव गहियाऽऽउहपहरणेहिं सद्धिं संपरिवुडे कंपिल्लपुरं नगरं मज्झमज्झेणं निग्गच्छति, पंचालजनवयस्स मज्झंमज्झेणं जेणेव देसप्पंते तेणेव उवागच्छइ, सुरट्ठाजणवयस्स मज्झंमज्झेणं जेणेव बारवती नगरी तेणेव उवागच्छइ २ बारवई नगरिं मज्झमज्झेणं अणुपविसइ २ जेणेव कण्हरस वासुदेवस्स बाहिरिया उवट्टाणसाला तेणेव उवागच्छइ २ त्ता चाउग्घंटं आसरहं ठवेइ २ रहाओ पच्चोरुहति २ मणुस्सवग्गुरापरिक्खित्ते पायचारविहारचारेणं जेणेव कण्हे वासुदेवे तेणेव उवा० २ खण्डं वासुदेवं समुद्दविजयपामुक्खे य दस दसारे जाव बलवगसाहस्सीओ करयल तं चैव जाव समोसरह । तते गं से कण्हे वासुदेवे तस्स दूयस्स अंतिए एयमट्टं सोचा निसम्म हट्ठ जाव हिपए तं दूयं सकारेइ सम्माणेइ २ पडिविसञ्जेइ । तए णं से कण्हे वासुदेवे कोडुंबियपुरिसं सद्दावेइ एवंव०- गच्छहणं तुमं देवाणुप्पिया ! सभाए सुहम्माए सामुदाइयं भेरिं तालेहि, तए णं से कोडुंबिय - पुरिसे करयल जाव कण्हरस वासुदेवस्स एयमद्वं पडिसुणेति २ जेणेव सभाएसुहम्माए सामुदाइया भेरी तेणेव उवागच्छइ २ सामुदाइयं भेरिं महया २ सद्देणं तालेइ, तए णं ताए सामुदाइयाए भेरीए तालियाए समाणीए समुद्दविजयपामोक्खा दस दसारा जाव महसेनपामुक्खाओ छप्पन्नं बलवसाहसीओ पहाया जाव विभूसिया जहा विभवइड्डिसकारसमुदएणं अप्पेगइया जाव पायविहारचारेणं जेणेव कण्हे वासुदेवे तेणेव उवागच्छंति २ करयल जाव कण्हं वासुदेवं जएणं विजएणं वद्धावेति,
तसे कहे वासुदेवे कोडुंबियपुरिसे सद्दावेति २ एवं व० - खिप्पामेव भो ! देवाणुप्पिया अभिसेक्कं हत्थिरयणं पडिकप्पेह हयगय जाव पञ्चप्पिणंति, तते णं से कण्हे वासुदेवे जेणेव मज्जणघरे तेणेव उवाग० २ समुत्तजालाकुलाभिरामे जाव अंजनगिरिकूडसन्निमं गयवई नरवई दुरूढे, तते गं से कहे वासुदेवे समुद्दविजयपामुक्खेहिं दसहिं दसारेहिं जाव अनंगसेणापामुक्खेहिं अणेगाहिं गणियासाहस्सीहिं सद्धिं संपरिवुडे सच्विड्डीए जाव रवेणं बारवइनयरिं मज्झंमज्झेणं निग्गच्छइ २ सुरट्ठाजणवयस्स मज्झंमज्झेणं जेनेव देसप्पंते तेणेव उवागच्छइ २ पंचालजनवयस्स मज्झमज्झेणं जेणेव कंपिल्लपुरे नयरे तेणेव पहारेत्थगमणाए ।
तणं से दुवए राया दोघं दूयं सद्दावेइ २ एवं व०- गच्छ णं तुं देवाणुप्पिया ! हत्थिणाउरं नगरं तत्थ णं तुमं पंडुरायं सपुत्तयं जुहिट्ठिल्लं भीमसेनं अज्जुणं नउलं सहदेवं दुज्जोहणं भाइसयसमग्गं गंगेयं विदुरं दोणं जयद्दहं सउणी कीवं आसत्थामं करयल जाव कट्टु तहेव समोसरह, तए णं से दूए एवं व० - जहा वासुदेवे नवरं भेरी नत्थि जाव जेणेव कंपिल्लपुरे नयरे तेणेव पहारेत्थ गमणाए एएणेव कमेणं तच्चं दूयं चंपानयरिं तत्थ गं तुमं कण्हं अंगरायं सेल्लं नदिंरायं करयल तहेव जाव समोसरह । चउत्थं दूयं सुत्तिमं नयरिं तत्थ णं तुमं सिसुपालं दमघोससुयं पंचभाइसयसंपरिवुडं करयल तहेव जाव समोसरह ! पंचमगं दूयं हत्थीसीसनयरं तत्थ णं तुमं दमदंतं रायं करयल तहेव जाव समोसरह । छटुं दूयं महुरं नयरिं तत्थ णं तुमं धरं रायं करयल जाव समोसरह । सत्तमं दूयं राहगिहं नगरं तत्थ णं तुमं सह देवं जरकासिंधुसुयं करयल जाव समोसरह । अडमं दूयं कोडिन्नं नयरं तत्थ णं तुमं रूप्पिं भेसगसुयं करयल तहेव जाव समोसरह । नवमं दूयं विराडनयरं तत्थ णं तुमं कियगं भाउससमग्गं करयल जाव समोसरह । दसमं दूयं अवसेससु य गामागरनगरेसु
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |