Page Text
________________
१७८
तत्तो चि नित्थारो सेलगजवक्खाओ नत्रत्तो ॥ तह धम्मकही भव्वाण साहए दिट्ठअविरइसहावो । सयलहहेउभूओ विसया विरयंति जीवाणं ।। सत्ताणं दुहत्ताणं सरणं चरणं जिणिंदपन्नत्तं । आनंदरूविनिव्वाणसाहणं तहय देसेइ ॥ जह तेसिं तरियव्वो रुद्दसमुद्दो तहेव संसारो । जह तेसि सगिहगमणं निव्वाणगमो तहा एत्वं ॥ जह सेलगपिट्टाओ भट्ठो देवीइ मोहियमईओ । सावयसहस्सपउरंमि सायरे पाविओ निहणं ।। तह अविरईइ नडिओ चरणचुओ दुक्खसावयाइण्णे । निवडइ उपारसंसारसायरे दारुणसरुवे ॥ जह देवी अक्खोहो पत्तो सट्ठाण जीवियसुहाई । तह चरणडिओ साहू अक्ख ओहो जाइ निव्वाणं ॥
मू. (१३८) तते सा रयणद्दीवदेवया जेणेव जिनपालिए तेणेव उवा० बहूहिं अनुलोमेहि य पडिलोमेहि य खरमहुरसिंगारेहिं कलुणेहि य उवसग्गेहि य जाहे नो संचाएइ चालित्तए वा खोभि० विप्प० ताहे संता तंता परितंता निव्विण्णा समाणा जामेव दिसिं पाउ० तामेव दिसं पडिगया, तते गं से सेलए जक्खे जिनपालिएण सद्धिं लवणसमुदं मज्झंमज्झेणं वीतियवति २ जेणेव चंपानयरी तेणेव उवागच्छति २ चंपाए नयरीए अग्गुज्जाणंसि जिनपालियं पट्ठातो ओयारेति २ एवं वं० - एस णं देवा० ! चंपानयरी दीसतित्तिकट्टु जिनपालियं आपुच्छति २ जामेव दिसिं पाउन्भूए तामेव दिसिं पडिगए ।
॥ ४ ॥
॥ ५ ॥
॥ ६ ॥
॥७॥
॥ ८ ॥
ज्ञाताधर्मकथाङ्ग सूत्रम् - १/-/९/१३७
॥९॥
मू. (१३९) तते गंजिनपालिए चंपं अनुपविसति २ जेणेव सए गिहे जेणेव अम्मापियरो तेणेव उवागच्छइ २ अम्मापिऊणं रोयमाणे जाव विलवमाणे जिनरक्खियवावत्तिं निवेदेति, तते णं जिन पालिए अम्मापियरी मित्तनाति जाव परियणेणं सद्धिं रोयमाणातिं बहूई लोइयाई मयकिच्चाई करेति २ कालेणं विगतसोया जाया, तते गंजिणपालियं अन्नया कयाइ सुहासणवरगतं अम्मापियरो एवं वंदासी - कहण्णं पुत्ता! जिनरक्खिए कालगए ?, तते गं से जिणपालिए अम्मापिऊणं लवणसमुद्दोत्तारं च कालिय- वायसमुत्थणं पोतवहणविवत्तिं च फलहखंड आसातणं च रयणदीवुत्तारं च रयणदीवदेवयागिनं च भोगविभूइं च रयणदीवदेवया अप्पाहणं च सूलाइयपुरिसदरिसणं च सेलगजक्ख आरुहणं च रयणदीवदेवयाउवसग्गं च जिनरक्खयविवत्तिं च लवणसमुद्दउत्तरणंच चंपागमणं च सेलगज- क्ख आपुच्छणं च जहाभूयमवितहमसंदिद्धं परिकहेति,
तते णं जिनपालिए जाव अप्पसोगे जाव विपुलातिं भोगभोगाई भुंजमाणे विहरति । मू. (१४०) तेणं कालेणं २ समणे० समोसढे, धम्मं सोचा पव्वतिए एक्कारसंगवी मासिएणं सोहम्मे कप्पे दो सागरोवमे, महाविदेहे सिज्झिहिति । एवामेव समणाउसो ! जाव माणुस्सए कामभोए नो पुणरवि आसाति से णं जाव वीतिवतिस्सति जहा वा से जिनपालिए। एवं खलु जंबू
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |