Agam Sutra Satik 06 Gnatadharmakath AngSutra 06

SR No.: 003340
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 280
Language: Prakrit, Sanskrit
Classification: Book_Devnagari, Agam, Canon, Agam 06, & agam_gyatadharmkatha
File Size: 7 MB

Page 114

श्रुतस्कन्धः -१, वर्गः, अध्ययनं - ५
य विन्नवणाहि य आघवित्तए वा ४ ताहे अकामिया चैव थावच्चापुत्तदारगस्स निक्खमणमणुमन्नित्था नवरं निकूखमणाभिसेयं पासामो,
१११
तए णं से थावच्चापुत्ते तुसिणीए संचिट्ठइ, तते णं सा थावच्चा आसाणाओ अब्भुट्टेति २ महत्थं महग्घं महरिहं पाहुडं गेण्हति २ मित्त जाव संपरिवुडा जेणेव कण्हस्स वासुदेवस्स भवनवरपडिदुवारदेसभाए तेणेव उवागच्छति २ पडिहारदेसिएणं मग्गेणं जेणेव कण्हे वासुदेवे तेणेव उवागच्छति २ करयलव्वद्धवेति २ तं महत्थं महग्धं महरिहं रायरिहं पाहुडं उवणेइ २ एवं वदासी- एवं खलु देवाणुपिया ! मम एगे पुत्ते थावच्चापुत्ते नामं दारए इट्ठे जाव से णं संसारभयउब्बिग्गे इच्छति अरहओ अरिट्ठनेमिस्स जाव पव्वित्तए, अहन्नं निक्खमणसक्कारं करोमि, इच्छामि णं देवाणुप्पिया ! थावच्चापुत्तस्स निक्खममाणस्स छत्तमउडचामराओ य विदिन्नाओ,
तणं हे वासुदेवे थावचागाहावतिणीं एवं वदासी- अच्छाहि गं तुमं देवाणुप्पिए! सुनिव्युया वीसत्था, अहन्नं सयमेव थावच्चापुत्तस्स दारगस्स निक्खमणसक्कारं करिस्सामि, तते णं से कहे वासुदेवे चाउरंगिणीए सेनाए विजयं हत्थिरयणं दुरूढे समाणे जेणेव थावच्चाए गाहावतिणीए भवणे तेणेव उवागच्छति २ धावद्यापुत्तं एवं वदासी
माणं तु देवाणुप्पिया! मुंडे भवित्ता पव्ववयाहि भुंजाहि णं देवाणुप्पिया ! विउले माणुस्सए कामभीए मम बाहुच्छायापरिग्गहिए, केवलं देवाणुप्पियस्स अहं नो संचाएमि वाउकायं उवरिमेणं गच्छमाणं निवारित्तए, अन्ने णं देवाणुप्पियस्स जे किंचिवि आबाहं वा वाबाहं वा उप्पाएति तं सव्वं निधारेमि, तते गं से थावच्चापुत्ते कण्हेणं वासुदेवेणं एवं बुत्ते समाणे कण्हं वासुदेवं एवं वयासी- जइ णंतुमं देवाणुप्पिया ! मम जीवियंतकरणं मधुं एजमाणं निवारेसि जरं वा सरीररूवविणासिणि सरीरं वा अइवयमाणि निवारेसि तते णं अहं तव बाहुच्छायापरिग्गहिए विउले माणुस्सए कामभोगे भुंजमाणे विहरामि,
तणं से कहे वासुदेवे थावच्चापुत्तेणं एवं वुत्ते समाणे थावच्चापुत्तं एवं वदासी
एए देवाणुप्पिया दुरतिकमणिजा नो खलु सक्का सुबलिएणावि देवेण वा दानवेण वा निवारित्तए नन्नत्थ अप्पणो कम्मक्खएणं, तं इच्छामि णं देवाणुप्पिया ! अन्नाणमिच्छत्तअविरइकसायसंचियस्स अत्तणो कम्मक्खयं करितए,
तते से कहे वासुदेवे थावच्चापुत्तेणं एवं वृत्ते समाणे कोडुंबियपुरिसे सद्दावेति २ एवं वदासी - गच्छहणं देवाणुपिया! बारवतीए नरयरीए सिंघाडगतियगचउक्कचच्चर जाव हत्थिखंधवरगया महया २ सद्देणं उग्घोसेमाणा २ उग्घोसणं करेह एवं खलु देवा० थावच्चापुत्ते संसारभउव्विग्गे भीए जम्मणमरणाणं इच्छति अरहतो अरिट्ठनेमिस्स अंतिए मुंडे भवित्ता पव्वइत्तए तं जो खलु देवाणुप्पिया ! राया वा जुयराया वा देवी वा कुमारे वा ईसरे वा तलवरे वा कोडुंबिय० मांडबियo इब्मसेट्ठिनावइसत्यवाहे वा थावच्चापुत्तं पव्वयंतमणुपव्वयति तस्स णं कण्हे वासुदेवे अणुजाणति पच्छातुरस्सविय सेमित्तनातिनियगसंबंधिपरिजणस्स जोगखेमं वट्टमाणं पडिवहतित्तिकट्टु घोसणं घोसेह जाव घोसंति, तते णं थावच्चापुत्तस्स अणुराएणं पुरिससहस्सं निक्खमणाभिमुहं व्हायं सव्वालंकारविभूसियं पत्तेयं २ पुरिससहरसवाहिणीसु सिवियासु दुरूढं समाणं मित्तनातिपरिवुडं थावच्चापुत्तस्स अंतियं पाउब्भूयं, तते णं से कण्हे वासुदेवे पुरिससहस्समंतियं पाउब्भवमाणं