Page Text
________________
श्रुतस्कन्धः-१, वर्ग:, अध्ययनं ८
१५३
तते णं सा चोक्खा परिव्वाइया अन्नया कयाई तिदंडं चकुंडियं च जाव धाउरत्ताओ य गेहइ २ परिव्वाइगावसहाओ पडिनिक्खमइ २ पविरलपरिव्वाइया सद्धिं संपरिवुडा मिहिलं रायहाणि मज्झमज्झेणं जेणेव कुंभगस्स रनो भवणे जेणेव कण्णंतेउरे जेणेव मल्ली विदेह० तेणेव उवागच्छइ २ उदयपरिफासियाए दब्भोवरि पञ्चत्थुयाए भिसियाए निसियति २ त्ता मल्लीए विदेह० पुरतो दानधम्मं च जाव विहरति, तते णं मल्ली विदेहा चोक्खं परिव्वाइथं एवं वयासी-तुटणं घोक्खे! किंमूल धम्मे पन्नत्ते ?, तते णं सा चोक्खा परिव्वाइया मल्लिं विदेहं एवं वदासी -अम्हं णं देवाणुप्पिए ! सोयमूलए धम्मे पन्नवेमि, जण्णं अम्हं किंचि असुई भवइ तण्णं उदएण य मट्टियाए जाव अविग्घेणं सग्गं गच्छामो,
तए णं मल्ली विदेह० चोक्खं परिव्वाइयं एवं वदासी-चोक्खा ! से जहा नामए केई पुरिसे रुहिरकयं वत्थं रुहिरेण चेव धोवेज्जा अत्थि णं चोक्खा ! तस्स रुहिरकयस्स वत्थस्स रुहिरेणं धोव्यमाणस्स काई सोही ?, नो इणट्टे समट्टे, एवामेव चोक्खा ! तुब्भे णं पाणाइवाएणं जाव मिच्छादंसणसल्लणं नत्थि काई सोही, जहा व तस्स रुहिरकयस्स वत्थस्स रुहिरेणं चैव धोव्यमाणस्स,
तए णं सा चोक्खा परिव्वाइया मल्लीए विदेह० एवं चुत्ता समाणा संकिया कंखिया विइगिच्छिया भेयसमावण्ण जाया यावि होत्था, मल्लीए नो संचाएति किंचिवि पामोक्खमाइक्खित्तए तुसिणीया संचिट्ठति, तते णं तं चोक्खं मल्लीए बहुओ दासचेडीओ हीलेति निंदंति खंसंति गरहंति अप्पेगतिया हेरुयालंति अप्पे० मुहमक्कडिया करेंति अप्पे० वग्घाडीओ करेंति अप्पे० तज्रमाणीओ निच्छुभंति, तए णं सो चोक्खा मल्लीए विदेह० दासचेडियाहिं जाव गरहिज्रमाणी हीलिज्रमाणी आसुरुत्ता जाव मिसिमिसेमाणी मल्लीए विदेहरायवरकन्नाए पओसमावज्जति, भिसियं गेण्हति २ कण्णतेउरा ओ पडिनिक्खमति २ मिहिलाओ निग्गच्छति २ परिव्वाइयासंपरिवुडा जेणेव पंचाल - जणव जेणेव कंपिल्लपुरे बहूणं राइसर जाव परूवेमाणी विहरति,
तए णं से जियसत्तू अन्नदा कदाई अंतेउरपरियाल सद्धिं संपरिवुडे एवं जाव विहरति, तते णं सा चोक्खा परिव्वाइयासंपरिवुडा जेणेव जितसत्तुस्स रन्नो भवणे जेणेव जितसत्तू तेणेव उवागच्छइ २ ता अणुपविसति २ जियसत्तुं जएणं विजएऐणं वद्धावेति,
तते णं से जितसत्तू चोक्खं परि० एजमाणां पासति २ सीहासणाओ अब्भुट्टेति २ चोक्खं सक्कारेति २ आसणेणं उवणिमंतेति, तते णं सा चोक्खा उदगपरिफासियाए जाव भिसियाए निविसइ, जियसत्तुं रायं रज्जे य जाव अंतेउरे य कुसलोदंतं पुच्छइ, तते गं साचोक्खा जियसत्तुस्स रन्नो दानधम्मं च जाव विहरति, तते णं से जियसत्तू अप्पणो ओरोहंसि जाव विम्हिए चोक्खं एवं वदासी- तुमं णं देवाणु० बहूणि गामागर जाव अडह बहूण य रातीसर गिहातिं अणुपविससि तं अत्थियाई ते कस्सवि रन्नो वा जाव एरिसए ओरोहे दिट्टपुव्वे जारिसए णं इमे मह उवरोहे ?,
तए णं सा चोक्खा परिव्वाइया जियसत्तुं एवं वदासी ईसिं अवहसियं करेइ २ ( एवं वयासी०) एवं च सरिसए गं तुमं देवाणुप्पिया! तस्स अगडदहुरस्स ?, के णं देवाणुप्पिए! से अगडदद्दुरे ?, जियसत्तू ! से जहा नामए अगडदद्दुरे सिया,
से णं तत्थ जाए तत्थेव बुड्ढे अन्नं अगडं वा तलागं वा दहं वा सरं वा सागरं वा अपासमाणे चेवं मन्नणइ -- अयं चेव अगडे वा जाव सागरे वा, तए णं तं कूवं अन्ने सामुद्दए दहुरे हव्वभागए,
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |