Page Text
________________
२०८
ज्ञाताधर्मकथाङ्ग सूत्रम्-१/-/१६/१६१ भवतीति ।
मू. (१६२) तत्वणं चंपाए नयरीए जिनदत्ते नाम सत्यवाहे अड्डे०, तस्स णं जिनदत्तस्स भद्दा भारियासूमाला इट्ठाजाव माणुस्सएकामभोए पञ्चणुब्भवमाणा विहरति, तस्सणंजिनदत्तस्स पुत्ते भद्दाए भारियाए अतए सागरए नामंदारए सुकुमाले जाव सुरूवे,
ततेणं से जिणदत्ते सत्यवाहे अन्नदा कदाईसातो गिहातो पडिनिक्खमति २ सागरदत्तस्स गिहस्स अदूरसामंतेणं वीतीवयइ इमं च णं सूमालिया दारिया बहाया चेडियासंघपरिचुडा उप्पि आगासतलगंसि कणगतेंदूसएणं कीलमाणी २ विहरति, तते णं से जिनदत्ते सत्यवाहे सूमालियं दारियं पासति २ सूमालियाए दारियाए रूवे य ३ जायविम्हए कोडंपबियपुरिसे सहावेति २ एवं व०-एस णं देवा० ! कस्स दारिया किंवा नामधेनं से?, तते णं ते कोडुंबियपुरिसा जिनदतेण सत्यवाहेणं एवं वुत्ता समाणा हट्ट करयल जाव एवं वयासी
एसणं देवाणु०! सागरदत्तस्स सत्यवाहस्स धूया भद्दाए अत्तया सूमालिया नाम दारिया सुकुमालपाणिपाया जाव उक्किट्ठा, ततेणं से जिनदत्ते सत्यवाहे तेसिंकोडुंबियाणं अंतिए एयमढें सोया जेणेव सए गिहे तेणेव उवा०२ ण्हाए जाव मित्तनाइपरिवुडे चंपाए० जेणेव सागरदत्तस्स गिहे तेणेव उवागच्छइ, तए णं सागरदत्ते सत्यवाहे जिनदत्तं सत्थवाहं एजमाणं पासइ एज्जमाणं पासइत्ता आसणाओअब्भुट्टेइ २ त्ता आसणेणं उवनिमंतेति र आसत्थं वीसत्थं सुहासणवरगयं एवं वयासी-भण देवाणुप्पिया! किमागमनपओयणं?, ..
ततेणं से जिनदत्ते सत्थवाहे सागरदत्तं सत्यवाहं एवं वयासी-एवं खलु अहं देवा०! तव धूयं भद्दाए अत्तियं सूमालियं सागरस्स भारियत्ताए वरेमि, जतिणंजाणाह देवा० जुत्तं वा पत्तं वा सलाहणिजं वा सरिसो वा संजोगो ता दिजउ णं सूमालिया सागरस्स,
तते णं देवा० ! किं दलयामो सुकं सूमालियाए ?, तएणं से सागरदत्ते तं जिनदत्तं एवं वयासी-एवंखलु देवा० सूमालिया दारियाममएगा एगजाया इहाजाल किमंगपुण पासणयाए तं नो खलु अहं इच्छामि सूमालियाए दारियाए खणमवि विप्पओगं, तं जति णं देवाणुप्पिया! सागरदारए मम घरजामाउए भवति तो णं अहं सागरस्स दारगस्स सूमालियं दलयामि,
तते णं से जिनदत्ते सत्थवाहे सागरदत्तेणं सत्थवाहेणं एवं वुत्ते समाणे जेणेव सए गिहे तेणेव उवागच्छइ २ सागरदारगं सद्दावेति २ एवं व०-एवं खलु पुत्ता ! सागरदत्ते स० मम एवं वयासी-एवं खलु देवा०! सूमालिया दारिया इवातंचैवतंजतिणं सागरदारएममधरजामाउए भवइ तादलयामि, ततेणंसे सागरएदारए जिनदत्तेणं एवं वुत्ते समाणे तुसिणीए, ततेणंजिनदत्ते स० अन्नदा कदाइ सोहणंसि तिहिकरणे विउलं असन ४ उवक्खडावेति २ मित्तनाई आमंतेइ जाव सम्माणिता सागरं दारगं व्हायं जाव सव्वालंकारविभूसियं करेइ २ पुरिससहस्सवाहिणि सीयं दुरूहावेति र मित्तनाइ जाव संपरिबुडे सविडीए सातो गिहाओ निग्गच्छति २ चंपानयरिं मझमज्झेणं जेणेव सागरदत्तस्स गिहे तेणेव उवागच्छति २ सीयाओ पचोरुहति २ सागरगं दारगं सागरदत्तस्स सत्थ० उवणेति,
तते णं सागरदत्ते सत्यवाहे विपुलं असन ४ उवक्खडावेइ २ जाव सम्माणेत्ता सागरगं दारगं सूमालियाए दारियाए सद्धिं पट्टयं दुरूहावेइ २ सेयापीतएहिं कलसेहिं मज्जावेति २ होम
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |